تەرروريزم بۇگىندە حالىقارالىق دەڭگەيدە الەم ەلدەرىنە قاۋىپ ءتوندىرىپ وتىرعانى بەلگىلى. شاراعا ەرىكتىلەر رەتىندە الماتى ەنەرگەتيكا جانە بايلانىس ۋنيۆەرسيتەتىنىڭ ستۋدەنتتەرى قاتىستى.
الماتى قالاسى قوعامدىق دامۋ باسقارماسىنىڭ باستاماسىمەن اعىمداعى جىلى «مونيتورينگ جانە تالداۋ ورتالىعى» قالانىڭ مەشىتتەرىندە, مەملەكەتتىك جانە بيۋدجەتتىك ۇيىمداردا جانە ءوندىرىس كاسىپورىندارىندا ءدىن سالاسىنداعى مەملەكەت ساياساتى تۋرالى 600-دەن استام اقپاراتتىق-ءتۇسىندىرۋ جۇمىستارىن ۇيىمداستىردى.
قوعامدىق پروتسەسستەردى زەرتتەۋ جانە تالداۋ ورتالىعى» قوعامدىق قورىنىڭ اتقارۋشى ديرەكتورى, ءدىنتانۋشى تولعاناي مۇستافينا «مەشىت جاماعاتتارىنىڭ وزىندە ەشبىر قاۋىپ بولۋى مۇمكىن ەمەس. بىراق قىز-كەلىنشەكتەر ءدىني بىلىمگە, ءدىني تالاپتارعا سايكەس ءومىر سۇرۋگە قىزىعۋشىلىق بىلدىرە وتىرىپ, وزدەرىنىڭ بولاشاقتارىن دىندەگى ازاماتتارمەن بايلانىستىرۋعا تىرىسادى. ول ىزدەنىس ادەتتە مەشىتتەن تىس ورتادا, كوپ جاعدايدا عالامتور كەڭىستىگىندە جۇزەگە اسادى. مىنە, وسى كەزدە ءدىني ءبىلىمىن ەندى الىپ جاتقان جاس قىز نەمەسە كەلىنشەك وڭ مەن سولدى اجىراتا الماۋ قاۋپى بار. ماسەلە جاس قىز-كەلىنشەكتەردىڭ دارمەنسىزدىگىندە ەمەس, دەسترۋكتيۆتى يدەولوگيانىڭ ءار ءتۇرلى فورمادا كەلىپ ىقپال ەتۋىندە. سوندىقتان ءبىز مەشىتتەن ءدىني ساۋاتتىلىعىن ارتتىرۋعا كەلەتىن قىز-كەلىنشەكتەرمەن پسيحولوگتاردى تارتۋ ارقىلى ءتۇرلى ترەنينگتەر, زايىرلى مەملەكەتتەگى مەملەكەت پەن ءدىننىڭ ارا-قاتىناسى رەتتەلۋىنىڭ ەرەكشەلىكتەرىن تۇسىندىرۋگە باعىتتالعان پروفيلاكتيكالىق سۇحباتتار وتكىزەمىز» دەيدى.
«مونيتورينگ جانە تالداۋ ورتالىعى» دەرەكتەرىنە سۇيەنسەك, دۇرىس باعىتتاعى ءدىني تاربيە, تەرەڭ ءبىلىم بۇگىنگى قوعامعا اسا قاجەت. وسى باعىتتا ەلىمىزدە قىز-كەلىنشەكتەرگە ارنايى ءدىني ءبىلىم بەرەتىن 6 ءبىلىم شاڭىراعى, ياعني نۇر-مۇباراك ەگيپەت يسلام مادەنيەتى ۋنيۆەرسيتەتى جانە قازاقستان مۇسىلماندارى ءدىني باسقارماسىنا قاراستى 5 ورتا ارناۋلى وقۋ ورىندارى جۇمىس ىستەيدى. ودان وزگە 900-دەن استام مەشىتتە ارنايى تەگىن ءبىلىم بەرۋ كۋرستارى بولسا, ونىڭ بارلىعىندا دا ايەلدەر جاماعاتىنا العاشقى ساۋات اشۋ دارىستەرى قامتىلعان. سوعان قاراماستان ايەلدەر قاۋىمىنىڭ دىنگە بەت بۇرۋىندا جات اعىمعا كەتۋدەن ساقتاندىرۋ شاراسى مەملەكەتتىك ءدىن ساياساتىنىڭ ءبىر تارماعىنا اينالدى.
الماتى
