ايماقتار • 10 جەلتوقسان، 2019

كيەلى جەرلەرگە ساياحات ساباعى ءوتتى

38 رەتكورسەتىلدى

سەمەي قالاسىنىڭ ورتالىقتاندىرىلعان كىتاپحانا جۇيەسىندە №8 ورتا مەكتەپتىڭ 8-10 سىنىپ وقۋشىلارىنىڭ قاتىسۋىمەن «رۋحاني جاڭعىرۋ» باعدارلاماسىنداعى «رۋحاني قازىنا» كىشى ءبولىمى اياسىندا «شىعىس قازاقستاننىڭ كيەلى جەرلەرىنە ساياحات» اتتى ساياحات ساباعى وتكىزىلدى.

شارانى اشا وتىرىپ كىتاپحانا قىزمەتكەرلەرى كەز كەلگەن ەلدىڭ تاريحي نەمەسە ميفولوگيالىق نۇكتەلەرى، ياعني قاسيەتتى جەرلەرى بولاتىنىن تۇسىندىرە كەلە، بۇل كيەلى مەكەندەر مەملەكەت اۋماعىندا تۇراتىن ءاربىر ادام ءۇشىن ماڭىزدى ەكەندىگىن ايتتى.

ساياحات ساباق بارىسىندا شىعىس قازاقستاننىڭ كيەلى جەرلەرى بەينەلەنگەن كارتا ۇسىنىلدى. شارا قاتىسۋشىلارى «بەرەل» جانە «شىلىكتى» قورعاندارى، قوزى-كورپەش پەن بايان سۇلۋ كەسەنەسى، ۇلى ابايدىڭ «جيدەباي-ءبورىلى» قورىق-مۇراجايى، «الاش ارىستارى» مۇراجاي ءۇيى، ف.دوستوەۆسكيدىڭ مۇراجاي ءۇيى، قوڭىر اۋليە ۇڭگىرى سىندى باي تاريحي-مادەني مۇرالاردىڭ تاريحىمەن تانىسىپ، تولىققاندى اقپارات الدى.

-ءبىز تۋعان ەلىمىز  شىعىس قازاقستان ءوزىنىڭ تابيعاتىمەن ەرەكشەلەنىپ، تاريحي تۇلعالارعا باي ەكەندىگىن  بىلدىك،-دەدى شاراعا قاتىسۋشى الميرا اسۋباەۆا،-وبلىستىڭ رۋحاني، تابيعي جانە تاريحي جەرلەرىنىڭ كوپشىلىگى قازاقستاننىڭ كيەلى جەرلەرىنىڭ كارتاسىنا ەنگەندىگىنەن دە حاباردار بولدىق. سۇراقتارىمىزعا جاۋاپتار الىپ، «شىعىس قازاقستاننىڭ كيەلى جەرلەرى» اتتى كىتاپ كورمەسىنە قويىلعان ماتەريالدارمەن تانىستىق.

سوڭعى جاڭالىقتار

ۇقساس جاڭالىقتار