بيىل ينۆەستيتسيالىق جوبالاردىڭ ونشاقتىسى ىسكە قوسىلدى. سونىڭ ءبىرى - اقتاۋداعى گيدرووقشاۋلاعىش ماتەريالداردى شىعاراتىن زاۋىت. مۇنداي كاسىپورىن قازاقستاندا العاش رەت اشىلىپ وتىر. بيتۋم قوسپاسىمەن جاسالعان ءونىم قۇرىلىستىڭ بارلىق سالاسىنا, كوپىر سالۋعا, عيماراتتىڭ ىرگەتاسى مەن شاتىرىن جابۋعا دەيىن قولدانىلادى.
بيىل اقپان ايىندا ىسكە قوسىلعان كاسىپورىن 9 ايدىڭ ىشىندە 1 مىڭ توننادان استام ءونىم شىعارعان. ونىڭ 65 پروتسەنتى ەل ىشىنە, 35 پروتسەنتى وزگە ەلدەرگە ەكسپورتتالدى. زاۋىت ديرەكتورى دەنيز ەروگلۋدىڭ ايتۋىنشا, بيىل ءونىم ءازىربايجان, رەسەي مەن گەرمانياعا ەكسپورتتالعان. 2020 جىلى يتاليا, تاجىكستان, تۇركمەنستان مەن تۇركياعا جىبەرۋ كوزدەلىپ وتىر. كەلىسىم-شارت جاسالىپتى. گەرمانيا كومپانياسى بۇل جوبانى جۇزەگە اسىرۋعا 250 ميلليون تەڭگە جۇمساعان. مۇندا 25 جەرگىلىكتى تۇرعىن ەڭبەك ەتۋدە. بارلىعى دا تۇركيادا قايتا دايارلىقتان ءوتىپ, جاڭا تەحنولوگيانى مەڭگەرگەن.
قازىر «اقتاۋ تەڭىز پورتى» ارنايى ەكونوميكالىق ايماعىندا 29 جوبا جۇزەگە اسۋدا. ونىڭ 18-ءى ىسكە قوسىلىپ, ءتۇرلى ءونىم وندىرۋگە كىرىسكەن. تاعى 11 زاۋىتتىڭ قۇرىلىسى ءجۇرىپ جاتىر. ارنايى ەكونوميكالىق ايماعىندا ينۆەستورلار ءۇشىن ءتۇرلى جەڭىلدىكتەر قاراستىرىلعان.
