«رۋحاني جاڭعىرۋ» باعدارلاماسىنىڭ اياسىندا اقپارات جانە قوعامدىق دامۋ مينيسترلىگى ۇيىمداستىرعان بىرەگەي جوبانىڭ نەگىزگى ماقساتى –قايىرىمدىلىق قىزمەت يدەيالارىن, مەتسەناتتىقتى جانە فيلانتروپيانى ناسيحاتتاۋ.
سىيلىقتى تاپسىرۋ راسىمىنە تۋعان جەرىن, وسكەن ولكەسىن دامىتۋعا قاتىسقانى ءۇشىن بيزنەس-قۇرىلىمداردىڭ, ۇەۇ, ەرىكتىلەر مەن قايىرىمدىلىق كومەك كورسەتۋشىلەر اراسىنان 50 وكىل ماراپاتتالدى. سىيلىق «جىل مەتسەناتى», «جىل تۇلعاسى», «تۋعان ولكە», «ەرەن ەرلىگى», «ۇزدىك ۇيىم» اتالىمدارى بويىنشا تابىس ەتىلدى.
تۋعان ولكەسىندە ءىرى الەۋمەتتىك جوبالاردى ىسكە اسىرعانى ءۇشىن, از قامتىلعان, كوپ بالالى وتباسىلارعا, جەتىم بالالارعا جانە اتا-اناسىنىڭ قامقورلىعىنسىز قالعان بالالارعا, مۇگەدەكتەرگە, ۇوس ارداگەرلەرىنە, زەينەتكەرلەرگە وتەۋسىز كومەك كورسەتكەنى ءۇشىن «جىل مەتسەناتى» نوميناتسياسى بويىنشا «Gaz stroy montazh KZ» جشس قۇرىلتايشىسى (اتىراۋ وبلىسى) ەرلان تابىلديەۆ جانە «زەنچەنكو ي ك» شارۋا قوجالىعىنىڭ ديرەكتورى (سولتۇستىك قازاقستان وبلىسى) گەننادي زەنچەنكو جەڭىمپاز اتاندى.
«جىل تۇلعاسى» نوميناتسياسى بويىنشا بەلسەندى ازاماتتىق ۇستانىمى, ءتۇرلى باعىتتاعى كەڭ اۋقىمدى قايىرىمدىلىق قىزمەتى ءۇشىن جامبىل وبلىسىنىڭ پاراليمپيادالىق چەمپيونى زۋلفيا عابيدۋللينا, انەستەزيولوگ-دارىگەر, كاسىپكەر, «Emodji» الەۋمەتتىك كافەسىنىڭ يەسى ازامات بازىلوۆ ماراپاتتالدى.
ەلدى مەكەندەردى اباتتاندىرۋعا, ساياباقتاردى, اللەيالاردى, ەسكەرتكىشتەردى, بالالاردىڭ ويىن الاڭدارىن قايتا جاڭارتۋعا جانە سالۋعا, دەنساۋلىق ساقتاۋ, مادەنيەت, ءبىلىم بەرۋ جانە سپورت سالاسىندا «تۋعان ولكە» نوميناتسياسى بويىنشا دەمەۋشىلىك كومەك كورسەتۋگە باعىتتالعان الەۋمەتتىك جوبالاردى ىسكە اسىرعانى ءۇشىن جەڭىمپازداردىڭ ءبىرى «الماتى مەنەدجمەنت ۋنيۆەرسيتەتى» قب پرەزيدەنتى, قازاقستاننىڭ ازاماتتىق اليانسىنىڭ پرەزيدەنتى اسىلبەك قوجاحمەتوۆ بولدى. سونداي-اق وسى نوميناتسيادا ماڭعىستاۋ وبلىسىنىڭ كاسىپكەرى نۇرجان ەدىلوۆ جەڭىمپاز اتاندى.
الەۋمەتتىك ماڭىزى بار جوبالاردى, قايىرىمدىلىق جوبالاردى ءتيىمدى ىسكە اسىرۋدا, قايىرىمدىلىق كومەكتىڭ جاڭا ءتيىمدى نىساندارىن ەنگىزۋدە جانە قوعامدىق ماڭىزى بار ءىس-شارالارعا باس دەمەۋشىلىكتە «ۇزدىك ۇيىم» اتالىمى بويىنشا «قازفوسفات» جشس جەڭىمپاز اتاندى, ۇيىم باسشىسى – مۇقاش يسكانديروۆ. سونىمەن قاتار, وسى نوميناتسيادا ايدىن راحىمباەۆ باسشىلىق جاسايتىن «BI Group» ءىرى ينۆەستيتسيالىق-قۇرىلىس حولدينگى جەڭىمپاز بولدى.
ۆولونتەرلىك قىزمەتكە بەلسەندى قاتىسقانى ءۇشىن «ەرەن ەرلىگى» نوميناتسياسى بويىنشا سىيلىق يەگەرلەرىنىڭ ءبىرى ارمان قاسىموۆ بولدى.
ارمان «ومىرزاق-سەرۆيس» مۇناي كومپانياسىندا جۇمىس ىستەيدى, بەلسەندى ۆولونتەر, اتىراۋ جەدەل جاردەم ستانساسىندا 10 جىلدان استام ۋاقىت بويى ۆولونتەر بولىپ جۇمىس ىستەيدى. سونداي-اق, ارمان جىل بويى دەنساۋلىق ساقتاۋ سالاسىنا ۆولونتەرلەردى تارتۋ ءۇشىن, ونىڭ ىشىندە حوسپيستەرگە, ونكولوگيالىق ديسپانسەرلەرگە كومەك كورسەتۋ ءۇشىن «Birgemiz: Saýlyq» جالپىۇلتتىق جوباسىنىڭ امباسسادورى بولادى. جوبا ەرىكتىلەر جىلىن وتكىزۋ اياسىندا ىسكە اسىرىلادى.
سونداي-اق وسى نوميناتسيادا «ساعىمباي» شارۋا قوجالىعى باسشىسى ساعىنباي ۋابوۆ (پاۆلودار وبلىسى) جەڭىمپاز اتاندى.
ءار نوميناتسيا بويىنشا «جومارت جۇرەك» سىيلىعىنىڭ 10 لاۋرەاتى ماراپاتتالدى.
جەڭىمپازدار http://jomartjurek.com سايتتا اشىق داۋىس بەرۋ قورىتىندىسى بويىنشا انىقتالدى.
