ء«بىلىم جانە عىلىم» اتتى تاقىرىپپەن وتكەن ءىس-شارادا مەملەكەت باسشىسى ۇستازدىقتى وتە مارتەبەلى ماماندىق دەپ اتاپ, الداعى ۋاقىتتا بولاشاققا جول سىلتەيتىن مۇعالىمنىڭ ەڭبەگىن لايىقتى باعالاۋ وتە ماڭىزدى مىندەت ەكەنىن ايتتى.
جاستاردىڭ ۇلكەن ومىرگە تەز بەيىمدەلىپ, ىسكە بەلسەندى ارالاسىپ كەتۋى ءۇشىن ماڭىزدى ماسەلەنىڭ ءبىرى تۇرعىن ءۇي ەدى. وسى ماسەلە بويىنشا جاستارعا ارنالعان باعدارلامالار نەگىزىندە جاتاقحانالار بەرىلىپ, جاستاردى قولداۋدىڭ ءتۇرلى جوبالارى جۇزەگە استى.
تاعى دا ۇنەمى ايتىلىپ كەلە جاتقان ماسەلە – مۇعالىمدەردىڭ ەڭبەكاقىسىنىڭ تومەن بولۋى. وسى تۇرعىدان دا ءبىلىم جۇيەسىنە بىلىكتى ماماندار تارتۋ ماقساتىندا جانە پەداگوگتاردىڭ مارتەبەسىن كوتەرۋ ءۇشىن مۇعالىمدەردىڭ ەڭبەكاقىسىن 4 جىلدىڭ ىشىندە 2 ەسە ارتتىرۋ كەرەكتىگى ايتىلىپ, ۇستازدار قاۋىمىنىڭ ساپالى, بەلسەندى جۇمىس ىستەۋىنە ەرەكشە قولداۋ جاسالدى.
2019 جىلدى جاستار جىلى دەپ جاريالاۋ اياسىندا ەلىمىزدە ءبىرشاما جۇمىس اتقارىلىپ جاتقانىن ءبىلىپ, كورىپ ءجۇرمىز. قازاقستاننىڭ جاستارى – ەلدىڭ باستى بايلىعى. ەلىمىزدىڭ بولاشاعى دا جاستار, سوندىقتان ولارعا ۇلكەن ءۇمىت ارتىلدى جانە مۇمكىندىكتەرىن تولىق پايدالانۋعا جول اشىلدى. مەملەكەتىمىزدىڭ نىعايا تۇسۋىنە بۇرىنعىدان دا مول ۇلەس قوسۋ ءۇشىن جاستار ەندى بەلسەندى بولا ءتۇسۋى كەرەك. جاس مامان رەتىندە جان-جاقتى قولداۋدى سەزىنىپ, ۇستازدىق جولدا ەڭبەك ەتۋدى جالعاستىرىپ كەلەمىن. ماماندىقتى ءسۇيىپ, بولاشاق وسكەلەڭ جاستاردى تاربيەلەۋ – ۇستازدار قاۋىمىنىڭ مىندەتى. بىزگە ارتىلعان جاۋاپكەرشىلىك وتە ۇلكەن. مەن جاستاردى ەلدىڭ بولاشاعى ءۇشىن ەڭبەك ەتۋدەن تالماڭدار دەگىم كەلەدى.
ماقسات پادساباەۆ,
نۇر-سۇلتان قالاسى
اباي اتىنداعى №87 مەكتەپ-گيمنازياسىنىڭ مۇعالىمى
