وتىرىسقا ارمەنيا, بەلارۋس, رەسەي, تاجىكستان ەلدەرىنىڭ باس شتاب باستىقتارى, قىرعىز رەسپۋبليكاسى قارۋلى كۇشتەرى باس شتابى باستىعىنىڭ ورىنباسارى مەن ۇقشۇ بىرىككەن شتابىنىڭ باستىعى قاتىستى.
قازاقستان تاراپىنان قورعانىس ءمينيسترىنىڭ ءبىرىنشى ورىنباسارى - قر قك باس شتابىنىڭ باستىعى, گەنەرال-مايور مۇرات بەكتانوۆ بولدى. قاتىسۋشىلار 2020 جىلعا ارنالعان اسكەري سالانىڭ باسىم باعىتتارىن تالقىلاپ, ولاردى ىسكە اسىرۋدىڭ شارالارىن قاراستىردى. ودان باسقا ۇجىمدىق قاۋىپسىزدىك اۋماقتارىنداعى اسكەري قاۋىپسىزدىكتىڭ سىن-قاتەرىن ساراپتادى. تاراپتار «جاۋىنگەرلىك دوستاستىق - 2019» بىرىككەن اۋقىمدى وقۋ-جاتتىعۋىن وتكىزۋ قورىتىندىلارىمەن ءبولىسىپ, ۇجىمدىق كۇشتەردى باسقارۋدى جەتىلدىرۋ مەن ۇقشۇ مۇشە مەملەكەتتەردىڭ قارۋلى كۇشتەرىنە قاراستى اۆياتسيالاردىڭ حالىقارالىق ۇشۋلارىنا قاتىستى ماسەلەلەردى شەشۋ جونىندە پىكىر الماسىپ, سونىمەن قاتار, ۇجىمدىق كۇشتەردىڭ مۇددەسىنە قاتىستى ماتەريالدىق قاراجات زاپاسىن قۇرۋ تالقىلاندى.
كۇن تارتىبىندەگى باستى تاقىرىپتاردىڭ ءبىرى 2021-2025 جىلدارعا ارنالعان اسكەري ىنتىماقتاستىقتى دامىتۋ جوسپارىن قۇرۋ بولدى.
گەنەرال-مايور مۇرات بەكتانوۆ قازاقستاندىق تاراپ ۇيىمنىڭ بولاشاعىنا ايتىلعانداردى جۇزەگە اسىرۋعا جان-جاقتى كومەك كورسەتىلەتىنىن ايتىپ جانە كۇن تارتىبىندەگى سۇراقتارعا قاتىستى قورعانىس ۆەدومستۆوسىنىڭ پوزيتسياسىمەن ءبولىستى.
ء«بىز ءۇشىن ۇلى وتان سوعىسىنداعى جەڭىستىڭ 75 جىلدىعىن مەرەكەلەۋگە ارنالعان بىرلەسكەن ءىس-شارالار ماڭىزدى بولماق. سونىمەن قاتار قاۋىپسىزدىك سۇراقتارى بويىنشا اقپارات پەن پىكىر الماسۋدى جالعاستىرۋ ءسوزسىز قاجەت», - دەدى ول.
سانكت-پەتەربۋرگ قالاسىنا ساپارى اياسىندا دەلەگاتسيا باسشىلارى «وتان-انا» مونۋمەنتىنە گۇل شوعىن قويىپ, لەنينگراد شايقاسى مۇراجايىنىڭ ەكسپوزيتسياسىن كوردى جانە لەنينگراد شايقاسىنىڭ قۇرباندارى مەن لەنينگراد مايدانىنىڭ جاۋىنگەرلەرىن جاپپاي جەرلەۋ ورىندارىنىڭ ءبىرى – پيسكارەۆ ەسكەرتكىش زيراتىنا باردى.
