مىسالعا, الماتى وبلىسى بويىنشا سالىق راقىمشىلىعىن العان شاعىن جانە ورتا بيزنەس وكىلدەرىنىڭ سانى 89 مىڭنان استى. ولارعا 1 462,2 ملن تەڭگە سوماسىنداعى نەگىزگى قارىزدى تولەۋگە مۇمكىندىك بەرىلىپ, جالپى قۇنى 506,8 ملن تەڭگە ەسەپتەلگەن ءوسىمپۇل كەشىرىلدى.
ايتپاقشى, تامىز ايىنان باستاپ جەكە تۇلعالارعا ارنالعان سالىق راقىمشىلىعى ءجۇرىپ جاتىر. ياعني, شارا شەڭبەرىندە جەكەلەگەن ازاماتتار وتكەن جىلداردىڭ سالىق مىندەتتەمەلەرى بويىنشا نەگىزگى قارىزىن تولەسە, وعان ەسەپتەلگەن ءوسىمپۇل جويىلادى ەكەن.
- ءار ءتۇرلى سەبەپتەر بويىنشا جەكە تۇلعالاردا ەلەۋلى قارىز سومالارى بار, مىسالى, جىلجىمايتىن م ۇلىكتى ساتۋعا بايلانىستى ەسەپتەلگەن كولىك سالىعى نەمەسە جەكە تابىس سالىعى. سالىق كودەكسىنە سايكەس مەرزىمىن وتكىزىپ الىنعان كۇن ءۇشىن ەسەپتەلەتىن ءوسىمپۇلدىڭ مولشەرى ازاماتتارىمىزدىڭ جاعدايىن قيىنداتادى.وسىعان وراي, وتكەن سالىق كەزەڭدەرى ءۇشىن جينالعان قارىزدارى بار جەكە تۇلعالار اعىمداعى جىلدىڭ سوڭىنا دەيىن نەگىزگى قارىزدى وتەپ, سالىقتىق راقىمشىلىقتى پايدالانا الادى. بۇل رەتتە ەسەپتەلگەن ءوسىمپۇلدار مەملەكەتتىك كىرىستەر ورگاندارىمەن اۆتوماتتى تۇردە ەسەپتەن شىعارىلادى, - دەيدى الماتى وبلىسى ويىنشا مەملەكەتتىك كىرىستەر دەپارتامەنتىنىڭ باسشىسى تولەگەن سارسەمباەۆ.
جالپى, جەكە تۇلعالارعا جاسالعان سالىق راقىمشىلىعىنا 35 209 ادام ىلىگىپ, 136,9 ملن تەڭگە ءوسىمپۇل ەسەپتەن شىعارىلعان. ال وتەلگەن نەگىزگى سالىق سوماسى 606,0 ملن تەڭگەنى قۇرادى.
