پارلامەنت • 06 جەلتوقسان، 2019

نۇرلان نىعماتۋلين ءماجىلىستىڭ بيۋرو وتىرىسىن وتكىزدى

49 رەتكورسەتىلدى

ءماجىلىس سپيكەرى نۇرلان نىعماتۋليننىڭ توراعالىعىمەن پالاتانىڭ بيۋرو وتىرىسى ءوتىپ، الداعى جالپى وتىرىستىڭ كۇن ءتارتىبى ناقتىلاندى. بۇل تۋرالى پارلامەنت ءماجىلىسىنىڭ ءباسپاسوز قىزمەتى حابارلادى.

الداعى سارسەنبىدە دەپۋتاتتار نازارىنا ۇسىنىلاتىن قۇجاتتار قاتارىندا قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل جانە كوشى-قون پروتسەستەرىن رەتتەۋ ماسەلەلەرىنە باعىتتالعان ءبىرىنشى وقىلىمدا تالقىعا تۇسەتىن ماڭىزدى زاڭ جوبالارى بار.

سونىمەن بىرگە، سالىقتىق بازانى بۇركەمەلەۋگە جانە پايدانى سالىق سالۋ اياسىنان الىپ كەتۋگە قارسى ءىس-قيمىل جاساۋ ماقساتىندا سالىقتىق كەلىسىمدەرگە قاتىستى شارالاردى ورىنداۋ جونىندەگى كوپجاقتى كونۆەنتسيانى راتيفيكاتسيالاۋ الداعى سارسەنبىدە قارالاتىن نەگىزگى زاڭ جوبالارىنىڭ ءبىرى. وسى كۇنى گاز جانە گازبەن جابدىقتاۋ ماسەلەلەرىنە قاتىستى تۇزەتۋلەر ەكىنشى وقىلىمدا قارالماق.

جالپى وتىرىستا بىرقاتار راتيفيكاتسيالىق قۇجاتتار جاڭادان جۇمىسقا الىنادى. ولار بىرىككەن اراب امىرلىكتەرىمەن سوتتالعان ادامداردى بەرۋ تۋرالى، ۋكراينامەن قىلمىستىق ىستەر بويىنشا قۇقىقتىق كومەك تۋرالى، برازيليامەن سوتتالعان ادامداردى بەرۋ تۋرالى شارتتارعا، سونداي-اق، امەريكا قۇراما شتاتتارىمەن كونسۋلدىق ارتىقشىلىقتار مەن يممۋنيتەتتەر تۋرالى ۇكىمەتارالىق كەلىسىمگە جانە ارىپتەستىك تۋرالى نەگىزدەمەلىك كەلىسىمگە (2014 جىلعى 4 مامىرداعى قازاقستان ۇكىمەتى مەن ازيا دامۋ بانكى اراسىنداعى قازاقستاندى ەكونوميكالىق ءارتاراپتاندىرۋ جانە ونىڭ ورنىقتى دامۋىنا، جالپى وسۋىنە جاردەمدەسۋ ماقساتىندا ىنتىماقتاستىقتى كۇشەيتۋ جونىندەگى ارىپتەستىك تۋرالى نەگىزدەمەلىك كەلىسىمگە تۇزەتۋلەر مەن تولىقتىرۋلار) قاتىستى بولماق.

وسى كۇنى پالاتا قوعامدىق كەڭەستەردىڭ قىزمەتى ماسەلەلەرىنە قاتىستى جانە اتوم ەنەرگياسىن پايدالانۋ ماسەلەلەرى بويىنشا تۇزەتۋلەرگە بايلانىستى زاڭ جوبالارى بويىنشا قورىتىندى ازىرلەۋ مەرزىمىن تاعايىندايتىن بولادى.

سوڭعى جاڭالىقتار

ەلباسى تۇركيا حالقىنا كوڭىل ايتتى

قازاقستان • بۇگىن، 14:17

قىزىلوردا: قازالىداعى قونىس توي

ايماقتار • بۇگىن، 09:07

ۇقساس جاڭالىقتار