سوندا مىناداي سويلەمدەر بار: “... كيررەۆكومنىڭ زالىنا كوپ ادام جينالدى. رەۆكوم مۇشەلەرi, باسقا دا قىزمەتكەرلەر كوپ-اق. س.مەڭدەشەۆ ءماجiلiستi اشىپ, قىسقاشا ءسوز سويلەدi. “ەندi گازەتسiز بولمايدى, سوۆەت ۇكiمەتiنiڭ ساياساتىن ەلگە ءتۇسiندiرiپ, ول ساياساتتى iس جۇزiنە اسىرۋ ءۇشiن حالىققا ۇگiتشi, جارشى بولاتىن قۇرال كەرەك”, دەدi ول... كوپ ۇزاماي ءباسپاسوز سەكتسياسى قۇرىلدى. وعان جانە گازەت رەداكتسياسىنا ءۇي-جاي بەرiلدi. رەداكتسيالىق كوللەگيا قۇرىلدى, قاتەلەسپەسەم, رەدكوللەگيا باستىعى ءتاميمدار سافيەۆ بولىپ تاعايىندالدى. بۇل كiسi قازاقشا, ورىسشا جاقسى ماعلۇماتى بار ادام ەكەن. بوكەيدە 1918 جىلى گازەت شىعارۋعا قاتىسقان, باسقا جاۋاپتى قىزمەتتەردە بولعان. وسى كۇنi موسكۆادا تۇرادى, ورىسشا-قازاقشا سوزدiكتi شىعارۋعا اتسالىستى. قازiر قاراقالپاق ادەبيەتiمەن, ەنتسيكلوپەديا شىعارۋ iسiمەن شۇعىلدانىپ ءجۇر دەپ ەستيمiن. رەدكوللەگيا مۇشەلiگiنە بەرنياز كۇلەەۆ, امiرعالي مەڭەشوۆ, تۇنگاشين (كiشiسi) جانە باسقالارى (ەسiمدە قالعاندارى) تاعايىندالدى. كيررەۆكوم مۇشەلەرiنەن بiرەر ادام ءوتتi. مەن جانە ءامiرجان قاراتاەۆ ادەبي قىزمەتكەر بولدىق”.
“ارداگەردiڭ قاتەلەسۋi ابدەن مۇمكiن, دەپ جازادى” ارiپتەسiمiز تiلەكقابىل بورانعاليەۆ وسىنىڭ الدىندا عانا ءوزiمiز ءسوز ەتiپ كەتكەن ماقالاسىندا (“ۇشقىننىڭ” رەداكتورى بولدىم...” 1997 ج. 22 اقپان), ويتكەنi بەرنيازدىڭ شاقىرۋىمەن قىزمەتكە قىرداعى اۋىلدان جاڭا عانا كەلگەن جاس مەرعاليدiڭ “ۇشقىننىڭ” العاشقى نومiرلەرiنە تiكەلەي كiم باسشىلىق جاساعانىن بiلمەۋi ايىپ ەمەس. اسiرەسە, مۇنى ەلۋ جىلدان كەيiن ەسكە تۇسiرگەن جاعدايدا”.
دەمەك بۇل كiسiنiڭ دە ح.ەسەنباەۆپەن بiرگە “ۇشقىننىڭ” العاشقى نومiرلەرiنiڭ شىعۋىنا تiكەلەي باسشىلىق جاساعانىنا كۇدiك كەلتiرۋگە بولمايدى.
ارحيۆتە بوكەي گۋبەرنيالىق پارتيالىق تازالاۋ جونiندەگi كوميسسيا وتىرىسىنىڭ 1921 جىلعى 14 قاراشاداعى حاتتاماسى ساقتالعان. وندا 1919 جىلعى قاراشادان رك(ب)پ مۇشەسi ت.سافيەۆتiڭ “ۇلتشىلدىقتىڭ تۇرپايى ءتۇرiن كورسەتە ءجۇرiپ پارتيالىق جۇمىستا بەلسەندiلiك تانىتپاعانى ءۇشiن” سىننان وتكiزiپ, قايىرا قابىلداۋ قۇقىمەن پارتيادان شىعارىلعانى (بقوما, 19 قور, 1-تiزبە, 207 iس, 28-پاراق) ايتىلعان.
ت.سافيەۆ 30-شى جىلدارى قازاقستاننىڭ قۇرامىنداعى قاراقالپاق وكرۋگiنiڭ رەسمي باسىلىمىندا ەڭبەك ەتكەن دەگەن دەرەك بار. كەيiن ماسكەۋگە كەتiپ, سوندا تۇرعان. 70-شi جىلدارى قايتىس بولعان سياقتى. بiراق ناقتى ۋاقىتى بەلگiسiز.
