رۋحانيات • 17 جەلتوقسان، 2019

«اباي» – قۋىرشاق بەينەسىندە

27 رەتكورسەتىلدى

ءبىر عاسىرعا جۋىق ۇلت مادەنيەتىنە مەن رۋحانياتىنا زور ۇلەس قوسىپ كەلە جاتقان الماتى مەملەكەتتىك قۋىرشاق تەاترىندا «مەن ءبىر جۇمباق اداممىن... اباي» سپەكتاكلى ساحنالاندى.

«رۋحاني جاڭعىرۋ» باعدارلاماسىنىڭ التىن وزەگىنە نەگىزدەلگەن ۇلتتىق مۇراتتىڭ ءبىرى ءارى بىرەگەيى – ۇلى تۇلعالارىمىز بەن ۇلتتىق قۇندىلىقتارىمىزدى ناسيحاتتاۋ، وسكەلەڭ ۇرپاقتىڭ تاربيەسىنە شامشىراق ەتىپ الىپ، بارشا الەمگە پاش ەتۋ ارقىلى ەلدىك، حالىقتىق تۇعىرىمىزدى بيىكتەتە ءتۇسۋ.  جاھاندى جاۋھار جىرلارىمەن، تاۋسىلماس قازىناسىمەن رۋحاني بايلىققا، ادامگەرشىلىككە، قاراپايىمدىلىق پەن وقۋ-بىلىمگە جەتەلەگەن ۇلى اباي تۋرالى ساحنالىق تۋىندى بۇل جولى بالالار تىلىندە سويلەدى.  بۇل – الماتى قۋىرشاق تەاترىنىڭ ۇلتتىق ونەر الەمىنە اكەلگەن تىڭ جاڭالىعى ءارى مادەني تابىسى.

رۋحاني شولىركەگەن حالىقتى اسىل مۇراسىمەن سۋسىنداتقان اقىن تاعدىرى مەن شىعارماشىلىعىن وزگە قىرىنان كورسەتكەن الماتى قۋىرشاق تەاترى ماعىناسىنا ساي دەتالدار ارقىلى، الەۋمەتتىك، قوعامدىق، مورالدىق ماسەلەلەردى ارقاۋ ەتكەن ولەڭدەرى مەن قاراسوزدەرىنە، سونىمەن قاتار، م.اۋەزوۆتىڭ «اباي جولى» رومانىنا نەگىزدەپ كورسەتۋدى ماقسات ەتكەن. مۇندا تەرەڭ فيلوسوفيا دا، جالپىادامزاتقا ورتاق ۇلتتىق قۇندىلىقتاردى قادىرلەۋگە جاسالعان قادام دا بار. جانعا جىلى تيەتىن ءازىل دە، ماحاببات پەن نازىكتىك تە وسى سپەكتاكلدەن كورىنىس تاپقان. كۇردەلى ويعا، سانالى كورەرمەننىڭ زەردەسىنە قۇرىلعان سپەكتاكل كورەرمەننىڭ كوڭىل پەردەسىن اشپاي قويمايدى.

رەجيسسەر ا.زايتسەۆتىڭ «مەن ءبىر جۇمباق اداممىن...اباي» ءبىر جاعى، فەستيۆالدىق بايگەگە ارنالعان سپەكتاكل. قازاقتان وزگە جۇرتقا، تۇركىمەنگە، تاجىككە، ازىربايجانعا، ارميانعا، الىستاعى ەۋروپا جۇرتىنا، باسقا حالىقتارعا ابايدى تانىستىرۋدى، ولاردى اباي الەمىنە بويلاتۋدى ماقسات ەتكەن. سەبەبى بۇل اباي ارمانى، قازاق مۇراتى تۋرالى سپەكتاكل. ادام بولىپ قالۋ، ادامدىق جودى ۇستانۋ. كۇللى ادامزاتقا ورتاق قۇندىلىقتار مەن ماسەلەلەر. تۇلعا تاعدىرى جانە ۇلت كەلەشەگى. مۇنىڭ ءبارى قويىلىمنىڭ ءون بويىنا توعىسقان. رەجيسسەردىڭ ابايدىڭ قاراسوزدەرىن، ولەڭدەرىن بۇگىنگى كۇنمەن ۇيلەستىرىپ ورە وتىرىپ، كورەرمەنگە وي سالعىسى كەلگەن مىندەتى كاسىبي تۇردە ورىندالعان. قۋىرشاق بەينەسىندەگى اقىن وبرازىنىڭ ءساتتى اشىلۋىنا رەجيسسەر كوپ ەڭبەك سىڭىرگەن. ءاربىر كورەرمەن قويىلىمنان وزىنشە وي تۇيەدى. «اباي» سپەكتاكلى كەزەكتى رەت تالعامى وزىق كورەرمەن ىقىلاسىنا يە بولىپ، زور قوشامەتكە بولەندى. اقىننىڭ 175 جىلدىعىمەن تۇسپا-تۇس قويىلعان سپەكتاكل قاي كەزەڭدە دە وزەكتىلىگىن جوعالتپاسى انىق.

الماتى

سوڭعى جاڭالىقتار

ءۇي جانۋارىنان ۆيرۋس جۇعا ما؟

كوروناۆيرۋس • بۇگىن، 18:39

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

تاسقىننىڭ بۇگىنگى احۋالى

ايماقتار • بۇگىن، 15:42

سالەحاردتان كەلگەن تسيكلون

ايماقتار • بۇگىن، 15:30

ەلوردادا جالپى جاعداي تۇراقتى

كوروناۆيرۋس • بۇگىن، 14:50

فۋتبول ماۋسىمى جالعاسا ما؟

سپورت • بۇگىن، 14:48

ۇقساس جاڭالىقتار