ەكونوميكا • 06 جەلتوقسان، 2019

ەلوردا اكىمدىگى بىرقاتار ينۆەستيتسيالىق جوبانى قولدادى

61 رەتكورسەتىلدى

ەلوردا اكىمى التاي كولگىنوۆتىڭ باسشىلىعىمەن ينۆەستيتسيا ماسەلەلەرى جونىندەگى وڭىرلىك ۇيلەستىرۋ كەڭەسى ءوتتى. قولداۋ كورسەتىلگەن جوبالاردى ىسكە اسىرۋ ناتيجەسىندە 2 مىڭنان استام جۇمىس ورنىن قۇرۋ مۇمكىندىك بولادى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.

مەملەكەت باسشىسى قاسىم-جومارت توقاەۆ ەلوردانى ودان ءارى دامىتۋ جونىندەگى كەڭەستە ورتالىق تەمىرجول اۋرۋحاناسىنىڭ عيماراتى ەسكىرىپ، اپاتتى جاعدايدا ەكەندىگىن اتاپ ءوتتى.

كەڭەستە مەملەكەتتىك-جەكە سەرىكتەستىك اياسىندا 800 ورىندىق كوپبەيىندى اۋرۋحانا سالۋ جوباسى قولداۋ تاپتى. جوباعا تۇركيادان ينۆەستورلار تارتىلدى. شەتەلدىك كومپانيانىڭ اۋرۋحانالار قۇرىلىسىندا ۇلكەن تاجىريبەسى بار. قۇرىلىس جۇمىستارى كەلەسى جىلى باستالادى. مەديتسينالىق ورتالىق الەمدىك ستاندارتتارعا سايكەس زاماناۋي جابدىقتارمەن قامتىلاتىن بولادى.

سونداي-اق كەڭەستە جيھاز كورپۋستارى مەن اعاشتان جاسالعان بۇيىمدار ءوندىرۋ تسەحىنىڭ،كوممۋنالدىق ارنايى تەحنيكانى قۇراستىرۋ زاۋىتىنىڭ، ازىق-ت ۇلىك قاۋىپسىزدىگىن قامتاماسىز ەتۋ ءۇشىن كوتەرمە-ءبولۋ ورتالىقتارىنىڭ، زەرگەرلىك فابريكاسىنىڭ جانە ت. ب. ينۆەستيتسيالىق جوبالارى قارالدى.

ەلوردا اكىمى ا. كولگىنوۆ ەل باسشىلىعى ينۆەستيتسيالاردى تارتۋعا ەرەكشە نازار اۋداراتىنىن ايتتى.

- قولايلى جاعداي جاساۋ جانە ينۆەستيتسيالىق كليماتتى جاقسارتۋ ءۇشىن بار كۇش-جىگەرىمىزدى سالۋدامىز، - دەپ اتاپ ءوتتى ا. كولگىنوۆ.

سوڭعى جاڭالىقتار

قىس قىسىمىن ادام كۇشى جەڭۋدە

ايماقتار • بۇگىن، 16:56

تارازدا «اntikor ortalygy» اشىلدى

ايماقتار • بۇگىن، 16:10

200 تەڭگەلىك مونەتا اينالىمعا شىقتى

قازاقستان • بۇگىن، 10:39

قورجىنىمىز بوس قايتتى

قىسقى سپورت • بۇگىن، 06:56

ۇقساس جاڭالىقتار