داۋلەت بولات ۇلىن جانكۇيەرلەرگە تانىستىرىپ جاتۋدىڭ ءوزى ارتىق. دەسەك تە ايتۋلى ازاماتتىڭ ەل سپورتىنا سىڭىرگەن ەڭبەگى ەرەن ەكەنى انىق. ول – گرەك-ريم كۇرەسىنەن كسرو-نىڭ جەتى دۇركىن چەمپيونى, كسرو حالىقتارى سپارتاكياداسىنىڭ جەڭىمپازى, سەۋل جانە بارسەلونا وليمپياداسىنىڭ جۇلدەگەرى, دۇنيە ءجۇزى, ەۋروپا جانە ازيا چەمپيونى, قۇرلىقتىق ويىندارىنىڭ جەڭىمپازى, الەم كۋبوگىنىڭ ەكى دۇركىن يەگەرى. وسىلاي ۇزاققا دەيىن تىزبەكتەي بەرۋگە بولادى.
داۋلەت تۇرلىحانوۆتىڭ اتىنداعى زالدىڭ اشىلۋ سالاتاناتىنا قر مادەنيەت جانە سپورت ءمينيسترى اقتوتى رايىمقۇلوۆا, وليمپيادا چەمپيونى جاقسىلىق ۇشكەمپىروۆ, رەسپۋبليكالىق سپورت كوللەدجدىڭ ديرەكتورى امالبەك تشان, قر قول دوبى فەدەراتسياسىنىڭ پرەزيدەنتى گۇلنار تۇرلىحانوۆا جانە تاعى باسقا لاۋازىمدى تۇلعالار قاتىستى.
بەلگىلى مەملەكەت جانە قوعام قايراتكەرى امالبەك تشان باسقاراتىن رەسپۋبليكالىق سپورت كوللەدجىنەن تالاي ساڭلاق سپورتشىلاردىڭ شىققاندارى بەلگىلى. ولاردىڭ اراسىندا وليمپيا ويىندارى مەن الەم چەمپيوندارى دا جەتىپ ارتىلادى. الاشتىڭ ماقتان تۇتار ازاماتى داۋلەت تۇرلىحانوۆ تا ءدال سول مەكتەپ-ينتەرناتتىڭ قابىرعاسىندا ءتالىم-تاربيە العان. بۇيىرتسا, سول جەڭىسپەن ورىلگەن ءداستۇر الداعى ۋاقىتتا دا جالعاسىن تاباتىنىنا سەنىمدىمىز.
