زاڭ جوباسى مەملەكەت باسشىسىنىڭ 2019 جىلعى 2 قىركۇيەكتەگى «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىن ىسكە اسىرۋ جونىندەگى جالپىۇلتتىق ءىس-شارالار جوسپارىنىڭ 30-تارماعىن ىسكە اسىرۋ ماقساتىندا ازىرلەنگەن جانە تاريف جاساۋدى جەتىلدىرۋگە جانە اشىقتىعىن ارتتىرۋعا, كىرمە جولدارداعى كورسەتىلەتىن قىزمەتتەردى تۇتىنۋشىلاردىڭ قۇقىقتارىن قورعاۋعا, سونداي-اق ترانزيتتىك تاسىمال پروتسەستەرىن رەتتەۋگە باعىتتالعان.
قۇجاتپەن بىرقاتار زاڭنامالىق اكتىلەرگە وزگەرىستەر مەن تولىقتىرۋلار ەنگىزىلەدى.
زاڭ جوباسىمەن قازاقستان رەسپۋبليكاسىنداعى تەمىرجول كولىگى تۋرالى زاڭنامانىڭ تالاپتارىن بۇزۋشىلىقتاردىڭ قۇرامىندا باعىتتاۋشى بۇرمالار مەن وتكەلدەردى كۇتىپ-ۇستاعانى ءۇشىن جاۋاپكەرشىلىك; كىرمە جولدارداعى رەتتەلىپ كورسەتىلەتىن قىزمەتتى كورسەتۋ ءۇشىن پايدالانىلاتىن م ۇلىك مامىلەلەرىن جاساۋ كەزىندەگى تابيعي مونوپوليا سۋبەكتىسىنىڭ تابيعي مونوپوليالار سالالارىندا باسشىلىقتى جۇزەگە اسىراتىن ۋاكىلەتتى ورگاننىڭ كەلىسىمىن الۋ مىندەتتەمەسى; ماگيسترالدىق جەلىدە قىزمەت كورسەتۋ جونىندەگى ۇلتتىق ينفراقۇرىلىم وپەراتورىنىڭ جولاۋشىلاردى تاسىمالداۋشىعا كورسەتكەن قىزمەتتەرىنە قوسىلعان قۇن سالىعىن ەسەپكە جازۋ جانە جاتقىزۋ ءتارتىبى رەگلامەنتتەلەدى.
قۇجات پالاتا قاراۋىنا بەرىلدى.
