ايماقتار • 15 جەلتوقسان، 2019

الماتى وبلىسىندا القا جۇتقان ءسابي امان قالدى

171 رەتكورسەتىلدى

وسىدان 4-5 كۇن بۇرىن ىلە اۋداندىق اۋرۋحاناسىنا 9 ايلىق ءسابيدىڭ اتا-اناسى شاعىمدانىپ، بالانىڭ جاعدايى اۋىرلاپ بارا جاتقانىن ايتادى. دارىگەرلەردىڭ العاشقى تەكسەرۋى ناتيجە بەرمەگەننەن كەيىن ءسابيدى وتەگەن باتىر كەنتىندەگى ايماقتىق بالالار اۋرۋحاناسىنا جونەلتەدى.

بىلىكتى مامانداردىڭ تولىق تەكسەرۋىنەن كەيىن ءسابيدىڭ ىشكى قۇرىلىسىندا كىنارات بارى انىقتالادى. شىرىلداپ جىلاعان بالا دا سۇيرىك ساۋساعىمەن ءىشىن ءبۇرىپ ۇستاي بەرگەن ەكەن. رەنتگەن قورىتىندىسى اسقازاندا بوگدە زاتتىڭ جابىسىپ تۇرعانىن كورسەتتى. دارىگەرلەر دەرەۋ وتا جاساۋعا شەشىم قابىلدايدى.

بىرنەشە ساعاتقا سوزىلعان وتادان كەيىن حيرۋرگتار ءسابيدىڭ اسقازانىنان تەمىر القانىڭ اشەكەيىن الىپ شىقتى. بالاقاي ونى شامامەن 11 كۇن بۇرىن جۇتىپ قويعان ەكەن. قازىر 9 ايلىق ءسابي دارىگەردىڭ باقىلاۋىندا، دەنساۋلىعى وڭالىپ كەلەدى.

ايتپاقشى، وسىدان ەكى اي بۇرىن وتەگەن باتىر كەنتىندە ورنالاسقان ايماقتىق بالالار اۋرۋحاناسىنىڭ حيرۋرگتارى 8 جاستاعى قىز بالانىڭ اسقازانىنا وتا جاساپ، 1 جارىم كيلوگرامم شاش الىپ شىققان بولاتىن.

 

الماتى وبلىسى

 

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار