جالدامالى باسپانا العانداردىڭ قاتارىندا مۇمكىندىگى شەكتەۋلى ادامدار, كوپ بالالى وتباسىلار جانە ءتۇرلى كاتەگورياداعى ادامدار بار. رەسپۋبليكالىق بيۋدجەت قاراجاتىنا ساتىپ الىنعان 268 پاتەر تۇرعىندارعا ارەندالىق باسپانا بەرۋ ەرەجەسىنە سايكەس, جەكەشەلەندىرۋ قۇقىعىنسىز بەرىلەدى.
قر تۇڭعىش پرەزيدەنتى, ەلباسى ن.نازارباەۆ «پرەزيدەنتتىڭ بەس الەۋمەتتىك باستاماسى» اتتى حالىققا ۇندەۋىندە ء«اربىر وتباسىنا باسپانا الۋدىڭ جاڭا مۇمكىندىكتەرىن بەرۋ» كەرەكتىگىن باسىپ ايتقان بولاتىن. وسى ورايدا ماڭعىستاۋ وبلىسىندا قارقىندى جۇمىس اتقارىلىپ جاتىر. اقتاۋ قالاسى - تۇرعىن ءۇي قۇرىلىسى بويىنشا رەسپۋبليكادا كوش باستاپ تۇرعان قالالاردىڭ قاتارىندا. ماسەلەن, قالادا 2017 جىلى 380,3 (مىڭ) شارشىم مەتردى قۇرايتىن, 51 كوپ قاباتتى تۇرعىن ءۇي قولدانىسقا بەرىلسە, 2018 جىلى 661,5 (مىڭ) شارشى مەتردى قۇرايتىن, 61 كوپ قاباتتى تۇرعىن ءۇي پايدالانۋعا بەرىلگەن. 2019 جىلدىڭ قاڭتار-قىركۇيەك ايىندا 448,4 مىڭ شارشى مەتر, ياعني 2849 پاتەر پايدالانۋعا بەرىلدى. سونىمەن قاتار, جەكە قاراجات ەسەبىنەن بيىل جىل سوڭىنا دەيىن تاعى 72, 2 مىڭ شارشى مەتر, قولدانىسقا بەرىلەدى دەپ كۇتىلۋدە.
بۇگىنگى تاڭدا «نۇرلى جەر» باعدارلاماسى اياسىندا 19ا شاعىن اۋدانىندا 144 پاتەرلىك 2 تۇرعىن ارەندالىق تۇرعىن ءۇي, اققۋ-3 شاعىن اۋدانىنان 670 پاتەرلىك نەسيەلىك تۇرعىن ءۇي قۇرىلىسى جۇرگىزىلۋدە. بۇل ۇيلەردى 2020 جىلدىڭ اياعىندا پايدالانۋعا بەرۋ جوسپارلانعان. سونىمەن قاتار, 2020 جىلى 19ا شاعىناۋدانىنان 225 پاتەرلىك بەس تۇرعىن ءۇي, 18 شاعىناۋداننان 216 پاتەرلىك ءتورت تۇرعىن ءۇي سالىنادى دەپ كۇتىلۋدە.
ماڭعىستاۋ وبلىسى
