قازاقستان • 18 جەلتوقسان، 2019

العاشقى حالىقارالىق باعىت اشىلدى

71 رەت كورسەتىلدى

تاياۋدا وتاندىق العاشقى لوۋكوستەر FlyArystan كومپانياسى ەلوردامىزدان ماسكەۋگە قاتىنايتىن العاشقى حالىقارالىق ۇشاق باعىتىن اشتى. اۋە كومپانيانىڭ ءباسپاسوز قىزمەتى حابارلاعانداي، نۇر-سۇلتان ماسكەۋ باعىتىنداعى بيلەتتىڭ باعاسى نارىقتاعىدان شامامەن 60 پايىزعا تومەن.

پرەزيدەنت  قاسىم-جومارت توقاەۆ جولداۋىندا ەلىمىزدە ۇشاق بيلەتتەرىنىڭ قىمبات ەكەنىن سىنعا الىپ، ۇكىمەتكە وسى ماسەلەنى شەشۋ جولدارىن قاراستىرۋدى تاپسىرعانى ءمالىم. FlyArystan اشقان جاڭا باعىت وسى ولقىلىقتى جويۋعا باعىتتالعان قادامداردىڭ ءبىرى بولىپ تابىلادى. نۇر-سۇلتاننان ماسكەۋگە Airbus A320 ۇشاعىمەن بارۋ قۇنى – 19 999 تەڭگە. اۋە كومپانياسىنىڭ سايتىنان الدىن الا ساتىپ العان جاعدايدا رەسەي استاناسىنا دەيىنگى ءۇش ساعاتتان ءسال-اق اساتىن ساپار ءۇشىن 9 999 تەڭگە تولەۋگە مۇمكىندىك بار ەكەنىن ايتا كەتەيىك.

AirAstana كومپانياسىنىڭ پرەزيدەنتى پيتەر فوستەردىڭ سوزىنە قاراعاندا، وتاندىق لوۋكوستەر اشىلعان 7 ايدىڭ ىشىندە ەلىمىزدىڭ اۋە تاسىمالى نارىعى ايتارلىقتاي دامىپ كەلەدى.

 – قازاقستاننىڭ 8 اۋەجايىنان ۇشاتىن جولاۋشىلار سانى ورتا ەسەپپەن 35 پايىزعا كوبەيدى. قازان ايىندا جاڭا بورت ىسكە قوسىلعاننان كەيىنگى ارالىقتا بۇل كورسەتكىش تاعى ءبىرشاما كوتەرىلدى. ءبىز ءوزىمىزدى نارىقتاعى سەنىمدى، حالىقتىق كومپانيا رەتىندە كورسەتتىك دەپ سانايمىن. قازاقستاننىڭ ءتۇرلى ايماقتارىنا عانا ەمەس، باسقا ەلدەرگە دە بارعىسى كەلەتىن ادامدار كوپ ەكەنىنە سەنىمدىمىز، سول ءۇشىن دە جاڭا رەيستى اشتىق، – دەدى ول.

قازاقستاننىڭ باس قالاسىنان كەلگەن Airbus A320 ۇشاعىن ماسكەۋدەگى جۋكوۆسكي اۋەجايىنان «رامپورت اەرو» اق باس ديرەكتورىنىڭ ورىنباسارى ادەكساندر سەمەنوۆ باستاعان ارنايى توپ سالتاناتپەن كۇتىپ الدى.

– قازاقستاننىڭ العاشقى لوۋكوستەرى العاشقى حالىقارالىق باعىت رەتىندە ءبىزدىڭ ەلدى، ءبىزدىڭ اۋەجايدى تاڭداعانىنا وتە قۋانىشتىمىز. بۇل ءبىز ءۇشىن ۇلكەن جاۋاپكەرشىلىك. الداعى ۋاقىتتا جۋكوۆسكي اۋەجايى وسى باعىتتىڭ ۇزاق ءارى تابىستى بايلانىستاردىڭ باستاۋى بولۋى ءۇشىن بارلىعىن جاسايدى،– دەدى ا.سەمەنوۆ.

اۋە لاينەرى نۇر-سۇلتان قالاسىنان ماسكەۋگە كۇن سايىن كەشكى 22-10-دا ۇشىپ، ماسكەۋ ۋاقىتىمەن 22-40-تا جەتەدى. كەرى باعىتتا ماسكەۋ ۋاقىتىمەن 23:25-تە ۇشىپ، ەلوردا ۋاقىتىمەن 05:35-تە جەتەدى. اۋە كومپانياسىنىڭ وكىلدەرى بۇل ۋاقىت قازاقستاندىقتاردىڭ ماسكەۋدە بارىنشا كوبىرەك ۋاقىت وتكىزۋىنە ىڭعايلى جاعداي جاساۋ ءۇشىن تاڭدالعانىن ايتادى.

ماسكەۋدىڭ ىرگەسىندەگى جۋكوۆسكي اۋەجايىنىڭ اشىلعانىنا بىرنەشە جىل عانا بولسا دا، رەسەي استاناسىنداعى تەز ۇلكەيىپ كەلە جاتقان اۋەجايلاردىڭ ءبىرى ەكەنىن ايتا كەتەيىك. بىلتىر اۋەزجاي قىزمەتىن 1 ملن 200 مىڭعا جۋىق ادام پايدالانىپ، الدىڭعى جىلمەن سالىستىرعاندا كورسەتكىش 180 پايىزعا ءوسىپتى. FlyArystan-نىڭ 180 ادامدىق اۋە لاينەرى كەلە باستاعاننان كەيىن اۋەجايدىڭ جولاۋشى قابىلداۋ كورسەتكىشى كەمىندە 30 پايىزعا كوتەرىلمەك.

سوڭعى جاڭالىقتار

دوللار قايتا ارزانداي باستادى

ەكونوميكا • بۇگىن، 11:26

قاسقىر بەينەلى قاسىق

تاريح • بۇگىن، 09:01

رۋح بەينەسى

ونەر • بۇگىن، 08:52

كيمەشەك

رۋحانيات • بۇگىن، 08:49

وزىمىزگە ءوزىمىز جاساعان قاستىق

كوروناۆيرۋس • بۇگىن، 08:47

جول بويىندا «جىلقى» تۇر

ايماقتار • بۇگىن، 08:45

الاياقتاردان اباي بولايىق

قوعام • بۇگىن، 08:41

قامقورلىق – كوڭىلگە دەمەۋ

ايماقتار • بۇگىن، 08:38

Aulafit اۋرۋدان قورعايدى

ايماقتار • بۇگىن، 08:36

اۋىلداعىنىڭ اقشاسى از

قوعام • بۇگىن، 08:25

مۇناي ءوندىرۋ ارتادى

ەكونوميكا • بۇگىن، 08:11

سەناتور – سايلانعان وڭىرىندە

ساياسات • بۇگىن، 07:51

«ساتەمىر حان» كىم؟

رۋحانيات • كەشە

«ەسىل وزەن»

ونەر • كەشە

تاسادا قالعان تۇلعا

تاريح • كەشە

ۇقساس جاڭالىقتار