قازاقستان • 06 جەلتوقسان، 2019

«قازاقستان تاۋەلسىزدىگى جانە ەلباسى» كونكۋرسىنىڭ جەڭىمپازدارى انىقتالدى

68 رەتكورسەتىلدى

بۇگىن نازارباەۆ ورتالىعىنىڭ عيماراتىندا بۇقارالىق اقپارات قۇرالدارى قىزمەتكەرلەرىنىڭ اراسىندا جىل سايىن جاريالاناتىن «قازاقستان تاۋەلسىزدىگى جانە ەلباسى» اتتى حالىقارالىق شىعارماشىلىق كونكۋرستىڭ قاتىسۋشىلارىن ماراپاتتاۋ سالتاناتى ءوتتى.

بايقاۋ تاۋەلسىزدىك جىلدارىندا ەلىمىزدىڭ قول جەتكىزگەن جەتىستىكتەرى مەن «نازارباەۆ مودەلىن»، ەلباسىنىڭ يدەيالارى مەن باستامالارىن كەڭىنەن تاراتۋعا نەگىزدەلگەن. ءىس-شارانىڭ ۇيىمداستىرۋشىلارى – قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسى مەن قورى.

بايقاۋدىڭ بيىلعى ەرەكشەلىگى – «شەتەلدىك باق-عى ۇزدىك جاريالانىم» نوميناتسياسىنىڭ قوسىلۋى. وعان ازەربايجان، گەرمانيا، رەسەي، تۇركيا جانە جاپونيا ەلدەرىنەن جۋرناليستەر ءوز جۇمىستارىن جولدادى.

سالتاناتتى شارانى قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسىنىڭ ديرەكتورى، كونكۋرستىق كوميسسيانىڭ تەڭ توراعاسى ءامىرحان راحىمجانوۆ اشتى.

ء«بىزدىڭ كونكۋرسكا قاتىسقان بارلىق قازاقستاننىڭ جۋرناليستەرى مەن شەتەلدىك باق وكىلدەرىنە ۇيىمداستىرۋشى رەتىندە شەكسىز العىسىمىزدى بىلدىرەمىز. ەڭ قىزىقتى دا شىعارماشىلىق ماماندىقتىڭ بىرىندە جاڭا ەسىمدەر اشىلۋدا. شىعارمالار كوپۇلتتى قازاقستاننىڭ قازىرگى كەزدە قالاي دامىپ جاتقانىن اشا بىلگەن. بۇل شارا ەلباسىنىڭ جاسامپاز يدەيالارى مەن باستامالارىن تەك قازاقستاندا عانا دارىپتەپ قويماي، بۇكىل الەمدە كەڭىنەن ناسيحاتتاۋدىڭ نەگىزگى مىندەتىن تولىقتاي جۇزەگە اسىرادى»، - دەپ قۇتتىقتاۋ سوزىندە اتاپ وتكەن ءا.راحىمجانوۆ جيىلعان قاۋىمدى الدا كەلە جاتقان مەملەكەتتىك مەرەكە – تاۋەلسىزدىك كۇنىمەن قۇتتىقتادى.

قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورىنىڭ اتقارۋشى ديرەكتورىنىڭ ورىنباسارى الكەي مارعۇلان ۇلى قاتىسۋشىلارعا ءوز قۇتتىقتاۋ ءسوزىن جولدادى.

«تۇڭعىش پرەزيدەنت نۇرسۇلتان نازارباەۆتىڭ سارابدال ساياساتىنىڭ ارقاسىندا ءبىزدىڭ ەلىمىز بارلىق سالادا تۇراقتى دامىپ، بۇگىندە ۇلكەن جەتىستىكتەرگە جەتۋدە. ءبىز ءورشىل ماقساتتارىمىزبەن سەنىممەن العا جىلجىپ كەلەمىز. تاۋەلسىزدىكتىڭ باستاۋىندا ەلباسى قويعان مىندەتتەر سەكىلدى  ولاردى دا جۇزەگە اسىرۋ حالىقتىڭ قولداۋى بولماسا جانە قازاقستاندىقتار مەملەكەتتىڭ العان باعىتىن تۇسىنبەسە مۇمكىن بولماس ەدى. مۇندا باق ۇلكەن ءرول اتقارادى. ويتكەنى، ولار قوعامدىق پىكىرگە اسەر ەتىپ، بەلگىلى ءبىر قۇبىلىستار مەن پروتسەستەر تۋرالى قوعامدىق تۇسىنىك قالىپتاستىرۋعا ىقپال ەتەدى. سونىمەن قاتار بۇقارالىق اقپارات قۇرالدارىنىڭ جۇمىسىنىڭ ارقاسىندا ۇيىمدار مەن لاۋازىمدى تۇلعالار وزدەرىنىڭ جۇمىستارىن جان-جاقتى باقىلاپ، كەمشىن تۇستارىن كورىپ، ولاردى تۇزەتۋگە مۇمكىندىك الادى. بايقاۋ جەڭىمپازدارىن ماراپاتتاي كەلە، ەڭ ۇزدىك باق وكىلدەرىنە ماڭىزدى جۇمىستارىڭىز ءۇشىن العىسىمىزدى بىلدىرگىمىز كەلەدى»، دەدى الكەي مارعۇلان ۇلى.

 «شەتەلدىك باق-عى ۇزدىك جاريالانىم» نوميناتسياسى بويىنشا 1-ورىن – رۋستام گاسىموۆ («Yenicag.Az-نوۆايا ەپوحا» گازەتى، ازەربايجان)، 2-ورىن – گۋزال زايتوۆا (قازاقستان رەسپۋبليكاسىنداعى تۋركيانىڭ تەلەراديوكومپانياسى)، 3-ورىن – ناوكي ماتسۋموتو («KINZAI Financial Plan» جۋرنال، جاپونيا).

«مەن بۇگىن باۋىرلاس قازاقستان ەلىنە كەلگەنىمە، «قازاقستان تاۋەلسىزدىگى جانە ەلباسى» بايقاۋىنىڭ قازىلار القاسىنىڭ شەشىمىمەن جوعارعى ماراپاتقا يە بولعانىما وتە قۋانىشتىمىن. وسى جىلى ماۋسىم ايىندا نۇر-سۇلتان قالاسىنا العاش بارعان ساپارىمدا ءزاۋلىم شاھاردىڭ كوركى مەنى ەرەكشە تامساندىردى. اسىرەسە، زاماناۋي ينفراقۇرىلىم، بىرەگەي كورنەكى ورىندار، تابيعات، سونىمەن بىرگە ارينە، جەكە باسىم تاعى دا كۋا بولعان قازاقتىڭ قوناقجايلىلىعى تاڭقالدىردى. العان اسەرىم وراسان زور، بىراق بايقاۋعا ۇسىنعان ماقالاما سونىڭ ءبارىن سىيعىزا المادىم، ول ماقالادا سان قىرلى قىزمەتى الەمدەگى ەڭ ادەمى استانالاردىڭ ءبىرىن سالۋعا باعىتتالىپ، سول قالاعا ەسىمى بەرىلگەن قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان ءابىش ۇلى نازارباەۆتىڭ ەڭبەگى، سونىمەن قاتار ەلباسىنىڭ يادروعا قارسى قوزعالىس، تۇركى الەمىنىڭ بىرىگۋى، مادەنيەت، مەديتسينا، ءبىلىمنىڭ دامۋى، سونىمەن بىرگە بۇگىندە بىرتىندەپ كوتەرىلىپ، قارقىندى دامىپ كەلە جاتقان ءازىربايجان-قازاق قارىم-قاتىناسىنىڭ نىعايۋىنا قوسقان ۇلەسى تۋرالى جازىلعان»،- دەپ وي ءبولىستى ر.گاسىموۆ.

«گازەتتەر مەن جۋرنالدارداعى ۇزدىك ماقالا» نوميناتسياسى بويىنشا جەڭىمپازدار: 1- ورىن – حايرات ساتاەۆ ( «اتىراۋ-اكپارات» جشس، اتىراۋ ق.)، 2-ورىن – نادەجدا تۋلينا «پريكاسپيسكايا كومۋننا» گازەتى، اتىراۋ ق.)، 3-ورىن – الىشەر شاياحمەتوۆ («زۆەزدا پريرتىشيا» گازەتى، پاۆلودار ق.).

– ەڭبەگىمنىڭ وسى بايقاۋدا ەلەنگەنىنە وتە باقىتتىمىن. مەن ەلىمىزدەگى بىرلىك پەن كەلىسىم تاقىرىبىنا دەن قويعانمىن. ەلباسىنىڭ ساياساتى قازاقستانداعى قاۋىپسىز جانە بەيبىت ءومىردى قامتاماسىز ەتۋگە باعىتتالعان. بۇل وتە ماڭىزدى. كوپۇلتتى، بەيبىت مەملەكەتتىڭ قازاقستاندىق مودەلى كۇللى الەم ءۇشىن دامۋدىڭ وزىق ۇلگىسىنە اينالدى. ءبىز، جۋرناليستەر، وسى قۇندىلىقتاردى وقىرمانعا قونىمدى ءارى قىزىقتى ەتىپ جەتكىزۋگە تىرىسامىز،-دەپ ءوز اسەرىمەن ءبولىستى ن.تۋلينا.  

9

«كاراۆان» گازەتىنىڭ باس رەداكتورى، كونكۋرستىڭ كوميسسيا مۇشەسى يگور شاحنوۆيچ وسى جىلعى تەلەۆيزيالىق جۇمىستاردىڭ دەڭگەيىنە ەرەكشە توقتالدى.

«جاستار بۇگىنگى مەملەكەتتىلىكتى راسىندا قيىن جاعدايدا اۋىر كۇرەسپەن جەڭىپ العان شىندىق رەتىندە قابىلدايدى، سول تۇرعىدان العاندا بۇل بايقاۋدىڭ پايداسى زور. جاس ۇرپاققا وسى قۇندىلىقتاردى كوزدىڭ قاراشىعىنداي ساقتاۋ كەرەكتىگىن تۇسىنۋگە مۇمكىندىك بەرۋ – بايقاۋدىڭ باستى تيىمدىلىگى، بۇل جەتىستەرگە جەتۋدە ەلباسىنىڭ وراسان زور ەڭبەگى بار. مەنى كوپتەگەن تەلەجۇمىستار بايقاۋى تاڭقالدىردى. ولاردى قازاقستاندىق مەكتەپ وقۋشىلارى مىندەتتى تۇردە كورىپ، ءبىلۋى كەرەك. بۇل ولاردىڭ تۇلعالىق، ازاماتىق دۇنيەتانىمىنىڭ قالىپتاسۋى ءۇشىن كەرەك»، - دەدى ي.شاحنوۆيچ.

9

«ۇزدىك تەلەۆيزيالىق ماتەريال» نوميناتسيا بويىنشا: 1-ورىن – دارحان ابدىۋاحيت («حابار» اگەنتتىگى، نۇر-سۇلتان ق.)، 2 ورىن – ساۋلە كومەكباەۆا جانە ايان ومارقۇلوۆ، (قر پرەزيدەنتىنىڭ ترك، نۇر-سۇلتان ق.)، بەكزات ەسقاليەۆ («قازاقستان» رترك،  قىزىلوردا ق.)، 3 ورىن – بولاتبەك بايانحان («قازاقستان» رترك، نۇر-سۇلتان ق.) جانە ءالىمجان يساباي («قازاقستان» رترك، نۇر-سۇلتان ق.).

«ۇزدىك راديوماتەريال» نوميناتسياسى بويىنشا 1-ورىندى – نۇرمات مانسۇر («شالقار» راديوسى، نۇر-سۇلتان ق.) الدى.

«عالامتور-باق-تاعى ۇزدىك جاريالانىم» نوميناتسياسى بويىنشا: 1-ورىن – ارمان سۇلەيمەنوۆ («يستوريا كازاحستانا» پورتالى، نۇر-سۇلتان ق.)، 2-ورىن – رۋسلان عابباسوۆ («قازاقپارات» اا، نۇر-سۇلتان ق.)، 3-ورىن – ماحات سادىق («قازاقپارات» اا، نۇر-سۇلتان ق.).

– ەلباسى كىتاپحاناسى مەن قورى ۇيىمداستىرعان بايقاۋعا قاتىسۋ مەن ءۇشىن زور مارتەبە بولسا، قازاقستان مەملەكەتتىلىگىنىڭ قالىپتاسۋ جولىنداعى نۇرسۇلتان نازارباەۆتىڭ ءرولى مەن ۇلەسىن كورسەتۋ – ۇلكەن جاۋاپكەرشىلىك. ءارتۇرلى ءىس-شارالاردا جاس وركەننىڭ نۇرسۇلتان نازارباەۆتىڭ جاستىق شاعى مەن ەڭبەك جولى تۋرالى ىنتامەن ايتاتىندارىن ءجيى كورەمىن. بۇگىن ولار گۇلدەنگەن قازاقستاندا ءومىر سۇرۋدە. ءتورتىنشى بيلىك وكىلدەرى رەتىندە باق قىزمەتكەرلەرى توقسانىنشى جىلداردىڭ باسىندا مەملەكەت قالاي قۇرىلدى، قانداي قيىندىقتاردى باستان وتكەردى، تۇپتەپ كەلگەندە قازىرگى جەتىستىكتەرگە قالاي قول جەتكىزگەنىمىز تۋرالى ايتۋى كەرەك دەپ ويلايمىن. بۇل – ەلباسىنىڭ ۇلكەن ەڭبەگى،-دەدى ا.سۇلەيمەنوۆ.

ماراپاتتاۋ راسىمىنە ساياسات جانە قوعام قايراتكەرلەرى، ءتۇرلى باق قىزمەتكەرلەرى جانە ەلشىلىكتىڭ وكىلدەرى قاتىستى.

«قازاقستان تاۋەلسىزدىگى جانە ەلباسى» اتتى حالىقارالىق شىعارماشىلىق بايقاۋدىڭ جەڭىمپازدارىنا قارجىلاي سىيلىق پەن ديپلومدار جانە توسبەلگىلەر تاپسىرىلدى. سالتاناتتى جيىن قازاقستاننىڭ ەسترادا جانە وپەرا ارتىستەرىنىڭ ونەرىمەن ارلەنە ءتۇستى.

9

سوڭعى جاڭالىقتار

«اقىلعا ساۋلە قونباسا...»

قوعام • بۇگىن، 08:03

بوكسشىلار الەمدىك رەيتينگتە جوعارىلادى

كاسىپقوي بوكس • بۇگىن، 07:55

قازاقى اس: ءداستۇر مەن ءدام

رۋحانيات • بۇگىن، 07:51

تەرەزەدەن قاراما...

رۋحانيات • بۇگىن، 07:49

قىزمەت بارىسىندا قازا تاپتى

رۋحانيات • بۇگىن، 07:44

بوزىنگەندى يدىرگەن كۇي ەدى...

رۋحانيات • بۇگىن، 07:42

«كوحلەار نۋكلەۋس» كومەككە كەلدى

ايماقتار • بۇگىن، 07:40

اعا مەن ءىنى

قوعام • بۇگىن، 07:30

ىسقاق قاجى اۋليە

رۋحانيات • بۇگىن، 07:25

قابان، تاڭكى جانە بىدىق

رۋحانيات • بۇگىن، 07:23

قايىق كۇتكەن كۇن

رۋحانيات • بۇگىن، 07:21

«ۇلتقا قىزمەت ەتۋ – مىنەزدەن»

ساياسات • بۇگىن، 07:16

جاستاردىڭ جارقىن باستاماسى

ايماقتار • بۇگىن، 06:53

ۇقساس جاڭالىقتار