رۋحانيات • 11 جەلتوقسان، 2019

بيبىگۇل تولەگەنوۆانىڭ شاكىرتى ۇستازىنىڭ قۇرمەتىنە كەش وتكىزدى

145 رەت كورسەتىلدى

اتىراۋدا قر ەڭبەك سىڭىرگەن قايراتكەرى، دينا نۇرپەيىسوۆا اتىنداعى اكادەميالىق حالىق اسپاپتار وركەسترىنىڭ ءانشىسى مارجان تورەحانوۆانىڭ شىعارماشىلىق كەشى بولدى.  بۇل تۋرالى وڭىرلىك كوممۋنيكاتسيالار قىزمەتى حابارلادى.

رومانستاردى شەبەر ورىنداۋشى، بىرەگەي داۋىس يەسى مارجان تورەحانوۆا شىعارماشىلىق كەشىن قازاقستاننىڭ حالىق ءارتىسى، ساحنا حانشايىمى بيبىگۇل تولەگەنوۆانىڭ 90 جىلدىعىنا ارنادى.

كلاسسيكالىق مۋزىكا كەشىنە اتىراۋ وبلىسىنىڭ اكىمى نۇرلان نوعاەۆ، زيالى قاۋىم وكىلدەرى مەن الەمدىك وپەرا كلاسسيكاسى تۋىندىلارى مەن حالىق اندەرىن ءسۇيىپ تىڭداۋشىلار كەلدى.

قۇرمانعازى اتىنداعى مادەنيەت سارايىنىڭ ساحناسىندا يتالياندىق كومپوزيتور دجواككينو روسسيني مەن العاشقى قازاق وپەراسىنىڭ اۆتورى ەۆگەني برۋسيلوۆسكيدىڭ شىعارمالارى، قازاق، ورىس حالىق اندەرى، ۆەنا وپەرەتتاسىنىڭ كومپوزيتورى فرانتس لەگاردىڭ شىعارمالارى ورىندالدى. قازاقتىڭ ۇلى ءانشىسى بيبىگۇل تولەگەنوۆا شاراعا قاتىسا الماعانىمەن اتىراۋلىقتارعا ارنايى بەينەجولداۋ ارقىلى تىلەگىن جەتكىزدى.

مۇنداي كاسىبي ءانشى اتىراۋدا عانا ەمەس، باتىس وڭىرىندە جوق. بۇل ءسوزدى شاكىرتىم بولعاندىقتان ايتىپ وتىرعان جوقپىن، شىنى سول. ونىڭ داۋىسىنا كوپتەگەن ەلدەردىڭ ساحناسىندا قوشەمەت كورسەتىلدى. مەنەن كەيىن «بۇلبۇل» ءانىن شەبەر ورىندادى. بۇل وعان تابيعات بەرگەن ۇلكەن تالانت. بۇگىندە شاكىرتتەرى ءىزىن جالعاپ، مۋزىكالىق كونسەرۆاتوريادا ءبىلىم الىپ، ەلگە تانىلىپ ءجۇر،- دەدى بيبىگۇل تولەگەنوۆا.

گو

مارجان تورەحانوۆانىڭ شىعارماشىلىق كەشىن ۇيىمداستىرۋشىلارعا وبلىس اكىمى العىس ايتتى.

- بىزگە وسىنداي كەرەمەت كەش سىيلاعاندارعا ريزاشىلىعىمىزدى بىلدىرەمىز. اكادەميالىق حالىق اسپاپتارى وركەسترىنە، ديريجەرلەر مەن جەتەكشىلەرىنە. كورەرمەن عاجايىپ اسەر الدى دەگەن ويدامىن. بيبىگۇل تولەگەنوۆانىڭ شاكىرتتەرى ەلىمىزدىڭ تۇكپىر-تۇكپىرىندە بار. بۇل ۇلكەن ەڭبەك. مارجانعا تابىس، تالانتتى دا تالاپتى شاكىرتتەر تىلەيمىن،-دەپ اتاپ ءوتتى نۇرلان نوعاەۆ.

 قزو

 

اتىراۋ

سوڭعى جاڭالىقتار

قاي سالادا جالاقى ءوستى؟

ەكونوميكا • كەشە

رەسەي ازاماتتارى العىس ايتتى

ايماقتار • 26 اقپان، 2021

ۇقساس جاڭالىقتار