قازاقستان • 06 جەلتوقسان، 2019

ۇكىمەت ۇيىندە زەينەتاقى جۇيەسىنىڭ تيىمدىلىگىن ارتتىرۋ ماسەلەلەرى تالقىلاندى

239 رەتكورسەتىلدى

ۇكىمەت ۇيىندە پرەمەر-ءمينيستردىڭ ورىنباسارى بەردىبەك ساپارباەۆ زەينەتاقى جۇيەسىن ودان ءارى جەتىلدىرۋ بويىنشا جۇمىس توبىنىڭ كەزەكتى وتىرىسىن وتكىزدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

مەملەكەت باسشىسى قاسىم-جومارت توقاەۆ قازاقستان حالقىنا ارناعان «سىندارلى قورعامدىق ديالوگ - قازاقستاننىڭ تۇراقتىلىعى مەن وركەندەۋىنىڭ نەگىزى» جولداۋىندا ۇكىمەتكە جۇمىس ىستەيتىن ازاماتتارعا وزدەرىنىڭ زەينەتاقى جيناقتارىنىڭ ءبىر بولىگىن ماقساتتى پايدالانۋ ماسەلەسىن پىسىقتاۋدى تاپسىرعان بولاتىن. 

وتىرىس كەزىندە «بىرىڭعاي جيناقتاۋشى زەينەتاقى قورى» اق باسقارما توراعاسى جانات قۇرمانوۆ قازاقستانداعى زەينەتاقى جۇيەسىنىڭ تيىمدىلىگىن باعالاۋدى جانە حالىقارالىق تاجىريبە تالدامىن ۇسىندى. 

سونىمەن قاتار زەينەتاقى جۇيەسىنىڭ تيىمدىلىگىن ارتتىرۋ بويىنشا بىرقاتار ۇسىنىستار قارالدى. اتاپ ايتقاندا، زەينەتاقى جيناقتارىنىڭ ءبىر بولىگىن تۇرعىن ءۇي ساتىپ الۋعا نەمەسە ءبىلىم الۋعا پايدالانۋ، بىرىڭعاي الەۋمەتتىك قور قۇرۋ، بىرىڭعاي الەۋمەتتىك تولەم ەنگىزۋ جانە باسقا دا ماسەلەلەر تالقىلاندى. 

وتىرىستا اتالعان ماسەلەلەر بويىنشا سىندارلى تالقىلاۋ جاسالىپ، پىكىر الماسىلدى، ءتيىستى ۇسىنىستار ءبىلدىرىلدى. بيىلعى جىلدىڭ سوڭىنا دەيىن جۇمىس توبى ۇزاقمەرزىمدى اكتۋارلىق مودەلدەر نەگىزىندە زەينەتاقى جۇيەسىن ودان ءارى جەتىلدىرۋ بويىنشا ۇسىنىستار ازىرلەيتىن بولادى. 

وتىرىسقا ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ، «ەڭبەك رەسۋرستارىن دامىتۋ ورتالىعى» اق پرەزيدەنتى تامارا دۇيسەنوۆا، «قازاقستان قارجىگەرلەرى قاۋىمداستىعى» زتب كەڭەسىنىڭ توراعاسى ەلەنا باحمۋتوۆا، «First Heartland Jysan Bank» اق ديرەكتورلار كەڭەسىنىڭ مۇشەسى بولات جامىشەۆ، «اتامەكەن» ۇكپ اتقارۋشى حاتشىسى اليونا رومانوۆا، «ستراتەگيالىق باستامالار ورتالىعى» جشس اعا سەرىكتەسى ولجاس قۇدايبەرگەنوۆ، سونداي-اق مەملەكەتتىك ورگاندار مەن ۇكىمەتتىك ەمەس ۇيىمدار وكىلدەرى، ساراپشىلار مەن قوعام قايراتكەرلەرى قاتىستى. 

سوڭعى جاڭالىقتار

قىس قىسىمىن ادام كۇشى جەڭۋدە

ايماقتار • بۇگىن، 16:56

تارازدا «اntikor ortalygy» اشىلدى

ايماقتار • بۇگىن، 16:10

200 تەڭگەلىك مونەتا اينالىمعا شىقتى

قازاقستان • بۇگىن، 10:39

ۇقساس جاڭالىقتار