ەۋروپالىق وداق (ەو) پەن قازاقستان اراسىنداعى ىنتىماقتاستىق كەڭەسى ءوزىنىڭ وتىزىنشى وتىرىسىن وتكىزدى. وتىرىس ەو دەلەگاتسياسىنىڭ باسشىسى رەتىندە ليتۆا رەسپۋبليكاسىنىڭ سىرتقى ىستەر ءمينيسترى ليناس لينكياۆيچيۋستىڭ توراعالىق ەتۋىمەن بولدى.
قازاقستان دەلەگاتسياسىن قازاقستان رەسپۋبليكاسى پرەمەر-ءمينيسترىنىڭ ورىنباسارى ەربول ورىنباەۆ باسقاردى. وتىرىسقا سونداي-اق ەۋروپا سىرتقى بايلانىس قىزمەتىنىڭ باس وپەراتسيالىق ديرەكتورى و’سالليۆەن مەن ەو-نىڭ ورتالىق ازيا بويىنشا ارنايى وكىلى پاتريتسيا فلور حانىم قاتىستى.
ىنتىماقتاستىق كەڭەسى بىرقاتار سالالارداعى قاتىناستاردى نىعايتۋ ءۇشىن ەكى تاراپتىڭ ايتارلىقتاي جۇمىس اتقارعانىن راستادى جəنە 2011 جىلعى ماۋسىمدا وتكەن ەو مەن قازاقستان اراسىنداعى ىنتىماقتاستىق كەڭەسىنىڭ ون ەكىنشى وتىرىسىنان كەيىنگى كەزەڭ ىشىندەگى قىزمەتكە باعا بەردى. ىنتىماقتاستىق كەڭەسى كەلىسسوزدەردىڭ جالعاساتىنىنا جəنە قازاقستان مەن ەۋروپالىق وداق اراسىنداعى əرىپتەستىك پەن ىنتىماقتاستىق تۋرالى جاڭا كەڭەيتىلگەن كەلىسىمنىڭ جاسالاتىنىنا قىزىعۋشىلىعىن قۋاتتادى.
ىنتىماقتاستىق كەڭەسى ءوڭىرلىك تە, سونداي-اق ۇلتتىق دەڭگەيدە دە ورتالىق ازيا بويىنشا ەو ستراتەگياسىن كەشەندى ىسكە اسىرۋدىڭ ماڭىزدىلىعى تۋرالى تاعى دا مəلىمدەدى جəنە قازاقستاننىڭ ورتالىق ازيا بويىنشا ەو وڭىرلىك باستامالارىنا قاتىساتىنىن قۇپتادى. قۇقىق ۇستەمدىگى, ءبىلىم بەرۋ مەن قورشاعان ورتا سياقتى ناقتى باستامالارعا قاتىستى احۋالدى دامىتۋ جايى تالقىلاندى.
ىنتىماقتاستىق كەڭەسى ەكى تاراپ ءۇشىن دە ماڭىزدى بولىپ وتىرعان بىرقاتار ماسەلەلەردى تالقىلادى, اتاپ ايتقاندا, ساياسي رەفورمالار, قۇقىق ۇستەمدىگى مەن ادام قۇقىعى, ساۋدا-ەكونوميكالىق قاتىناستار, ورتالىق ازياداعى وڭىرلىك ىنتىماقتاستىق (سۋ, ەنەرگەتيكا جانە قورشاعان ورتانى قوسا العاندا) جانە حالىقارالىق ماسەلەلەر اڭگىمە وزەگىنە اينالدى.
كەڭەس قازاقستاننىڭ بۇكىلالەمدىك ساۋدا ۇيىمىنا كىرۋى تۋرالى كەلىسسوزدەردىڭ وڭ ناتيجەلەرىن قۇپتادى. ەو قازاقستان رەسپۋبليكاسىنىڭ بسۇ-عا مۇشەلىگىنە قولداۋ كورسەتتى, ول قالعان ساۋدالىق توسقاۋىلداردى ەڭسەرۋگە كومەكتەسەدى جانە ەكىجاقتى ساۋدانى بارىنشا ۇلعايتۋعا ۇمتىلادى.
كەڭەس ورتالىق ازياداعى ءوڭىرلىك ىنتىماقتاستىقتى جانە اۋعانستاندى قوسا العاندا, حالىقارالىق ماسەلەلەردى تالقىلادى. ىنتىماقتاستىق كەڭەسى وڭىردەگى جانجالداردىڭ الدىن الۋ جانە الەۋمەتتىك-ەكونوميكالىق دامۋدىڭ ءتيىمدى ءتاسىلى رەتىندە ورتالىق ازياداعى وڭىرلىك ىنتىماقتاستىقتىڭ ماڭىزدىلىعىن اتاپ كورسەتتى. وسى ءمان-ماتىندە ىنتىماقتاستىق كەڭەسى ورتالىق ازيا ارىپتەستەرىن سۋ رەسۋرستارىن باسقارۋعا, وڭىردەگى قاۋىپسىزدىك پەن ەنەرگەتيكا ماسەلەلەرىنە قاتىستى تۇراقتى شەشىمدى ىزدەۋگە شاقىردى. ويتكەنى, بۇل بارلىق مۇددەلەردى ەسكەرۋگە جانە وڭىردەگى بىرلىكتى ساقتاۋعا جاردەمدەسەر ەدى.
«ەگەمەن-اقپارات».
