- 10 قاراشادا ورىن العان جارىقتىڭ ءسونۋى ەلەكتر جەلىلەرىندەگى پروبلەمالاردى انىقتادى. مەردىگەر كابەل كانالىن توسەۋ كەزىندە (سىعاناق جانە اقمەشىت كوشەلەرىنىڭ قيىلىسىندا) جۇمىسقا نەمقۇرايلى قاراپ, جۇمىسىن ساپاسىز اتقارعان. كوميسسيا مالىمەتتەرىنە سايكەس, تۋىنداعان ءورت پوليەتيلەن قۇبىرلارىنىڭ دۇرىس ورنالاسپاۋىنان كۇشەيگەن. ناتيجەسىندە ءبىر ارنادا جاتقان نەگىزگى جانە رەزەرۆتىك قۋات كابەلدەرى زارداپ شەكتى. سوتقا دەيىنگى تەرگەۋ جالعاسۋدا. كابەلدەردى سالۋ جۇمىستارى ەكى جىل بۇرىن جۇرگىزىلدى, جەلىلەر بالانسقا الىنباعان. قازىر ءبىز يەسىز, قاراۋسىز قالعان جەلىلەر مەن نىسانداردى بالانسقا قابىلداۋ بويىنشا جوسپارلى جۇمىس جۇرگىزۋدەمىز, - دەدى ا. كولگىنوۆ.
بۇدان باسقا, سۋمەن جابدىقتاۋ جانە كارىز جەلىلەرى بويىنشا مەحانيكالىق اسەرلەرگە توتەپ بەرە المايتىن شىنى پلاستيك جانە گوفرلەنگەن قۇبىرلاردى پايدالانۋ پروبلەماسى انىقتالدى. 34 ۋچاسكەدە وسىنداي قۇبىرلار ورناتىلعان (90 كم). اشىق ليۋكتەر مەن قۇدىقتار دا يەسىز قالعان م ۇلىك قاتارىنا جاتادى. ەلوردادا بارلىعى 102 مىڭ ليۋك بار. تۇرعىنداردىڭ اشىق قۇدىقتارعا قۇلاۋىن بولدىرماۋ ءۇشىن ليۋكتەردىڭ تورتتەن ءبىر بولىگى (24,8 مىڭ) ارنايى تورلارمەن جابدىقتالعان. بۇدان باسقا, پيلوتتىق رەجيمدە ليۋكتەرگە اۆتوماتتاندىرىلعان مونيتورينگ جۇيەسىنىڭ داتچيكتەرى ورناتىلدى.
