بۇل زياتكەرلىك مەكتەپتەردىڭ ۇلكەن ءارى كاسىبي ۇجىمى ءۇشىن عانا ەمەس, سونىمەن قاتار بۇكىل ۇلتتىق ءبىلىم بەرۋ جۇيەسى ءۇشىن دە ماڭىزدى وقيعا. NIS ءبىلىم سالاسىنداعى يۋنەسكو سىيلىعىنا يە بولعان قازاقستاننىڭ العاشقى وكىلى بولدى.
ديپلوممەن مەن ۇسىنىلعان جوبانى دامىتۋعا ارنالعان 20 مىڭ دوللار «نازارباەۆ زياتكەرلىك مەكتەپتەرى» دببۇ ءتورايىمى كۇلاش شامشيدينوۆاعا تاپسىرىلدى.
Wenhui Award ء«بىلىم بەرۋ – 2030» كۇن ءتارتىبىن ىلگەرىلەتۋ ءۇشىن ۋنيۆەرسيتەت پەن مەكتەپ اراسىنداعى سەرىكتەستىكتى دامىتۋعا باعىتتالعان. 2019 جىلدىڭ فينالدىق كەزەڭىندە اۆستراليا, قىتاي, مالايزيا جانە شري-لانكانىڭ ۇزدىك ۋنيۆەرسيتەتتەرى بولعان.
يۋنەسكو-نىڭ سىيلىعى ساپالى ءبىلىم مەن ءومىر بويى ءبىلىم الۋعا ىقپال ەتەتىن جوعارى وقۋ ورىندارى مەن مەكتەپتەر اراسىنداعى ءساتتى سەرىكتەستىك ءۇشىن – بالالار مەن جاستاردى ومىرگە, جۇمىسقا جانە دۇنيەجۇزىلىك جاھاندىق ازاماتتىققا دايىنداعان قازاقستاننىڭ يننوۆاتسيالىق مەكتەپتەرىنە بەرىلدى.
بەدەلدى ماراپاتقا يە بولۋ تۋرالى قازان ايىندا «نازارباەۆ زياتكەرلىك مەكتەپتەرى» دببۇ «مەكتەپ الەمىن وزگەرتەتىن ۇستازدار» XI حالىقارالىق عىلىمي-پراكتيكالىق كونفەرەنتسياسىندا جاريالاندى. قۇتتىقتاۋ حاتىندا الماتىداعى يۋنەسكو-نىڭ كلاستەرلىك كەڭسەسىنىڭ ديرەكتورى كريستا پيككات اتاپ ءوتتى.
قازاقستان, قىرعىزستان, تاجىكىستان جانە وزبەكستان بويىنشا يۋنەسكو-نىڭ كلاستەرلىك بيۋروسىنىڭ اتىنان ءوزىمنىڭ «نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمىنا دەگەن اسا قۇرمەتىمدى ءبىلدىرىپ, اسقان قۋانىشپەن, «نازارباەۆ زياتكەرلىك مەكتەپتەرى» دببۇ جوعارى وقۋ ورىندارى مەن مەكتەپتەر اراسىنداعى ىنتىماقتاستىق سالاسىنداعى ۇزدىك وقۋ ورىندارىنىڭ ءبىرى رەتىندە تانىلدى.
العاشقىلاردىڭ ءبىرى بولىپ NIS-ءتى جاڭا تابىسىمەن 2011 جىلدان باستاپ قازاقستاننىڭ يننوۆاتسيالىق مەكتەپتەرىنىڭ سەرىكتەسى بولىپ تابىلاتىن كەمبريدج ۋنيۆەرسيتەتى قۇتتىقتادى. كەمبريدج ۋنيۆەرسيتەتى ءبىلىم بەرۋ مەكتەبىنىڭ رەسمي سايتىندا: «ارىپتەستىك فاكۋلتەتى مەكتەبى ءبىلىم بەرۋ يننوۆاتسياسىنىڭ ماراپاتىن الدى ء«بىلىم بەرۋدەگى يننوۆاتسيالار» دەگەن اقپارات جاريالانعان.
– نزم سالماقتى بايقاۋدا جەڭىسكە جەتىپ, «مەكتەپتەر مەن ستۋدەنتتەر اراسىنداعى سەرىكتەستىك» باعىتىن ءساتتى قۇرعانى ءۇشىن ماراپات الدى. قۇرىلعان كۇننەن باستاپ, نزم ۇلتتىق جانە حالىقارالىق ۋنيۆەرسيتەتتەرمەن بىرگە تۇلەكتەرگە قولداۋ كورسەتۋ جانە ولاردىڭ جەتىستىكتەرىن تانۋ ماقساتىندا ىنتىماقتاستىق ورناتتى. نازارباەۆ زياتكەرلىك مەكتەپتەرىن فانتاستيكالىق جەتىستىگى مەن وسى ماراپاتقا يە بولۋىمەن قۇتتىقتايمىز.
بۇگىندە نازارباەۆ زياتكەرلىك مەكتەپتەرى قازاقستاننىڭ ۇزدىك ۋنيۆەرسيتەتتەرىمەن سەرىكتەستىك قارىم-قاتىناستا: نازارباەۆ ۋنيۆەرسيتەتى, قازاق-بريتان تەحنيكالىق ۋنيۆەرسيتەتى, ءال-فارابي اتىنداعى قازاق ۇلتتىق ۋنيۆەرسيتەتى, كيمەپ, ساتپاەۆ ۋنيۆەرسيتەتى, حالىقارالىق اقپاراتتىق تەحنولوگيالار ۋنيۆەرسيتەتى, الماتى مەنەدجمەنت ۋنيۆەرسيتەتى, نارحوز ۋنيۆەرسيتەتى «بيزنەستى اكىمشىلىكتەندىرۋ باكالاۆرى» ماماندىعى بويىنشا, سۇلەيمەن دەميرەل اتىنداعى ۋنيۆەرسيتەتى جانە تاعى باسقالارى.
بۇگىنگى تاڭدا NIS-programme وقۋ باعدارلاماسى مەن نزم 12-سىنىپ سەرتيفيكاتىن بىرقاتار حالىقارالىق ۇيىمدار مويىندادى: ۇلىبريتانيانىڭ ءبىلىم كۋالىگىن تانۋ جونىندەگى ۇلتتىق اقپارات ورتالىعى (UK NARIC), گوللانديانىڭ ءبىلىم بەرۋدى ينتەرناتسيونالداندىرۋ بويىنشا ۇيىمى (NUFFIC), گەرمانيا فەدەرالدى جەرلەرىنىڭ جانە ءبىلىم مينيسترلەرىنىڭ تۇراقتى كونفەرەنتسياسىنىڭ كەڭەسى جانە شۆەيتسارياداعى قوناقۇي مەنەدجمەنتى سالاسىنداعى پروۆايدەرى Swiss Education Group.
NIS-programme وقۋ باعدارلاماسى مەن سەرتيفيكاتتى شەتەلدىك جوعارى وقۋ ورىندارى مويىندادى: كەمبريدج ۋنيۆەرسيتەتى, بورنمۋت ۋنيۆەرسيتەتى, گلازگو كالەدونيا ۋنيۆەرسيتەتى, گونكونگ قالالىق ۋنيۆەرسيتەتى (قحر), گونكونگ پوليتەحنيكالىق ۋنيۆەرسيتەتى, پۋسان ۇلتتىق ۋنيۆەرسيتەتى, يونسەي ۋنيۆەرسيتەتى (وڭتۇستىك كورەيا), موناش ۋنيۆەرسيتەتى (اۆستراليا), ولار نزم تۇلەكتەرىن جوعارى وقۋ ورنىنا دەيىنگى كۋرستى وتپەي-اق باكالاۆريات باعدارلامالارىنا قابىلدايدى.
