كەزىندە بۇل اۋىل كادۋىلگى تەمىرجول ايىرىعى بولعان ەدى. ۋاقىت وتە تەمىرجول جۇمىسشىلارى مەن ستانسا باقىلاۋشىلارى وسى جەرگە ءۇي سالىپ, قونىستاندى.
496 رازەزد اتىراۋ قالاسى اكىمدىگىنىڭ قاراماعىندا. قازىر وبلىس ورتالىعىنىڭ قۇرامىنا ەنگەن, بۇرىنعى گەولوگ اۋىلدىق وكرۋگىنىڭ قۇرامىندا بولدى.
تۇرعىندار وزدەرىن جايلى ۇيلەرگە كوشىرۋ تۋرالى وتىنىشتەرىن ون جىل بويى جەرگىلىكتى بيلىككە ايتىپ كەلگەن بولاتىن. شاعىن اۋىلدا گاز دا, جول دا جوق. جاۋىن-شاشىننان كەيىن اينالا قارا بالشىققا اينالىپ, اپاتتىق قىزمەتتەر مەن جەدەل جاردەمنىڭ قىزمەتىنە ۇلكەن قيىندىقتار تۋعىزادى.
الدىمەن اۋىلدان جەرگىلىكتى جاستار كەتىپ قالدى. 496 رازەزدە, نەگىزىنەن, كەنجە بالالارىمەن جاسى ۇلكەن ادامدار تۇرىپ جاتىر. ۇيلەرىن پەشپەن جىلىتىپ, اي سايىن گاز باللوندارىن ساتىپ الادى.
- 1 باللون 3 مىڭ تەڭگە تۇرادى. شامامەن ءبىر ايعا جەتەدى, سوسىن قايتا ساتىپ الامىز. بىراق, ونىڭ ءوزىن ۇزاق كۇتەمىز, سەبەبى, بىزدەي الىس جەرگە جەتۋ قيىن جانە قالاعا الىپ باراتىن جول جوق, - دەيدى جەرگىلىكتى تۇرعىن ايدانا ديۋسەكەنوۆا.
ءوتىپ جاتقان پويىزداردىڭ دۇرسىلىنەن 496 رازەزدىڭ توزىعى جەتكەن ۇيلەرى شاشىلىپ قالا جازدايدى, تۇرعىندار كەيدە ولاردى جىلىنا بىرنەشە رەت جوندەۋگە ءماجبۇر. سىزات-ساڭىلاۋلاردىڭ كەسىرىنەن ۇيلەر دۇرىس جىلىنباي, كەيدە پەشتى تاۋلىك بويى تولاسسىز جاعۋعا تۋرا كەلەدى.
ەكى جىل بۇرىن اتىراۋ وبلىسى اكىمىنىڭ ەسەبىنە كەلگەن 496 رازەزدىڭ تۇرعىندارى جايلى ۇيلەرگە كوشىرۋ تۋرالى وتىنىشتەرىن ايتقان بولاتىن. نۇرلان نوعاەۆ بۇل ماسەلە قارالىپ, جەرگىلىكتى اتقارۋشى ورگاندار پروبلەمانى شەشۋدىڭ بارلىق مۇمكىندىكتەرىن قاراستىراتىنىن مالىمدەدى.
- وزدەرىڭىزگە ءمالىم, قازىرگى تاڭدا اتىراۋدا جاڭا تۇرعىن ءۇي قۇرىلىسى قارقىندى ءجۇرىپ جاتىر. اتىراۋ وبلىسى اكىمىنىڭ تاپسىرماسىنا سايكەس, تاۋەلسىزدىك كۇنى قارساڭىندا 496 رازەزدىڭ تۇرعىندارىن جۇلدىز ىقشام اۋدانىندا ورنالاسقان جاڭا ۇيلەرگە كوشىرۋ تۋرالى شەشىم قابىلداندى, - دەدى اتىراۋ قالاسى اكىمىنىڭ ورىنباسارى رينات دجانگليشوۆ.
12 جەلتوقساندا «496 رازەزد» ستانساسىندا تۇرىپ جاتقان 16 وتباسى جاڭا پاتەرلەردىڭ كىلتتەرىن قولدارىنا الىپ, قۋانىشقا بولەندى.
- ءبىز وسى ءساتتى ون جىل كۇتىپ, اقىرى قولىمىز جەتتى. ەندىگى ءومىرىمىز جاڭاشا بولاتىنىنا سەنىمدىمىن. بالالارىمىزدىڭ قۋانىشى شەكسىز, ولار ەندى ۇيىرمەلەر مەن سەكتسيالارعا بارا الادى. كۇيەۋىمىز ەكەۋمىزگە دە جۇمىسقا جەتۋ الدەقايدا وڭاي. ەڭ باستىسى, قىستا جىلى جانە جايلى بولادى, - دەپ كوپبالالى انا گۇلزادا يسماعامبەتوۆا قۋانىشىمەن ءبولىستى.
