ۇكىمەت • 18 جەلتوقسان، 2019

«تسيفرلى قازاقستان» باعدارلاماسىن ىسكە اسىرۋ تيىمدىلىگى 600 ملرد تەڭگەدەن استى - ا. مامين

57 رەت كورسەتىلدى

پرەمەر-مينيستر اسقار مامين قازاقستان ەكونوميكاسىن تسيفرلاندىرۋ تاقىرىبىنا ارنالعان «Digital Samruk» كونفەرەنتسياسىنىڭ پلەنارلىق سەسسياسىنا قاتىستى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

ۇكىمەت باسشىسى قازاقستان ەكونوميكاسىن تسيفرلاندىرۋدىڭ الەمدىك ارەنادا ونىڭ تۇراقتى ءوسۋى مەن ەلىمىزدىڭ باسەكەگە قابىلەتتىلىگىن قامتاماسىز ەتۋ ءۇشىن ءوسىپ كەلە جاتقان وزەكتىلىگىن اتاپ ءوتتى. وسى ماقساتقا قول جەتكىزۋدىڭ نەگىزگى قۇرالى — «تسيفرلىق قازاقستان» مەملەكەتتىك باعدارلاماسى.

«باعدارلامانىڭ 2018 جانە 2019 جىلدارداعى جالپى ەكونوميكالىق اسەرى 600 ملرد تەڭگەدەن استى. مەملەكەتتىك قىزمەتتەردى ۇسىنۋ، ءبىلىم بەرۋ، دەنساۋلىق ساقتاۋ، قارجى سالالارى، كولىك جانە تاۋ-كەن مەتاللۋرگيا سەكتورلارىندا تسيفرلىق تەحنولوگيالاردى ەنگىزۋدە ايتارلىقتاي ەلەۋلى جەتىستىكتەرگە قول جەتكىزىلدى، بۇل قازاقستاننىڭ وزەكتى الەمدىك رەيتينگتەردەگى ورنىن جاقسارتۋعا مۇمكىندىك بەردى»، — دەدى ا. مامين.

پرەمەر-مينيستر تسيفرلاندىرۋدىڭ ۇلتتىق ەكونوميكانىڭ قوزعاۋشى كۇشىنە جانە تۇراقتى جۇمىس ورىندارىنىڭ گەنەراتورىنا تەك ول جاڭا قۇن قۇرۋدىڭ تەتىگى بولعان جاعدايدا عانا اينالا الاتىنىن اتاپ ايتتى. وسىعان بايلانىستى بىرتىندەپ ناتيجەلى يننوۆاتسيالارلارعا كۇش-جىگەر شوعىرلاندىرۋ كەرەك. ناقتى سولار قازاقستان ەكونوميكاسىنا جاڭا تەحنولوگيالاردى ازىرلەۋ مەن بەيىمدەۋدىڭ دۆيگاتەلى بولادى جانە جۇمىس ورىندارىن قۇرۋدىڭ جاڭا تولقىنىن ىسكە قوسۋعا مۇمكىندىك بەرەدى.

«وسى ايدا سان-فرانتسيسكو قالاسىندا وتكەن جۇمىس كەزدەسۋلەرى اياسىندا نارىق كوشباسشىلارىمەن اكسەلەراتسيا جانە ۆەنچۋرلىق قارجىلاندىرۋ سالاسىندا بىرلەسكەن قورلار قۇرۋ تۋرالى ۋاعدالاستىقتارعا قول جەتكىزىلدى. ءبىز سالادا قاراجاتتىڭ قولجەتىمدىلىگىن ارتتىرۋ بويىنشا جۇيەلى شارالار قابىلداپ جاتىرمىز. «سامۇرىق-قازىنا» قورى ستارتاپتار يننوۆاتسيالارىنا تۇراقتى سۇرانىستى قالىپتاستىرۋ ءۇشىن زور الەۋەتكە جانە مۇمكىندىكتەرگە يە»، — دەدى ا. مامين.

ۇكىمەت باسشىسى دۇنيەجۇزىلىك ەكونوميكالىق فورۋممەن بىرلەسىپ قازاقستاندا ايماقتىق ۇلەستەس ءتورتىنشى ونەركاسىپتىك رەۆوليۋتسيا ورتالىعىن ىسكە قوسۋ بويىنشا جوبانى جۇزەگە اسىرۋدىڭ بەلسەندى فازاسى باستالعانىن ايتتى.

«احقو بازاسىنداعى جاڭا ورتالىق ءبىزدى يزرايل، ءۇندىستان، قىتاي، ءباا، اقش جانە جاپونيانى قوسا العاندا، بۇكىل الەم بويىنشا ءىرى ورتالىقتار جەلىسىمەن بىرىكتىرۋگە مۇمكىندىك بەرەدى. وسىلايشا، دۇنيەجۇزىلىك ەكونوميكالىق فورۋمىنىڭ جەتەكشى الەمدىك سەرىكتەس كومپانيالارى جەلىسى ارقىلى قازاقستانعا وزىق بيزنەس ارىپتەستەردى تارتۋعا ىقپالىن تيگىزەدى»، — دەدى ا. مامين.

پرەمەر-مينيستر تسيفرلىق تەحنولوگيالاردىڭ بۇدان ارعى ينتەگراتسياسى قازاقستاننىڭ الەمنىڭ اسا باسەكەگە قابىلەتتى 30 ەلىنىڭ قاتارىنا كىرۋى جانە قازاقستاندىقتاردىڭ ءال-اۋقاتىن جاقسارتۋى ءۇشىن اسا ماڭىزدى ەكەنىن اتاپ ءوتتى. 

ۇكىمەت باسشىسى «سامۇرىق-قازىنا» ۇاق» اق قورجىندىق كومپانيالارىنىڭ جانە ونىڭ سەرىكتەستەرىنىڭ تسيفرلىق تەحنولوگيالار جانە «اقىلدى قالالار» سالالارىنداعى جەتىستىكتەرىنىڭ كورمەسىمەن تانىستى. 

شاراعا 700-گە جۋىق ادام — «سامۇرىق-قازىنا» ۇاق» اق باسقارما توراعاسى، تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى ا. جۇماعاليەۆ، ۇلتتىق كومپانيالاردىڭ باسشىلارى، سونداي-اق، ات جانە تەلەكوممۋنيكاتسيالىق بيزنەس وكىلدەرى قاتىستى.   

سوڭعى جاڭالىقتار

ۇقساس جاڭالىقتار