تاۋەلسىزدىك كۇنىن تويلاۋعا ارنالعان سالتاناتتى ءىس-شارادا پرەمەر-ءمينيستردىڭ ءبىرىنشى ورىنباسارى – قارجى ءمينيسترى ءاليحان سمايىلوۆ بىرقاتار قىزمەتكەردى مەملەكەتتىك ناگرادالارمەن ماراپاتتادى. قازاقستان پرەزيدەنتىنىڭ 2019 جىلعى 29 قاراشاداعى № 207 جارلىعىمەن مەملەكەتتىك كىرىستەر كوميتەتىنىڭ توراعاسى مارات سۇلتانعازيەۆ «قۇرمەت» وردەنىمەن ماراپاتتالدى. سونداي-اق قارجى مينيسترلىگىنىڭ بىرقاتار لاۋازىمدى تۇلعاسى «قۇرمەتكە» يە بولدى.
بۇدان بولەك, جيىن بارىسىندا «ەرەن ەڭبەگى ءۇشىن» مەدالى, قازاقستان رەسپۋبليكاسىنىڭ قۇرمەت گراموتاسى جانە باسقا دا مەدالدار تابىس ەتىلدى.
سالتاناتتى ءىس-شارادا مەملەكەتتىك كىرىستەر كوميتەتىنىڭ تالانتتى, جاس ماماندارى ونەر كورسەتتى.
باعدارلامانىڭ باسىندا 1986 جىلعى جەلتوقسان وقيعالارى تۋرالى ەستەلىكتەر وقىلدى. مەرەكەلىك شارادا ايتىسكەر اقىن, سالىق قىزمەتكەرى ولجاس وتار دومبىرامەن اۆتورلىق تۋىندىسىن ورىندادى.
سونىمەن قاتار مەملەكەتتىك كىرىستەر كوميتەتىندە دە تاۋەلسىزدىك كۇنىنە ارنالعان سالتاناتتى ءىس-شارا ءوتتى.
جيىندا مەملەكەتتىك كىرىستەر كوميتەتىنىڭ توراعاسى مارات سۇلتانعازيەۆ قۇتتىقتاۋ ءسوز سويلەپ, مەملەكەتتىك مەرەكە قۇرمەتىنە وراي كوميتەتتىڭ ۇزدىك قىزمەتكەرلەرىن سالتاناتتى تۇردە ماراپاتتادى.
