«داۋلەت» سپورت كەشەنىندە وتەتىن بايراقتى باسەكە بارىسىندا ەرلەر مەن ايەلدەر اراسىندا 12 سالماق دارەجەسىندە جۇلدەلەر ساراپقا سالىنباق. الەم بىرىنشىلىگىنىڭ سالتاناتتى اشىلۋى جوعارىدا اتالعان سپورت كەشەندە 20-شى جەلتوقسان كۇنى ساعات 16.00-گە جوسپارلانعان.
اتالعان الەم چەمپيوناتى بىرىككەن كۇرەس الەمىنىڭ (United World Wrestling) 2019 جىلعا ارنالعان رەسمي كۇنتىزبەسىنە ەنگەن جانە جارىستار تولىقتاي UWW رەسمي وكىلدەرى مەن حالىقارالىق دارەجەدەگى تورەشىلەرىنىڭ قاتىسۋىمەن وتكىزىلمەك. ال ەل جانكۇيەرلەرى «QAZSPORT» تەلەارناسى ارقىلى دودالى جارىستىڭ بەلدەسۋلەرىن تاماشالاي الادى.
الەم چەمپيوناتى اياسىندا الىس-جاقىن شەت ەلدەردىڭ وكىلدەرىنىڭ قاتىسۋىمەن دۇنيەجۇزىلىك «قازاق كۇرەسى» فەدەراتسياسىنىڭ حالىقارالىق كونگرەسسى وتەدى.
سونداي-اق جيىننىڭ كۇن تارتىبىندە فەدەراتسيا القا مۇشەلەرىنىڭ سايلانۋى جانە باسقا دا ماسەلەلەر قاراستىرىلادى. حالىقارالىق كونگرەسس «پەكين پالاس» قوناق ءۇيىنىڭ «Silk way» ءماجىلىس زالىندا 2019 جىلدىڭ 19-جەلتوقساندا ساعات 11.00-دە باستالادى.
جارىس بىرىككەن كۇرەس الەمى, نۇر-سۇلتان قالاسىنىڭ اكىمدىگى, دۇنيەجۇزىلىك «قازاق كۇرەسى» فەدەراتسياسىنىڭ ۇيىمداستىرۋىمەن وتەدى. سونداي-اق جارىستىڭ وتۋىنە «Eurasian Resources Group» (ERG) كومپانياسى قولداۋ كورسەتتى.
