نەگىزى ءوسىمدى جەكە سەكتوردا جۇمىس ىستەيتىن نىساندار بەرىپ وتىر. تاۋار اينالىمىنىڭ بارلىق ءتۇرى بويىنشا 100 پروتسەنتتىك كورسەتكىش جەكەمەنشىكتىڭ قولىندا ەكەن. ياعني, ەسەپتى مەرزىمدە جەكە كاسىپكەرلەر 262721,4 ملن تەڭگەنىڭ تاۋارىن ساۋدالاعان. بۇل ارعى جىلمەن سالىستىرعاندا 9,5 پروتسەنتكە ارتىق.
ال تاۋار اينالىمى نەگىزىنەن وبلىستىڭ الماتى قالاسى ماڭىنداعى اۋداندارى مەن تالدىقورعان قالاسىندا تابىستى ءجۇرىپ وتىر. اتاپ ايتقاندا, قاراساي اۋدانىندا 28,3 پروتسەنت, تالعار اۋدانىندا 12,1 پروتسەنت, ىلە اۋدانىندا 11,7 پروتسەنت جانە وبلىس ورتالىعىندا 13,4 پروتسەنت شاماسىندا ەكەن.
