رۋحانيات • 18 جەلتوقسان، 2019

«ساحناگەر-2019» ۇلتتىق تەاتر سىيلىعىنىڭ يەگەرلەرى انىقتالدى

124 رەت كورسەتىلدى

نۇر- سۇلتان قالاسىندا مادەنيەت جانە سپورت مينيسترلىگى قازاقستان تەاترلار اسسوتسياتسياسىنىڭ ۇيىمداستىرۋىمەن «ساحناگەر-2019» ۇلتتىق تەاتر سىيلىعىنىڭ سالتاناتتى ماراپاتتاۋ كەشى ءوتتى. بۇل تۋرالى مادەنيەت جانە سپورت مينيسترلىگىنىڭ ءباسپاسوز قىزمەتى حابارلادى.

Oلاردىڭ قاتارىندا دراما، وپەرا، بالەت، قۋىرشاق، جاستار تەاترلارىندا ەڭبەك ەتىپ جۇرگەن، ايرىقشا دارىنى مەن شىعارماشىلىعى ارقىلى ەل ونەرىنىڭ دامۋىنا ەرەكشە ۇلەس قوسقان كاسىبي ماماندار بار. ادەتتەگىدەي «ساحناگەر - 2019» ۇلتتىق سىيلىعى - 2018-2019 جىلدارداعى تەاتر ماۋسىمىنىڭ قورىتىندىسى بويىنشا باستى نوميناتسيا «ساحناگەر» سىيلىعى مەن ارنايى كۋبوگى 18 ۇزدىك مامانعا بەرىلدى.

«ۇزدىك دراماتۋرگ» نوميناتسياسىمەن دراماتۋرگ روزا مۇقانوۆا ماراپاتتالدى. ال «ۇزدىك رەجيسسەر» نوميناتسياسىن  گۇلسينا مەرعاليەۆا الدى.

بيىل «Teaتر ونەرىنىڭ دامۋىنا قوسقان ەرەكشە ۇلەسى ءۇشىن» نوميناتسياسى 4 ساحنا شەبەرىنە، «ساحنالىق عۇمىر» نوميناتسياسى شىعارماشىلىق ەڭبەك ءوتىلى ەلۋ جىلدان كەم ەمەس 2 ونەر ارداگەرىنە (ق.قۋانىشباەۆ اتىنداعى قازاق مەملەكەتتىك اكادەميالىق مۋزىكالىق دراما تەاترىنىڭ نەگىزىن قالاۋشىلاردىڭ ءبىرى، اكتريسا، قازاقستاننىڭ ەڭبەك سىڭىرگەن ءارتيسى، «قۇرمەت» وردەنىنىڭ يەگەرى رىمكەش ومارحانوۆا – «ساحنالىق عۇمىر» ارنايى نوميناتسياسىمەن)، سونداي-aق ساحنادا ۇزدىك ونەرىمەن جارقىراپ كورىنگەن تالانتتى 30 جاس مامانعا ء«ۇمىت» سىيلىعى تابىس ەتىلدى.

اكتەر، قازاقستاننىڭ ەڭبەك سىڭىرگەن قايراتكەرى - نۇركەن وتەۋىل – «ۇزدىك اكتەر»;

جاس اكتەر، كومپوزيتور، «سەرپەر» جاستار وداعى سىيلىعىنىڭ يەگەرى ولجاس جاقىپبەك ء«ۇمىت» نوميناتسياسىمەن ماراپاتتالدى.

ايتا كەتەيىك، «ساحناگەر-2019» ۇلتتىق تەاتر سىيلىعى – ەلىمىزدىڭ مادەني كەڭىستىگىن بىرىكتىرىپ قانا قويماي، مەملەكەتىمىزدىڭ كوپۇلتتى تەاتر ونەرىنىڭ دامۋىنا تىرەك بولاتىن كوركەمدىك ەستەتيكالىق جانە رۋحاني قۇندىلىقتاردى ناسيحاتتايدى. بۇگىنگى تەاتر ونەرى ۇردىسىندەگى جاڭاشىلدىق پەن ساحنالىق ىزدەنىستەردى كوپشىلىككە دارىپتەپ، وسكەلەڭ ۇرپاقتىڭ بويىندا وتانسۇيگىشتىك قاسيەتتەر مەن ەلدىك سەزىمدەردى ارتتىرۋعا جول اشادى. سونىمەن قاتار بايقاۋ رەسپۋبليكالىق جانە وڭىرلىك تەاترلاردىڭ شىعارماشىلىق كەلبەتىن ساقتاۋ مەن دامىتۋداعى ءرولىن ايقىنداپ، دامىتۋعا مۇمكىندىك تۋعىزادى.

 

سوڭعى جاڭالىقتار

اشىقتىق – قوعام دامۋىنىڭ كەپىلى

ايماقتار • بۇگىن، 13:00

دوللار قايتا قىمباتتادى

ەكونوميكا • بۇگىن، 12:18

ۇقساس جاڭالىقتار