«قازاقستاننىڭ زامانعا لايىق جاڭا استاناسىن سالۋ يدەياسى مەملەكەت باسشىسى نۇرسۇلتان نازارباەۆقا تيەسىلى.
ەلوردانى اۋىستىرۋ تۋرالى شەشىمدى قازاقستان رەسپۋبليكاسى جوعارعى كەڭەسى 1994 جىلى 6 شىلدەدە قابىلداندى.
استانانى رەسمي كوشىرۋ 1997 جىلعى 10 جەلتوقساندا جۇزەگە استى. پرەزيدەنتتىڭ 1998 جىلعى 6 مامىرداعى جارلىعىمەن اقمولانىڭ اتاۋى استانا بولىپ وزگەرتىلدى. جاڭا استانانىڭ حالىقارالىق تۇساۋكەسەرى 1998 جىلعى 10 ماۋسىمدا ءوتتى.
ال 1995 جىلى 15 قىركۇيەكتە ن.ءا نازارباەۆ «قازاقستان رەسپۋبليكاسىنىڭ استاناسى تۋرالى» جارلىققا قول قويدى. بۇل قۇجاتتا اقمولا قالاسىنا جوعارى جانە ورتالىق مەملەكەتتىك ورگانداردى كوشىرۋ جونىندەگى مەملەكەتتىك كوميسسيا قۇرۋعا تاپسىرما بەرىلدى.
اراعا ەكى جىل سالىپ, 1997 جىلدىڭ 20 قازانىندا ەلباسىمىز نۇرسۇلتان نازارباەۆتىڭ جارلىعىمەن 1997 جىلدىڭ 10 جەلتوقسانىنان باستاپ اقمولا قازاق ەلىنىڭ استاناسى بولىپ جاريالاندى.
1998 جىلى 6 مامىردا كوپتەگەن تالقىلاۋلار مەن تالداۋلاردان كەيىن, ەل باسشىلىعى قالانىڭ اتاۋىن قازاقشا «استانا» دەگەن ماعىنانى بەرەتىن استانا ەتىپ وزگەرتۋ تۋرالى شەشىم قابىلدادى.
ال 2019 جىلى 23 مامىردا قاسىم-جومارت توقاەۆتىڭ استانانى نۇر-سۇلتان ەتىپ قايتا اتاۋ تۋرالى جارلىعى شىقتى.
ەلوردانى اۋىستىرۋ تۋرالى تاريحي شەشىم قازاقستاننىڭ قايتا تۇلەۋىنە سەرپىن بەرىپ, ۇلكەن وزگەرىستەرگە جول اشتى. وسى جىلدار ىشىندە بۇرىنعى اقمولا, استانا جانە قازىرگى نۇر-سۇلتان ايتارلىقتار وزگەردى. بۇگىندە باس قالامىز بارشا جۇرتىمىزدىڭ ىنتىماق-بىرلىگىنىڭ سيمۆولىنا اينالدى جانە وزگە ەلدەرمەن تەرەزەسى تەڭ كەلەشەگى كەمەل قالالار قاتارىنا قوسىلدى», دەلىنگەن حابارلامادا.
