ايماقتار • 11 جەلتوقسان، 2019

اتىراۋ قالاسىنىڭ اكىمى مەكتەپ وقۋشىلارىنىڭ قاۋىپسىزدىگىن قامتاماسىز ەتۋدى تاپسىردى

42 رەتكورسەتىلدى

اليمۇحاممەد  قۇتتىمۇرات ۇلى كامەلەتكە تولماعاندار اراسىنداعى قۇقىق بۇزۋشىلىقتىڭ الدىن الۋ جانە مەكتەپ وقۋشىلارىنىڭ قاۋىپسىزدىگى جونىندەگى ۆەدومستۆوارالىق كوميسسيا وتىرىسىن وتكىزدى. بۇل تۋرالى اتىراۋ وبلىسىنىڭ وڭىرلىك كوممۋنيكاتسيالار قىزمەتى حابارلادى.

اتىراۋ قالالىق ىشكى ىستەر دەپارتامەنتى باسشىسىنىڭ مىندەتىن اتقارۋشى ەرلان بيگامباەۆتىڭ مالىمدەمەسىنە سايكەس، كامەلەتكە تولماعاندارمەن  2018 جىلى  99 قىلمىس تىركەلسە،  2019 جىلى 26 قىلمىس تىركەلىپ، كورسەتكىش 73،7 پايىزعا تومەندەگەن.

مۇنداي زاڭ بۇزۋشىلىقتاردىڭ الدىن الۋ ماقساتىندا  ۋچاسكەلىك پوليتسيا قىزمەتكەرلەرى  مەكتەپ باسشىلىعىمەن، اتا-انالارمەن كەزدەسۋلەر وتكىزىپ، بىرقاتار شارالار ۇيىمداستىرعان.

ماسەلەن، ء«جاسوسپىرىم»، «تۇنگى قالا»، «دەمالىس»، «قايىرشى» سەكىلدى پروفيلاكتيكالىق شارالارى كامەلەتكە تولماعاندار اراسىندا قۇقىق بۇزۋشىلىقتىڭ ازايۋىنا ىقپالىن تيگىزۋدە.

- سونداي-اق جاسوسپىرىمدەردىڭ زاڭ بۇزۋشىلىقتارىن ازايتۋ ءۇشىن، قالا ارالىق تارتىپتەن بولەك، كوممۋنالدىق قىزمەتتەر تاراپىنان دا  ماسەلەلەردى شەشۋ قاجەت. مىسالى، مەكتەپ  اينالاسى بەينەكامەرالارمەن تولىق جابدىقتالۋى كەرەك، ءبىلىم بەرۋ ۇيىمدارىنىڭ اۋماعىندا كوشە جارىعى ورناتىلۋى ءتيىس، بالالار قاراڭعىدا قاراۋسىز قالماۋى كەرەك.  قالاداعى قاراۋسىز قالعان عيماراتتار مەن جەرتولەگە كىرگىزبەۋدى قاتاڭ قاداعالاپ،  مەكتەپ ينسپەكتورلارىنىڭ سانىن كوبەيتۋ قاجەت، - دەدى ەرلان بيگامباەۆ.

قالالىق ءبىلىم ءبولىمىنىڭ باسشىسى فارۋزا شانگەرەەۆانىڭ ايتۋىنشا، قازىرگى تاڭدا اتىراۋ قالاسىندا 59 مەكتەپ پەن 46 بالاباقشا بار. ولاردىڭ بارلىعى مۇمكىندىگىنشە بەينەكامەرالارمەن جابدىقتالعان.

- ءبىز مەكتەپ وقۋشىلارىنىڭ قاۋىپسىزدىگىن قامتاماسىز ەتۋ ءۇشىن ليتسەنزيالانعان كۇزەت كومپانياسىمەن كەلىسىمشارت جاساۋ مۇمكىندىگىن قاراستىرۋدى ۇسىنامىز.  ءورت قاۋىپسىزدىگىنىڭ الدىن الۋ ماقساتىندا  قالانىڭ بارلىق مەكتەپتەرى مەن بالاباقشالارىنا بىرىڭعاي ديسپەتچەرلىك باقىلاۋ ورناتۋ ماسەلەسى قاراستىرىلۋدا، - دەدى فارۋزا شانگەرەەۆا.

جيىن سوڭىندا اتىراۋ قالاسىنىڭ اكىمى اليمۇحاممەد قۇتتىمۇرات ۇلى اتالعان  ماسەلەلەردى جۋىق ارادا شەشۋدى تاپسىردى.

- ەڭ الدىمەن، مەكتەپ ينسپەكتورلارىنىڭ سانىن كوبەيتىپ، بارىنشا قاۋىپسىزدىكتى قامتاماسىز ەتۋ قاجەت، - دەپ قورىتىندىلادى اليمۇحاممەد قۇتتىمۇرات ۇلى.

 

 

اتىراۋ

سوڭعى جاڭالىقتار

«اقىلعا ساۋلە قونباسا...»

قوعام • بۇگىن، 08:03

بوكسشىلار الەمدىك رەيتينگتە جوعارىلادى

كاسىپقوي بوكس • بۇگىن، 07:55

قازاقى اس: ءداستۇر مەن ءدام

رۋحانيات • بۇگىن، 07:51

تەرەزەدەن قاراما...

رۋحانيات • بۇگىن، 07:49

قىزمەت بارىسىندا قازا تاپتى

رۋحانيات • بۇگىن، 07:44

بوزىنگەندى يدىرگەن كۇي ەدى...

رۋحانيات • بۇگىن، 07:42

«كوحلەار نۋكلەۋس» كومەككە كەلدى

ايماقتار • بۇگىن، 07:40

اعا مەن ءىنى

قوعام • بۇگىن، 07:30

ىسقاق قاجى اۋليە

رۋحانيات • بۇگىن، 07:25

قابان، تاڭكى جانە بىدىق

رۋحانيات • بۇگىن، 07:23

قايىق كۇتكەن كۇن

رۋحانيات • بۇگىن، 07:21

«ۇلتقا قىزمەت ەتۋ – مىنەزدەن»

ساياسات • بۇگىن، 07:16

جاستاردىڭ جارقىن باستاماسى

ايماقتار • بۇگىن، 06:53

بالا اۋىرسا، ءبارىمىز جاۋاپتىمىز

مەديتسينا • بۇگىن، 06:48

ۇقساس جاڭالىقتار