وڭىرىمىزدە العاش رەت ۇيىمداستىرىلعان ءان مەن جىر, تەرمە فەستيۆالىنە ەلىمىزگە تانىمال ءداستۇرلى انشىلەر كەلگەن.
ولاردىڭ اراسىندا نۇر-سۇلتان قالاسىنان كۇنسۇلۋ تۇرىكپەن, الماتىدان ءسابيت دابىل, شاتتىق ۋاتقان, قىزىلوردادان مارات سۇگىرباي, كوكشەتاۋدان ءنازيرا بەيسەنوۆا, پاۆلوداردان ەربول ايتباەۆ, سالتانات قيساتوۆا, باياناۋىلدىڭ جاس ءانشىسى بازارباي ازامات, ۋسپەن اۋدانىنان قۇرمەتجان ەرباق, بوكەن جىگەر, جالىن قۇنانباي, ماڭعىستاۋدان «مەن قازاقپىن» جوباسىنىڭ جۇلدەگەرى, ايتۋلى ءداستۇرلى ءانشى وسپان قۇلسىماقتار بار.
فەستيۆال بارىسىندا انشىلەر ءوز وڭىرلەرىنىڭ ماقامىنا ساي ەكى ءداستۇرلى ءان ورىنداپ شىقتى.
فەستيۆال سوڭىندا وبلىستىق مادەنيەت, تىلدەردى دامىتۋ جانە ارحيۆ ءىسى باسقارماسىنىڭ باسشىسى ەرنۇر داۋەنوۆ قاتىسۋشىلارعا قۇتتىقتاپ, ۋسپەن, جەلەزين, اققۋلى, تەرەڭكول, شارباقتى اۋدانى اكىمدەرىرىنىڭ العىس حاتىن جانە اقشالاي سىيلىقتاردى تابىس ەتتى.
اۋدانعا كەلىپ, قونىستانعان قىتايدان ەلگە ورالعان قانداس باۋىرلارىمىز اۋداندىق مادەنيەت ۇيىندە قىزمەت ەتىپ جۇرگەن جۇسىپبەك ەلەبەكوۆ اتىنداعى رەسپۋبليكالىق ەسترادا-تسيرك كوللەدجىنىڭ تۇلەگى جالىن قۇنانباي, حالىقارالىق قازاق-تۇرىك ۋنيۆەرسيتەتىنىڭ تۇلەگى ەرباق قۇرمەتجان, قىتاي ەلىندەگى «كۇيتۇن» اقىندار ينستيتۋتىن بىتىرگەن بوكەن جىگەردىڭ ونەرلەرى اسەرلى بولدى.
ال, العاش رەت ءوتىپ تۇرعان تاڭقالارلىق فەستيۆالدى ۇيىمداستىرۋدا وبلىستىق, اۋداندىق مادەنيەت بولىمدەرىنەن باسقا, قۇرمەتجان ەرباق, بوكەن جىگەر, جالىن قۇنانبايلاردىڭ دا ۇلەسى بار ەكەنى ءسوزسىز.
پاۆلودار وبلىسى,
ۋسپەن اۋدانى
سۋرەتتى تۇسىرگەن: اۋداندىق مادەنيەت ءبولىمى
