قازاقستانداعى بالالار ۇيلەرى تۇلەكتەرىنە قولداۋ كورسەتۋ جايى تەك بۇگىن عانا كوتەرىلىپ وتىرعان جوق. قاۋىمداستىقتىڭ پرەزيدەنتى رافاەل گاسانوۆ جۇمىستىڭ جاڭا ادىستەرىن ءتيىمدى پايدالانا وتىرىپ, بالالار ۇيىنە بايلانىستى قولدانىستاعى ءىس-قيمىل الگوريتمىن تۇبىرىنەن وزگەرتپەيىنشە, قوعامداستىق جۇمىسىن العا جىلجىتۋدىڭ مۇمكىن ەمەستىگىن اتاپ ءوتتى.
ايماقتىق ءبىلىم باسقارماسى وڭىرلەر قاۋىمداستىقتارىمەن بىرىگىپ بالالار ۇيلەرى تۇلەكتەرىنىڭ الەۋمەتتىك ورتاعا ەنۋىنە شىعارماشىلىقپەن جانە جاۋاپكەرشىلىكپەن قاراۋى ءتيىس, بۇل ىسكە قوعامدىق ۇيىمدار, ءبىلىم ورتالىقتارى, بيزنەس قاۋىمداستىقتار دا كەڭىنەن تارتىلۋى كەرەك. سونىمەن قاتار وڭىرلەردەگى جەرگىلىكتى اتقارۋ ورگاندارى الەۋمەتتىك-ەكونوميكالىق ماسەلەنى شەشۋ ءۇشىن بالالار ۇيلەرى تۇلەكتەرىنىڭ جالدامالى پاتەرلەر الۋىنا ىقپال ەتۋى قاجەت.
«قاۋىمداستىقتىڭ بارلىق باستامالارى قۇندىلىقتار بيىگىنەن ىسكە اسىپ وتىر, ءبىز مۇنى باستى باعدار ەتىپ الدىق. بۇل ادىلدىك, سەنىم جانە ادامگەرشىلىك» دەيدى رافاەل گاسانوۆ.
ايتا كەتەرلىگى, قيىن جاعدايعا دۋشار بولعان قازاقستاننىڭ بالالار ۇيلەرى تۇلەكتەرى ءۇشىن «ايالا» قاناتقاقتى جوباسى قولعا الىندى, ونىڭ بارىسىندا ارنايى جۇمىس ورىندارى قۇرىلىپ, زاڭگەرلەر مەن پسيحولوگتاردىڭ كومەگى ۇيىمداستىرىلادى. ر.گاسانوۆتىڭ ايتۋىنشا, تۇلەكتەردىڭ الەۋمەتتىك ورتاعا باتىل ەنۋى ءۇشىن بارىنشا ۇتىمدى ءارى پايدالى ادىستەردى قولداۋى قاجەت.
ولار ورتالىق الەۋمەتتىك قىزمەتتىڭ سەگىز ءتۇرىن ۇسىنادى: الەۋمەتتىك-مەديتسينالىق, الەۋمەتتىك-قۇقىقتىق, الەۋمەتتىك-تۇرمىستىق, الەۋمەتتىك-پسيحولوگيالىق, الەۋمەتتىك-پەداگوگيكالىق, الەۋمەتتىك ەڭبەكپەن قامتۋ, الەۋمەتتىك-ەكونوميكالىق جانە الەۋمەتتىك-مادەني كومەكتەر. بۇلاردىڭ بارلىعى بالالار ۇيلەرى تۇلەكتەرىنە زاڭنامالىق, پسيحولوگيالىق كەڭەستەر ارقىلى كورسەتىلەتىن بولادى. قىزمەت تۇرلەرى ءار تۇلەككە جەكە نەمەسە سىرتتاي جانە №150 سەنىم تەلەفونى ارقىلى ۇسىنىلادى, توپتىق كەڭەستەر, اعارتۋ سەمينارلارى, ترەنينگتەر, اڭگىمەلەسۋ جانە باسقا دا ادىستەر ارقىلى كورسەتىلەدى.
2019 جىلى قاۋىمداستىق 1289 ءوتىنىش تىركەدى, ول وتىنىشتەردىڭ 689-ى تىكەلەي باسپانا-پاتەرگە قاتىستى جازىلعان. وتىنىشتەردىڭ ۇشتەن ءبىرى جۇمىسقا ورنالاستىرۋدى, جوو وقۋ ءۇشىن مەملەكەتتىك گرانت ءبولۋدى, ەندى ءبىرى قارجىلىق كومەك كورسەتۋدى سۇرايدى.
رافاەل گاسانوۆ ءوز سوزىندە الماتى قالاسىنىڭ قولجەتىمدى باسپانا باعدارلاماسىن جۇزەگە اسىرۋدا كوشباسشى ەكەنىن اتاپ ءوتتى. وسى باعدارلاما اياسىندا الماتى قالاسىنىڭ اكىمدىگى بالالار ۇيلەرىنىڭ تۇلەكتەرىنە 61 پاتەردىڭ كىلتىن تابىس ەتكەن, بۇل وتكەن جىلعى كورسەتكىشتەن ءۇش ەسە كوپ. قازىرگى كەزدە «جاستار ءۇيى» كمب الەۋمەتتىك مەكەمەلەردىڭ 190 تۇلەگى تۇرىپ جاتىر, ولاردىڭ ىشىندە: «جاستار ۇيىندە» - 80 تۇلەك, بەس قاباتتى «جاستار ۇيىندە» – 110 تۇلەك تۇرىپ جاتىر.
«قازاقستاننىڭ بالالار ۇيلەرى تۇلەكتەرىنىڭ كونستيتۋتسيالىق قۇقىقتارىنىڭ بۇزىلۋى كەز كەلگەن كۇردەلى جاعدايعا ۇرىندىرۋى مۇمكىن, سوندىقتان ونىڭ الدىن الۋ وتە ماڭىزدى», – دەپ قورتىندىلادى ءسوزىن رافاەل گاسانوۆ.
الماتى
