ەكونوميكا • 06 جەلتوقسان، 2019

2019 جىلى مۇناي ءوندىرۋ جوسپارى اسىرا ورىندالادى - ەنەرگەتيكا مينيسترلىگى

37 رەتكورسەتىلدى

ۇكىمەت ۇيىندە وتكەن ءباسپاسوز كونفەرەنتسياسىندا ەنەرگەتيكا ۆيتسە-ءمينيسترى اسەت ماعاۋوۆ قازاقستاننىڭ مۇناي سالاسىنىڭ دامۋى تۋرالى ايتىپ بەردى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

ءا. ماعاۋوۆ اتاپ وتكەندەي، 2019 جىلعى قاڭتار-قاراشادا الدىن الا ءوندىرۋ 82،5 ملن توننانى قۇرادى. بۇل رەتتە رەسپۋبليكا بويىنشا 2019 جىلى مۇناي ءوندىرۋ جوسپارى 89 ملن توننانى قۇرايدى. 2019 جىلدىڭ سوڭىنا دەيىن مۇناي ءوندىرۋ جوسپارىن ءبىرشاما اسىرا ورىنداۋ كۇتىلۋدە، ياعني 90،5 ملن توننا.

«نەگىزگى ءوندىرىس ءۇش ءىرى جوبانىڭ ۇلەسىندە. مۇناي ءوندىرۋدىڭ 60%-ىن تەڭىز، قاراشىعاناق جانە قاشاعان كەن ورىندارى قامتاماسىز ەتەدى. 2019 جىلى 3 ءىرى جوبادا جوندەۋ جۇمىستارى جۇرگىزىلدى. جالپى، ءوندىرۋ تۇراقتى»، — دەدى ءا. ماعاۋوۆ.

كۇردەلى جوندەۋ اياقتالعان سوڭ قاشاعان كەن ورنىندا مۇناي ءوندىرۋ تاۋلىگىنە 370 مىڭ باررەلگە جەتتى.

تەڭىز كەن ورىندارىن كەلەشەكتە كەڭەيتۋ جانە قاشاعان كەن ورنىندا گازدى كەرى ايداۋ قۋاتتارىن كەڭەيتۋ جوبالارى ەسەبىنەن 2023 جىلدان باستاپ ءوندىرۋ كولەمىن 100 ملن تونناعا ارتتىرۋ بولجانۋدا. قالعان كومپانيالار بويىنشا مۇناي وندىرۋدىڭ تابيعي تومەندەۋى بولجانۋدا. نەگىزگى كەن ورىندارىندا ءوندىرىستىڭ كەشەۋىلدەۋىنە بايلانىستى قىزىلوردا وبلىسىنىڭ كەن ورىندارىندا مۇناي ءوندىرۋدىڭ تومەندەۋى كۇتىلەدى.

«جالپى الداعى 2-3 جىلدا ءبىز مۇناي ءوندىرۋ كولەمىن جىلىنا 90 ملن توننا دەڭگەيىندە ۇستاپ تۇراتىن بولامىز»، دەدى ءا. ماعاۋوۆ. 

ۆيتسە-مينيستر ماڭىزدى ۇڭعىما ساعاسىنىڭ قىسىمىن باسقارۋ، قاراشىعاناقتى كەڭەيتۋ جانە قاشاعان كەن ورنىنىڭ شىعىس بولىگىن ودان ءارى يگەرۋ سىندى ينۆەستيتسيالىق جوبالار قۇرىلىسى قارقىندى ءجۇرىپ جاتقانىن اتاپ ءوتتى. 

ۇڭعىما ساعاسىنىڭ قىسىمىن كەڭەيتۋ/باسقارۋ جوباسىنىڭ جالپى قۇنى $36،8 ملرد كولەمىندە باعالانىپ وتىر. جالپى ورىنداۋ جوسپارى بويىنشا ىلگەرىلەۋ قازىردىڭ وزىندە 72% قۇرايدى. $28،5 ملرد-قا جۋىق قارجى يگەرىلدى. جوبانى كەستە بويىنشا اياقتاۋ جوسپارلانعان. 

سونىمەن قاتار قازىرگى ءوندىرۋ كولەمىن قاشاعان كەن ورنىندا $11،5 ملن توننا دەڭگەيىندە ۇستاۋ بويىنشا اۋقىمدى جوبانى ىسكە اسىرۋ جوسپارلانعان. جالپى سالىمدار $3 ملرد مولشەرىندە باعالانىپ وتىر. 

قاشاعان كەن ورنىن ودان ءارى كەڭەيتۋ بويىنشا سەرىكتەستەر كەن ورنىنىڭ شىعىس بولىگىن تولىققاندى يگەرۋ تۇجىرىمداماسىن ازىرلەۋدە. 2020 جىلى ەنەرگەتيكا مينيسترلىگىندە كەن ورنىنىڭ وسى بولىگىن يگەرۋ بويىنشا العاشقى تۇجىرىمداما ۇسىنىلادى دەپ كۇتىلۋدە. 

سوڭعى جاڭالىقتار

قىس قىسىمىن ادام كۇشى جەڭۋدە

ايماقتار • بۇگىن، 16:56

تارازدا «اntikor ortalygy» اشىلدى

ايماقتار • بۇگىن، 16:10

200 تەڭگەلىك مونەتا اينالىمعا شىقتى

قازاقستان • بۇگىن، 10:39

قورجىنىمىز بوس قايتتى

قىسقى سپورت • بۇگىن، 06:56

ۇقساس جاڭالىقتار