رۋحانيات • 07 جەلتوقسان، 2019

الماتىداعى ورتالىق مۋزەيدە «قۇربان بولعان تۇلعالار» اتتى كورمە وتەدى

37 رەتكورسەتىلدى

الماتى قالاسى اكىمدىگىنىڭ ءباسپاسوز ورتالىعىندا قازاقستان رەسپۋبليكاسى مەملەكەتتىك ورتالىق مۋزەيىنىڭ قازاقستان تاريحىن زەرتتەۋ ورتالىعى وكىلدەرىنىڭ قاتىسۋىمەن بريفينگ بولىپ ءوتتى.

قازاقستان تاريحىن زەرتتەۋ ورتالىعىنىڭ عىلىمي قىزمەتكەرى گۇلسارا جاپاقوۆانىڭ حابارلاۋىنشا، بيىلعى جىلدىڭ 9 جەلتوقسانى كۇنى ساعات 15. 00-دە قر مەملەكەتتىك ورتالىق مۋزەيىندە قازاق حالقىنىڭ ءۇش بايتەرەگى، ستاليندىك زوبالاڭنىڭ قۇرباندارى، ارتىنا وشپەس رۋحاني مۇرا قالدىرعان اقيىق اقىن، قوعام قايراتكەرى – ءىلياس جانسۇگىروۆ، قازاق ادەبيەتىنىڭ نەگىزىن قالاۋشى، مەملەكەت جانە ساياسي قايراتكەر ساكەن سەيفۋللين جانە قازاق ادەبيەتىنىڭ كورنەكتى وكىلى، بارلىق جانردى ورىستەتۋگە ۇلەس قوسقان دارىندى قالامگەر  بەيىمبەت ءمايليننىڭ 125 جىلدىق مەرەيتويىنا وراي «قۇربان بولعان تۇلعالار» اتتى كورمەنىڭ اشىلۋى وتەدى. قازاقتىڭ بەلگىلى ءۇش بايتەرەگىمەن بىرگە، كورمەگە تۇرار رىسقۇلوۆ، سۇلتانبەك قوجانوۆ سەكىلدى ءىرى قايراتكەرلەردىڭ دە ومىرىنە قاتىستى تاريحي قۇجاتتار كورمە سورەسىنەن ورىن تابادى. كورمەگە كەلەتىن كوپشىلىكتىڭ نازارىنا ولاردىڭ پايدالانعان جەكە زاتتارى، كىتاپتارى، پرەزيدەنت ءارحيۆىنىڭ قۇجاتتارى ۇسىنىلادى.

قازاق تاريحىنا قارا تاڭبا بولىپ باسىلعان ناۋبەت جىلداردىڭ جاڭعىرىعى ءالى وشكەن جوق. 1930-1953 جىلدار ارالىعىندا بۇل زوبالاڭنان جالپى كەڭەس وداعى بويىنشا 40 ميلليوننان استام ادام قۇربان بولسا، بارىنەن كوپ زارداپ شەككەن قازاق حالقى بولدى – جەرگىلىكتى ۇلتتىڭ 40 پايىزى جازىقسىز اتىلدى، يتجەككەنگە ايدالىپ، ەلىنە ورالمادى. قازاق حالقىنىڭ تەڭ جارتىسىنا جۋىعى جەر بەتىنەن جويىلىپ كەتتى. ءستاليننىڭ اسا قاتىگەزدىكپەن جۇرگىزگەن ساياساتى اسىرەسە كەڭەستىك جۇيەدەگى كىشى ۇلتتاردىڭ بارىنە اۋىر ءتيدى. جازالاۋعا الدىمەن زيالى قاۋىم وكىلدەرى، قوعامنىڭ بەتكەۇستار ازاماتتارى ىلىكتى. ەلى مەن جەرىنىڭ كەلەشەگى ءۇشىن باسىن بايگەگە تىككەن ۇلت بەلسەندىلەرى حالقى ءۇشىن ءالى دە قىرۋار جۇمىس اتقارا الاتىن قاجىرى مەن الەۋەتىنىڭ  مولدىعىنا قاراماستان مەزگىلسىز دۇنيەدەن ءوتتى، ال ولاردىڭ ورنى ۇلت تاريحى ءۇشىن ورنى تولماس وكىنىش بولىپ قالدى. بار ءومىرىن قازاق حالقىنىڭ رۋحانياتىنا ارناعان تۇلعالاردىڭ 125 جىلدىعىنا ارنالعان ءىس-شارالار جىل بويى ەل كولەمىندە كەشەندى قولعا الىندى. ورتالىق مۋزەيدە ۇيىمداستىرىلىپ وتىرعان كورمەنىڭ نەگىزگى ماقساتى – كوپشىلىكتى 1930-1940 جىلدارى قۇربان بولعان زيالى قاۋىمنىڭ ازاماتتىق تۇلعاسىمەن تانىستىرۋ، وزگە دە دارا تۇستارىن وسكەلەڭ ۇرپاققا ناسيحاتتاۋ. ء«بىزدىڭ مۋزەي مۇنداي كورمەلەردى ءداستۇرلى تۇردە وتكىزىپ كەلە جاتقانىمەن،  بۇل ۇيىمداستىرىپ وتىرعان كورمە كەڭ اۋقىمدى مەموريالدى كورمە بولىپ سانالادى. بۇل جولى كورمەگە كەلگەندەر قايراتكەرلەردىڭ ومىرىمەن، قىزمەتىمەن، ەلدىڭ قوعامدىق-ساياسي، مادەني  ومىرىنە قوسقان ۇلەسىمەن جان-جاقتى تانىسۋعا مۇمكىندىك الادى»، دەدى ورتالىق مەملەكەتتىك مۋزەيدىڭ عىلىمي قىزمەتكەرى گۇلسارا جاقىپوۆا.

گ.جاقىپوۆانىڭ ايتۋىنشا، كورمەگە ورتالىق مۋزەي قورىنداعى ءى.جانسۇگىروۆتىڭ، س.سەيفۋلليننىڭ، ب.ءمايليننىڭ جەكە كەشەندەرى، سونىمەن بىرگە ولاردىڭ زامانداستارى ت.رىسقۇلوۆ، س.قوجانوۆتىڭ مۇراعاتتان الىنعان ماتەريالدارى قويىلادى. ولاردىڭ جۇمىس كابينەتىنىڭ كورىنىسى، س.سەيفۋلليننىڭ جەكە ءمورى، التىن ساعاتى، پورتسيگارى، ساكۆاياجى جانە تاعى باسقا جەكە زاتتارى كەلگەندەردىڭ نازارىن اۋداراتىنى ءسوزسىز.

كورمە قر پرەزيدەنت ءارحيۆى، ورتالىق مەملەكەتتىك مۋزەي جانە «عىلىم ورداسى» ورتالىق عىلىمي كىتاپحاناسىمەن بىرلەسىپ ۇيىمداستىرىلىپ وتىر.

 

الماتى

سوڭعى جاڭالىقتار

«اقىلعا ساۋلە قونباسا...»

قوعام • بۇگىن، 08:03

بوكسشىلار الەمدىك رەيتينگتە جوعارىلادى

كاسىپقوي بوكس • بۇگىن، 07:55

قازاقى اس: ءداستۇر مەن ءدام

رۋحانيات • بۇگىن، 07:51

تەرەزەدەن قاراما...

رۋحانيات • بۇگىن، 07:49

قىزمەت بارىسىندا قازا تاپتى

رۋحانيات • بۇگىن، 07:44

بوزىنگەندى يدىرگەن كۇي ەدى...

رۋحانيات • بۇگىن، 07:42

«كوحلەار نۋكلەۋس» كومەككە كەلدى

ايماقتار • بۇگىن، 07:40

اعا مەن ءىنى

قوعام • بۇگىن، 07:30

ىسقاق قاجى اۋليە

رۋحانيات • بۇگىن، 07:25

قابان، تاڭكى جانە بىدىق

رۋحانيات • بۇگىن، 07:23

قايىق كۇتكەن كۇن

رۋحانيات • بۇگىن، 07:21

«ۇلتقا قىزمەت ەتۋ – مىنەزدەن»

ساياسات • بۇگىن، 07:16

جاستاردىڭ جارقىن باستاماسى

ايماقتار • بۇگىن، 06:53

بالا اۋىرسا، ءبارىمىز جاۋاپتىمىز

مەديتسينا • بۇگىن، 06:48

ۇقساس جاڭالىقتار