قوعام • 06 جەلتوقسان، 2019

ەلوردادا 2023 جىلى «قولجەتىمدى دارىگەر» جوباسى بويىنشا 51 نىسان اشىلادى

52 رەتكورسەتىلدى

باس قالادا 2023 جىلدىڭ اياعىنا دەيىن العاشقى مەديتسينالىق-سانيتارلىق كومەك ءىسىن ىلگەرىلەتۋ ماقساتىندا «قولجەتىمدى دارىگەر» جوباسى اياسىندا 51 نىسان اشىلادى دەپ كۇتىلۋدە. بۇل تۋرالى قالا اكىمدىگىنىڭ رەسمي سايتى حابارلادى.

2018 جىلى العاشقى مەديتسينالىق-سانيتارلىق كومەك (بۇدان ءارى-مساك) ءىسىن ىلگەرى اسىرۋ ماقساتىندا نۇر-سۇلتان قالاسىنىڭ اكىمدىگى دامىتۋ تۇجىرىمداماسىن قابىلدادى. اتالعان تۇجىرىمدامانى ىسكە اسىرۋ قاجەتتىلىگى تۇرعىنداردىڭ جىل سايىنعى بەلسەندى وسۋىمەن، قالالىق ەمحانالاردىڭ اۋماقتىق بولىمدەرىنىڭ جوعارى جۇكتەمەسىمەن جانە قالانىڭ بىرقاتار تۇرعىن اۋداندارىندا العاشقى مەديتسينالىق-سانيتارلىق كومەك كورسەتەتىن مەديتسينالىق ۇيىمدارعا 20 مينۋتتىق قاشىقتىقتىڭ بولماۋىمەن بايلانىستى.

قالالىق قوعامدىق دەنساۋلىق ساقتاۋ باسقارماسى 5 مىڭنان 25 مىڭ ادامدارعا دەيىنگى حالىققا قىزمەت كورسەتۋگە ەسەپتەلگەن «قولجەتىمدى دارىگەر» جوباسىنا ۇلگىلىك تالاپتاردى، وسىنداي وبەكتىنى جابدىقتاۋدىڭ ەڭ تومەنگى ستاندارتىن، سونداي-اق مساك الەۋەتتى قىزمەتتەرىن ىرىكتەۋ جانە جاڭادان ىسكە قوسىلاتىن مساك وبەكتىلەرى ءۇشىن قىزمەت كورسەتۋ اۋماعىن ايقىنداۋ الگوريتمىن پراكتيكالىق ىسكە اسىرۋ ءۇشىن ازىرلەدى.

سول رەتتە 2023 جىلدىڭ سوڭىنا دەيىن تۇجىرىمداما اياسىندا ءبىرىنشى كەزەكتە قالا شەتىندە 51 «قولجەتىمدى دارىگەر» نىسانىن اشۋ جوسپارلانىپ وتىر. ال اعىمداعى جىلى جوبا اياسىندا 11 نىسان اشۋ جوسپارلانعان، ءبىرىنشى جارتى جىلدىقتا 8-ءى ەسىگىن اشسا، 2019 جىلدىڭ سوڭىنا دەيىن 30 مىڭ ادامدى قامتيتىن 3 نىسان پايدالانۋعا بەرىلەدى دەپ كۇتىلۋدە.

«قولجەتىمدى دارىگەر» نىسانىنىڭ اشىلۋى ءبىرىنشى كەزەكتە حالىق ءۇشىن 20 مينۋتتى قادامدىق قولجەتىمدىلىكتى قامتاماسىز ەتەدى، امبۋلاتورلىق بۋىنعا شامادان تىس جۇكتەۋدى تومەندەتەدى جانە حالىققا مەديتسينالىق قىزمەت كورسەتۋ ساپاسىن جاقسارتۋعا مۇمكىندىك تۋعىزادى. سونىڭ ناتيجەسىندە ادام كەزەگى ازايادى، ازاماتتاردى قابىلداۋ رەتكە كەلتىرىلىپ، پاتسيەنت، مەديتسينا قىزمەتكەرلەرى ءۇشىن قولايلى جاعدايلار تۋىندايتىن بولادى.


سوڭعى جاڭالىقتار

ەلباسى تۇركيا حالقىنا كوڭىل ايتتى

قازاقستان • بۇگىن، 14:17

قىزىلوردا: قازالىداعى قونىس توي

ايماقتار • بۇگىن، 09:07

ۇقساس جاڭالىقتار