قازاقستان • 06 جەلتوقسان، 2019

دەسانتتىق-شابۋىلداۋ اسكەرلەرىنىڭ بريگاداسى دابىلمەن كوتەرىلدى

38 رەتكورسەتىلدى

قورعانىس ءمينيسترىنىڭ الماتى گارنيزونىنا جۇمىس ساپارى بارىسىندا دەسانتتىق-شابۋىلداۋ اسكەرلەرى اسكەري ءبولىمىن قاۋىرت وقۋ-جاتتىعۋ دابىلى بويىنشا كوتەردى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.

اسكەري ءبولىمدى تاڭعى ساعات 5.30-دا جاۋىنگەرلىك دايارلىققا كەلتىرگەن كەزدە جەكە قۇرامنىڭ ءىس-قيمىلى، جاۋىنگەرلىك تەحنيكانىڭ بەلگىلەنگەن اۋماققا ۋاقىتىلى شىعۋى، بريگادا كومانديرىنىڭ تاپسىرمالاردى قويۋى، سونىمەن قاتار بولىمشەنىڭ ۇيلەسىمدى ارەكەتى تەكسەرىلدى. اتالعان ءىس-شارانى پىسىقتاۋ بارىسىندا قورعانىس ءمينيسترى وفيتسەرلەردىڭ بىرىنە جەكە قۇرامنىڭ قاۋىپسىزدىك شارالارىن قاداعالاماعانى ءۇشىن سوگىس جاريالادى.

سونىمەن قاتار الماتى گارنيزونىندا اۋە شابۋىلىنا قارسى قورعانىسىنىڭ جەكە بايلانىس پولكى مەن بريگاداسىنىڭ نىساندارى دا تەكسەرىلدى. كوبىنە بايلانىس تەحنيكالارى مەن اۆتوكولىك تەحنيكالارى، ءبولىمنىڭ قويمالارى مەن باسقا دا نىساندارى، سونىمەن قاتار كوماندالىق پۋنكتتەردە جاۋىنگەرلىك كەزەكشىلىكتىڭ ۇيىمداستىرىلۋى.

ارنايى ماقساتتاعى اسكەري بولىمگە پولكوۆنيك بوريس كەرىمباەۆتىڭ ەسىمى بەرىلگەنى جانە ونىڭ قۇرمەتىنە ەسكەرتكىش تاقتانىڭ اشىلۋى جۇمىس ساپارىنىڭ ماڭىزدى بولىگى بولدى. سالتاناتتى شارادا اسكەري بولىمگە بوريس كەرىمباەۆتىڭ ەسىمى بەرىلگەنى اسكەري قىزمەتشىلەرگە جۇكتەلگەن ەرەكشە مىندەتتەر كەزىندە جاۋاپكەرشىلىكتى سەزىنۋگە ىنتالاندىرۋ، سونداي-اق اسكەري قىزمەتشىلەردىڭ ءار ءتۇرلى بۋىنىن بورىشقا، اسكەري ار-نامىس زاڭدارىنا، جاۋىنگەرلىك باۋىرلاستىق پەن حالىققا قىزمەت ەتۋدىڭ بەرىك ايعاعى ەكەنى ايتىلدى. شاراعا ءبولىمنىڭ جەكە قۇرامى مەن باسشىلىعى، قارۋلى كۇشتەردىڭ ارداگەرلەرى جانە دە پولكوۆنيك كەرىمباەۆتىڭ جۇبايى قاتىستى.

«بۇگىن مەنىڭ قۋانىشىمدا شەك جوق. ارينە جوقتىڭ ورنى تولماس. ول وسى جەردە ساپتا تۇرعان بارلىعى ءۇشىن ناعىز ۇستاز بولا ءبىلدى. مەن بارلىقتارىڭىزعا مىقتى دەنساۋلىق، وتباسىلارىڭىزعا اماندىق تىلەيمىن. جوعارى جەتىستىكتەرىڭىزبەن قۇتتىقتايمىن»، دەدى رايسا كەرىمباەۆا.

سوڭعى جاڭالىقتار

قىس قىسىمىن ادام كۇشى جەڭۋدە

ايماقتار • بۇگىن، 16:56

تارازدا «اntikor ortalygy» اشىلدى

ايماقتار • بۇگىن، 16:10

200 تەڭگەلىك مونەتا اينالىمعا شىقتى

قازاقستان • بۇگىن، 10:39

ۇقساس جاڭالىقتار