وبلىس اكىمى وڭداسىن ورازالين اقتوبەلىكتەردى تاۋەلسىزدىكتىڭ 28 جىل تولۋىمەن قۇتتىقتادى. تاريحقا كوز جۇگىرتىپ, اتا-بابالار اڭساعان ازاتتىقتىڭ قۇندىلىعىن اتاپ ءوتتى.
«ەلباسىنىڭ «تاۋەلسىزدىككە قول جەتكىزۋ قيىن, ال ونى ساقتاپ قالۋ ودان دا قيىن دەگەن» ءسوزى بار. سوندىقتان تاۋەلسىزدىگىمىزدى كوزدىڭ قاراشىعىنداي ساقتاپ, ەلدىگىمىزدى نىعايتۋ – ءاربىر ازاماتتىڭ مىندەتى. ءبىزدىڭ العا قويعان ماقساتىمىز دامىعان 30 ەلدىڭ قاتارىنا ەنۋ, جاستارىمىزدىڭ قابىلەتى, ءبىلىمى مەن بىرلىگى, قانداي دا باسەكەلەستىككە قارسى تۇرارىنا ەش كۇمان جوق. جارقىن بولاشاق جاقىن, ەلىمىز امان, جۇرتىمىز تىنىش بولسىن! بارشاڭىزدىڭ دەندەرىڭىزگە ساۋلىق, وتباسىلارىڭىزعا باقىت تىلەگىم كەلەدى. تاۋەلسىزدىگىمىز تۇعىرلى, ەلدىگىمىز عۇمىرلى بولسىن"-دەدى ءوڭىر باسشىسى.
وبلىس اكىمى سونىمەن قاتار ايماقتىڭ 2019 جىلدىڭ 11 ايىندا جەتكەن جەتىستەرىنە توقتالدى. الەۋمەتتىك-ەكونوميكانىڭ دامۋى 105% قۇراعان. شاعىن جانە ورتا بيزنەس 10,7% - عا ءوسىپ, وندا 144 مىڭنان استام ادام ەڭبەك ەتەدى. "نۇرلى جەر" مەملەكەتتىك باعدارلاماسى اياسىندا بيىل 836 مىڭ شارشى مەتر تۇرعىن ءۇي پايدالانۋعا بەرىلدى. "تاۋەلسىزدىكتى نىعايتۋدا ءوڭىر حالقىنىڭ بىرلىگى, ورتاق ماقساتتاعى جاۋاپكەرشىلىگى مەن بەلسەندىلىگى اسا قاجەت. سوندا عانا ءبىز تۋعان جەرىمىز – اقتوبەنى قۇتتى مەكەنگە اينالدىرامىز",-دەگەن وبلىس اكىمى ءوڭىردىڭ مادەني, قوعامدىق ساياسي, الەۋمەتتىك دامۋىنا ۇلەس قوسقانى ءۇشىن ءتۇرلى سالادا مەديتسينا, كاسىپكەرلىك, سپورت, مادەنيەت ت.ب سالالارىندا قىزمەت ەتكەن 51 ازاماتتى ماراپاتتادى.
"قازحروم" ترانسۇلتتىق كومپانياسى دون تاۋ – كەن بايىتۋ كومبيناتى اق فيليالىنىڭ باسشىسى ۆيكتور تيل «وتان» وردەنى, مaximus»/«ماكسيمۋس»جشس ۇيلەستىرۋ كەڭەسىنىڭ توراعاسى امانگەلدى مايتەكوۆ,اقتوبە مەتالل قۇراستىرۋ زاۋىتى» جشس ديرەكتورى قايرات قويلىباەۆقا «پاراسات» وردەنى بەرىلسە, اقتوبە وبلىسى تەمىر اۋداندىق ارداگەرلەر كەڭەسىنىڭ توراعاسى نۇرماحان وتەپوۆ, ەڭبەك ارداگەرى جاقسىباي تالاەۆ, اقتوبە وبلىسى اكىمدىگى اپپاراتىنىڭ باسشىسى نۇرجاۋعان قالاۋوۆ, اقتوبە وبلىستىق سايلاۋ كوميسسياسىنىڭ ءتورايىمى گۇلنارا كۇنباەۆا ت.ب «قۇرمەت» وردەنى تابىستالدى. سونىمەن قاتار بىرقاتارى ءىىى دارەجەلى «ەڭبەك داڭقى» وردەنى,«ەرەن ەڭبەگى ءۇشىن», «شاپاعات» مەدالدارى, قر "قۇرمەت گراموتاسىمەن" ماراپاتتالدى.
رابيعا سىزدىق, امانگەلدى ايتالى, دىنمۇحاممەد قۇدايبەرگەن, قۇرمانعازين ەسىمحان سىندى 4 ازاماتقا «اقتوبە وبلىسىنىڭ قۇرمەتتى ازاماتى» اتاعى بەرىلدى.
سالتاناتتى شارا جەرگىلىكتى ونەرپازداردىڭ كونتسەرتتىك باعدارلاماسىمەن جالعاستى.
