ايماقتار • 14 جەلتوقسان، 2019

ماڭعىستاۋدا «جىل ادامى - 2019» انىقتالدى

344 رەتكورسەتىلدى

ماڭعىستاۋ وبلىسىندا وتكەن «جىل ادامى - 2019» بايقاۋىنىڭ جەڭىمپازدارى سالتاناتتى تۇردە ماراپاتتالدى.

سايىستىڭ ماقساتى - ءوڭىردىڭ ەكونوميكالىق، الەۋمەتتىك، رۋحاني دامۋىنا ۇلەسىن قوسىپ، ەلدىڭ تىنىس-تىرشىلىگىنە كومەگىن تيگىزىپ وتىرعان ازاماتتاردىڭ ەڭبەگىن باعالاپ، ارنايى ماراپاتتار ارقىلى مەرەيىن ءوسىرىپ، قاناتتاندىرۋ.

بايقاۋعا ماڭعىستاۋ وبلىسىندا تۇراقتى تۇراتىن، جىل بويى ۇزدىكسىز ەڭبەك ەتكەن، ءوز سالاسىنىڭ مايتالماندارى قاتىستى.

وسى جىلى «جىل ادامى - 2019» اتاعىنا 21 ۇمىتكەر لايىق دەپ تانىلدى. ءار نوميناتسيا جەڭىمپازدارىنا ديپلوم، ەستەلىك سىيلىق جانە اقشالاي قاراجات تابىستالدى.

ءوڭىر باسشىسى سەرىكباي ترۇموۆ ادال ەڭبەكپەن ابىرويلى ىسكە باس بولعان جانداردى مەرەكەمەن قۇتتىقتاپ، ولارعا جاڭا تابىستار تىلەدى.

«جىل مۇعالىمى» - مۇنايلى اۋدانى №3 ورتا مەكتەبىنىڭ گەوگرافيا ءپانىنىڭ مۇعالىمى، جاس مامان قۋات باينازاروۆ;

«جىل عالىمى» - ش. ەسەنوۆ اتىنداعى كاسپي مەملەكەتتىك تەحنولوگيالار جانە ينجينيرينگ ۋنيۆەرسيتەتى قازاق فيلولوگياسى كافەدراسىنىڭ پروفەسسورى جولامان قوبلانوۆ;

«جىل دارىگەرى» - «Sofie Medgroup» كوپباعىتتى كلينيكاسىنىڭ جوعارى دارەجەلى اكۋشەر-گينەكولوگى بولات يشانعالي;

«جىل مەدبيكەسى» - بەينەۋ اۋداندىق ورتالىق اۋرۋحاناسىنىڭ باس مەدبيكەسى ميرامحانىم كىدىرباەۆا;

«جىل تاربيەشىسى» - مۇنايلى اۋدانى №16 «وركەن» بالاباقشاسىنىڭ تاربيەشىسى ءشاربانۋ وسەروۆا;

«جىلدىڭ ۇكىمەتتىك ەمەس ۇيىمى» - «وركەنيەتتى كەلەشەك» قوعامدىق قورىنىڭ ديرەكتورى گۇلبارشىن قارابالينا;

«جىل سپورتشىسى» - بوكسشى بەكزات نۇرداۋلەتوۆ;

«جىل پوليتسەيى» - پوليتسيا دەپارتامەنتى جەرگىلىكتى پوليتسيا قىزمەتى باسقارماسى جەرگىلىكتى پوليتسيا قىزمەتىنىڭ جۇمىسىن ۇيىمداستىرۋ جانە باقىلاۋ ءبولىمىنىڭ اعا ينسپەكتورى گاۋحار بياليەۆا;

«جىل فەرمەرى» - «قاراعان تۇبەك» جشس  ديرەكتورى ايگۇل ەسقاليەۆا;

«جىل جەبەۋشىسى» - «وڭداسىن قۇرىلىس» جشس ديرەكتورى بەردىقوجا وڭداسىنوۆ;

«جىلدىڭ ۇزدىك الەۋمەتتىك قىزمەتكەرى» - قۇرىق اۋىلى اكىمى اپپاراتىنىڭ الەۋمەتتىك قىزمەتكەرى نادەجدا پشەننيكوۆا;

«جىل مۇنايشىسى» - «ماڭعىستاۋمۇنايگاز»اق قاراستى «جەتىبايمۇنايگاز» وندىرىستىك باسقارماسى وندىرىستىك-تەحنيكالىق ءبولىمىنىڭ 1-ساناتتى مۇناي جانە گاز ءوندىرۋ جونىندەگى ينجەنەرى ايمان كەنجەباەۆا;

«جىل قۇرىلىسشىسى» - «اليانس LTD» جشس باسشىسى اسقاربەك كەرەلباەۆ;

«جىلدىڭ ۇزدىك تۇرعىن-ءۇي – كوممۋنالدىق شارۋاشىلىق قىزمەتكەرى» - «كاسپي جىلۋ، سۋ ارناسى» مكك قىزمەتشىسى ءنۇرادىل اتامۇرات;

«جىلدىڭ اسكەري قىزمەتكەرى» - قر ۇلتتىق قاۋىپسىزدىك كوميتەتى شەكارا قىزمەتىنىڭ «جاعالاۋ كۇزەتى» وڭىرلىك باسقارماسىنىڭ باستىعى الىبەك قايۋپوۆ;

«جىل كاسىپكەرى» - «بيزنەس بۋكەت» گۇل سالونىنىڭ نەگىزىن قالاۋشىسى باقتىقوجا ورىسباەۆ;

«جىلدىڭ مادەنيەت جانە ونەر قىزمەتكەرى» - كاسپي ماڭى تاۋ-كەن مەتاللۋرگيالىق كومبيناتىنىڭ ەڭبەك داڭقى مۋزەيىنىڭ باسشىسى جانە نەگىزىن قالاۋشىسى مارات شۋشاكوۆ;

«جىلدىڭ مادەنيەت جانە ونەر قىزمەتكەرى» - ن.ءجانتورين اتىنداعى مۋزىكالىق دراما تەاترىنىڭ اكتەرى رامازان اقتاەۆ;

«جىل ءجۋرناليسى» - «قازاقستان» رەسپۋبليكالىق تەلەراديو كورپوراتسياسى» اق ماڭعىستاۋ وبلىستىق فيليالىنىڭ باس رەداكتورى گۇلنۇر قالدىباەۆا;

«جىل ءجۋرناليسى» - «ماڭعىستاۋ مەديا» جشس ءفوتوتىلشىسى ءسابيت مايەمەروۆ;

«جىل تانىمى» - «كاسپي» فۋتبول كلۋبى.

 

 

ماڭعىستاۋ وبلىسى

 

 

 

 

 

 

 

 

 

 

 

 

 

 

 

 

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار