جان-جانۋارلاردى ءۇي جانە جابايى جانۋارلار دەپ قاراستىراتىن بولساق, الماتى زووباعىندا جانۋارلاردىڭ ەكى تۇرىنە دە قامقورلىق جاسالادى. مۇندا جانۋارلار الەمىن تانۋعا, وسى زووباقتى تۇراقتى مەكەندەۋشىلەردى زەرتتەيتىن عالىمدار ەڭبەك ەتەدى. ولاردىڭ كۇندەلىكتى تىرشىلىگى مامانداردىڭ ءجىتى باقىلاۋىندا.
الكور نەمەسە كوليا ەسىمدى اق ايۋ - وسى حايۋاناتتار باعىنىڭ بايىرعى مەكەندەۋشىسى. بۇگىنگى كۇنى 30 جاسقا تولعان اق ايۋ زووباققا كەلۋشىلەردىڭ دە قىزىعۋشىلىعىن تۋعىزىپ وتىر. ايۋدىڭ جاسى ادام جاسىنا شاققاندا ءجۇزدى كورسەتەدى. عالىمداردىڭ زەرتتەۋلەرىنە سايكەس, تابيعات اياسىندا اق ايۋلار 20 جاسقا دەيىن, ۇرعاشىلارى 25-30 جاسقا دەيىن ءومىر سۇرەدى. 1990 جىلى الماتى زووباعىنا اكەلىنگەن الكور 1989 جىلى كالينينگرادتاعى حايۋاناتتارى باعىندا تۋعان. الكوردىڭ ۇرعاشى كريستينادان ۋمكا ەسىمدى قونجىق تۋىلعان. ۋمكا قازىر چەحيا زووباعىندا. الكور ەت, بالىق جەگەندى ۇناتادى. بالىق مايى, كوكونىس پەن جەمىس-جيدەك تە ونىڭ تۇراقتى ازىعى.
بۇگىندە الكور زامانۋي ۆولەردە تىرشىلىك ەتۋدە. الكور ءۇشىن اينەكپەن قاپتالعان, باسسەينى بار, كوگالدانعان, تۇراقتى سۋ اعىپ تۇراتىن جاعداي مەتسەنات سەرگەي سپيتسىن تاراپىنان جاسالعان بولاتىن.
الماتى
