مىسالى, اقپارات جانە قوعامدىق دامۋ مينيسترلىگى بولگەن گرانتتار اياسىندا جاستار ءبىلىم بەرۋ, دەنساۋلىق ساقتاۋ, عىلىم, مادەنيەت سالاسىنداعى يننوۆاتسيالىق جوبالارعا, قوعامدىق جۇمىستارعا, ءوزىن ءوزى باسقارۋ ورگاندارىنىڭ قىزمەتىنە بەلسەنە اتسالىسۋدا.
وسىلايشا جاستار جىلىندا قازىرگى زامان جاستارىنىڭ قالاي ءومىر ءسۇرىپ جاتقانىن, نە تۋرالى ويلايتىنىن جانە نەگە قول جەتكىزگىسى كەلەتىنىن ءتۇسىنىپ قانا قويماي, ەڭ باستىسى ولاردىڭ ءوز ماقساتتارىن جۇزەگە اسىرۋى ءۇشىن جان-جاقتى جاعداي جاسالىپ, جارقىن بولاشاقتىڭ نەگىزى قالاندى. مەن ۇزاق جىلدار بويى جاستار سالاسىنىڭ دامۋى مەن جاقسارۋىنا باستايتىن ىرگەلى باعدارلامالار ىسكە قوسىلدى دەپ سەنىممەن ايتا الامىن.
بۇعان قوسا بيىل ساياساتكەرلەردىڭ, بۇقارالىق اقپارات قۇرالدارى, بيزنەس وكىلدەرىنىڭ, جالپى قوعامنىڭ نازارىن جاستار تاقىرىبىنا كەڭىنەن كوڭىل بولۋگە جاقسى مۇمكىندىك بولدى. ون جىلدان بەرى تابىستى جۇمىس ىستەپ كەلە جاتقان «جاستار» عىلىمي-زەرتتەۋ ورتالىعى وسى جىلى جاستار اراسىنداعى وزەكتى ماسەلەلەردى انىقتاۋ جانە الدىن الۋ ماقساتىندا ەگجەي-تەگجەيلى زەرتتەۋلەر جۇرگىزدى. بۇعان ورتالىقتىڭ دايىنداعان «قازاقستان جاستارى-2019» ۇلتتىق بايانداماسى, «قازاقستانداعى NEET جاستاردىڭ الەۋمەتتىك پورترەتى» جانە «اۋىل جاستارىنىڭ الەۋمەتتىك جاعدايى: ماسەلەلەرى مەن بولاشاعى» اتتى ساۋالدامالار دالەل بولا الادى.
جاستار جىلىنا وتپەلى كەزەڭ, ناۋقاندىق ءىس-شارالار كەشەنى رەتىندە قاراۋعا بولمايدى. بۇل – بارلىق وڭىردەگى, قالالار مەن اۋىلداعى جاستارمەن بەلسەندى جۇمىس ىستەۋدىڭ جۇيەسىن قايتا قاراۋ مۇمكىندىگى, جاستار ساياساتىنىڭ بىرىڭعاي ستراتەگياسىن قالىپتاستىرۋدىڭ باستاۋى.
ماريامگۇل قۇسايىنوۆا,
«جاستار» عىلىمي-زەرتتەۋ ورتالىعىنىڭ باس ساراپشىسى
