قازاقستان • 06 جەلتوقسان، 2019

قازاقستان ءماسليحاتتارىنىڭ قۇرىلعانىنا 25 جىل تولۋىنا ارنالعان كونفەرەنتسيا ءوتتى

121 رەتكورسەتىلدى

نۇر-سۇلتان قالاسىندا قازاقستان رەسپۋبليكاسى ءماسليحاتتارىنىڭ قۇرىلعانىنا 25 جىل تولۋىنا ارنالعان رەسپۋبليكالىق كونفەرەنتسيا ءوتتى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.

شاراعا پارلامەنتتىڭ، ايماقتىق ءماسليحاتتاردىڭ دەپۋتاتتارى، پرەزيدەنت اكىمشىلىگىنىڭ وكىلدەرى جانە ۇكىمەت مۇشەلەرى قاتىستى.

كونفەرەنتسيانى پارلامەنت سەناتىنىڭ توراعاسى داريعا نازارباەۆا اشىپ، جەرگىلىكتى ءوزىن-ءوزى باسقارۋ ورگاندارىن دامىتۋعا ارنالعان مەملەكەتتىك شەشىمدەر قابىلداۋ مەن ولاردىڭ ىسكە اسۋىن باقىلاۋدىڭ پارمەندى تەتىگى رەتىندە ازاماتتاردى قاتىستىرۋ جونىندە ارىپتەستەرىن ناقتى قادام جاساۋعا شاقىردى.

د.نازارباەۆا تاياۋدا سەناتتا سۋ جانە سۋدى ۇنەمدەۋ، تۇرمىستىق جانە ونەركاسىپتىك قالدىقتاردى جيناۋ جانە قايتا وڭدەۋ ماسەلەلەرى بويىنشا وتكەن وتىرىستاردى ەسكە سالا وتىرىپ، ەكولوگيالىق پروبلەمالاردى شەشۋ ءۇشىن جەرگىلىكتى بيۋدجەت قاراجاتىنىڭ ماقساتتى جانە ءتيىمدى پايدالانىلۋىنا دەپۋتاتتىق باقىلاۋ جاساۋ قاجەتتىگىنە باسا نازار اۋداردى. «جەرگىلىكتى اتقارۋشى ورگاندار بيۋدجەتتە تابيعات قورعاۋ شارالارىنا قارجىنىڭ جوقتىعى تۋرالى شاعىم ايتادى. بۇل رەتتە قورشاعان ورتانى لاستاۋ ەميسسياسىنىڭ بارلىق تولەمدەرى جەرگىلىكتى بيۋدجەتتەرگە ءتۇسىپ وتىر، بىراق باسقا ماقساتتارعا جىبەرىلەدى. بارلىق دەڭگەيدەگى ءماسليحاتتار جەرگىلىكتى بيۋدجەت قارجىسىن تابيعاتتى قورعاۋ شارالارىنا ماقساتتى جانە ءتيىمدى پايدالانۋدى باقىلاۋعا الۋى قاجەت»، - دەدى ول.

پالاتا باسشىسى ءوز سوزىندە ءماسليحاتتاردىڭ قىزمەتى بارىنشا اشىق بولۋى كەرەكتىگىن دە اتاپ ءوتتى. قازىرگى زامانعى كوممۋنيكاتسيالىق تەحنولوگيالاردىڭ مۇمكىندىكتەرىن اتاپ وتە كەلىپ د.نازارباەۆا جوعارعى پالاتا مەن بارلىق دەڭگەيدەگى جەرگىلىكتى وكىلەتتى ورگانداردىڭ دەپۋتاتتارى تىركەلەتىن، ارىپتەستەر اراسىنداعى ۇنقاتىسۋعا ارنالعان تۇعىرناما رەتىندە بىرىڭعاي ء«ماسليحاتتار» ۆەب-پورتالىن قۇرۋ تۋرالى ايتتى.

قازاقستان ءماسليحاتتارى دەپۋتاتتارى بىرلەستىگىنىڭ اتىنان سەناتور تولەۋبەك مۇقاشەۆ ءسوز سويلەدى. ول قوعامنىڭ الەۋمەتتىك-ەكونوميكالىق دامۋى مەن ونىڭ دەموكراتيالاندىرۋداعى ءماسليحاتتاردىڭ ءرولى تۋرالى ايتىپ، ارىپتەستەرىن وزىنە دە، جۇمىسقا دا كوبىرەك تالاپ قويۋعا شاقىردى.

شارا بارىسىندا ايماقتىق ءماسليحاتتاردىڭ حاتشىلارى دا بايانداما جاسادى. الماتى وبلىستىق ءماسليحاتىنىڭ حاتشىسى سۇلتان دۇيسەمبينوۆ ءماسليحات دەپۋتاتتارى قارايتىن ماسەلەلەردىڭ مازمۇنى مەن سيپاتى ءوڭىردىڭ الەۋمەتتىك-ەكونوميكالىق دامۋ دەڭگەيىنە بايلانىستى ەلەۋلى تۇردە وزگەرەتىنىن اتاپ ءوتتى.

سولتۇستىك قازاقستان ايماقتىق ءماسليحاتىنىڭ حاتشىسى ۆلاديمير بۋبەنكو ءوز كەزەگىندە دەپۋتاتتار وكىلەتتى بيلىك ورگاندارىنا سايلانا وتىرىپ، ولارعا كۇردەلى شەشىمدەر قابىلداۋ قۇقىعى بەرىلگەنىن ءارى جەرلەستەرىنىڭ مۇددەسى ءۇشىن ونى ىسكە اسىرۋعا جاۋاپتى ەكەنىن تۇسىنەتىنىن ايتتى.

قازىرگى ۋاقىتتا قازاقستان رەسپۋبليكاسىنداعى 216 ءماسليحاتتا 3335 دەپۋتات جۇمىس ىستەيدى، ونىڭ ىشىندە 17 ايماقتىق، 36 قالالىق جانە 163 اۋداندىق ءماسليحات بار.

كونفەرەنتسيا سوڭىندا دەپۋتاتتار قازاقستان رەسپۋبليكاسى پارلامەنتى سەناتىنىڭ قۇرمەت گراموتالارىمەن، قازاقستان ءماسليحاتتارىنىڭ 25 جىلدىعىنا وراي ەلىمىزدىڭ پرەمەر-ءمينيسترىنىڭ العىس حاتتارىمەن ماراپاتتاۋ ءراسىمى بولدى. جەرگىلىكتى بيلىك ورگاندارىن دامىتۋعا ۇلەس قوسقان ءارى ەرەكشە كوزگە تۇسكەن دەپۋتاتتارعا قازاقستان حالقى اسسامبلەياسىنىڭ اتىنان «بىرلىك» التىن مەدالى مەن «قازاقستان ءماسليحاتتارىنا 25 جىل» مەرەيتويلىق مەدالدارى تابىس ەتىلدى. سونداي-اق «قازاقستان ءماسليحاتتارى دەپۋتاتتارىنىڭ بىرلەستىگى» رقب بيۋروسىنىڭ شەشىمى بويىنشا ءبىر توپ دەپۋتاتتارعا «قازاقستان ءماسليحاتتارىنىڭ قۇرمەتتى دەپۋتاتى» اتاعى بەرىلدى.

سوڭعى جاڭالىقتار

«اقىلعا ساۋلە قونباسا...»

قوعام • بۇگىن، 08:03

بوكسشىلار الەمدىك رەيتينگتە جوعارىلادى

كاسىپقوي بوكس • بۇگىن، 07:55

قازاقى اس: ءداستۇر مەن ءدام

رۋحانيات • بۇگىن، 07:51

تەرەزەدەن قاراما...

رۋحانيات • بۇگىن، 07:49

قىزمەت بارىسىندا قازا تاپتى

رۋحانيات • بۇگىن، 07:44

بوزىنگەندى يدىرگەن كۇي ەدى...

رۋحانيات • بۇگىن، 07:42

«كوحلەار نۋكلەۋس» كومەككە كەلدى

ايماقتار • بۇگىن، 07:40

اعا مەن ءىنى

قوعام • بۇگىن، 07:30

ىسقاق قاجى اۋليە

رۋحانيات • بۇگىن، 07:25

قابان، تاڭكى جانە بىدىق

رۋحانيات • بۇگىن، 07:23

قايىق كۇتكەن كۇن

رۋحانيات • بۇگىن، 07:21

«ۇلتقا قىزمەت ەتۋ – مىنەزدەن»

ساياسات • بۇگىن، 07:16

جاستاردىڭ جارقىن باستاماسى

ايماقتار • بۇگىن، 06:53

بالا اۋىرسا، ءبارىمىز جاۋاپتىمىز

مەديتسينا • بۇگىن، 06:48

اباي ءسوزى – قازاقتىڭ بويتۇمارى

قازاقستان • بۇگىن، 06:36

ۇقساس جاڭالىقتار