قوعام • 06 جەلتوقسان، 2019

ءمامس: تىركەلگەن تۇرعىندار ۇلەسى 90 پروتسەنتكە جەتتى

88 رەتكورسەتىلدى

الماتى وبلىسىندا تۇرعىلىقتى جەرى بويىنشا ەمحاناعا تىركەلگەن ادامداردىڭ ۇلەسى 90 پروتسەنتكە جەتتى. بۇعان دەيىن ايماقتا 100 214 تۇرعىننىڭ تۇراقتى تىركەۋى جوق ەكەنى سىنعا الىنعان بولاتىن. قازىر بۇل ءتىزىم 35 306 ادامعا دەيىن قىسقارىپ، 64 908 تۇرعىن مەديتسينا مەكەمەلەرىنىڭ قاراۋىنا جازىلدى.

تۇرعىنداردىڭ دەنساۋلىق ساقتاۋ مەكەمەلەرىنە تىركەۋگە تۇرۋى دارىگەرلىك كومەك الۋدىڭ ماسەلەسىن شەشۋگە ىقپال ەتەدى. اسىرەسە، جاڭا جىلدان باستاپ ىسكە قوسىلاتىن مىندەتتى الەۋمەتتىك – مەديتسينالىق ساقتاندىرۋ جۇيەسى ارقىلى ەم-دوم الۋ قول جەتىمدى بولماق.  

- تۇرعىنداردىڭ تىرەۋگە تۇرۋ وزدەرى ءۇشىن وڭتايلى. الداعى جىلدان مەديتسينالىق قىزمەت كورسەتۋ جاڭا ەرەجەگە ساي جۇرەدى. وسى جەردە ەم الۋشىنىڭ مىندەتتى جارنانى تولەگەنى باستى ورىنعا شىعادى. ارينە، بۇل ماسەلەنىڭ ءالى دە جەتىلدىرەتىن تۇستارى بار. كەدەرگىلەردى ءىس بارىسىندا ەڭسەرەمىز. سوندىقتان تىركەلۋ مەن جارنا تولەۋ ءار ادام ءۇشىن مىندەتتى بولۋى ءتيىس، - دەيدى وبلىستىق دەنساۋلىق ساقتاۋ باسقارماسىنىڭ باسشىسى باۋىرجان ىسقاق.

ايتپاقشى، «مىندەتتى الەۋمەتتىك-مەديتسينالىق ساقتاندىرۋ» جۇيەسى ىسكە قوسىلعاننان كەيىن، ناۋقاس تىركەلگەن ەمحاناعا قارالعان كەزدە ونىڭ جارنا تولەۋى ماڭىزدى ورىنعا شىعادى. بۇل جەردە جالاقى تولەنەتىن قىزمەتكەر ءۇشىن مىندەتتى ساقتاندىرۋ جارناسىن جۇمىس بەرۋشى تولەيدى. ال ءوزىن-ءوزى جۇمىسپەن قامتىعان ازاماتتار سالىق كودەكسىنە ەنگىزىلگەن وزگەرىستەرگە ساي بىرىڭعاي الەۋمەتتىك تولەم جاساۋى ءتيىس.

سونداي-اق بالالار، جۇكتى ايەلدەر، جۇمىسسىز رەتىندە رەسمي تىركەلگەن تۇلعالار، 3 جاسقا دەيىن بالا تاربيەسىمەن اينالىسۋشى اتا-انا، مۇگەدەكتىك تاعايىندالعان جاندار، مۇگەدەكتى كۇتىپ،باعاتىن قامقورشى،  سوعىس ارداگەرلەرى، كوپ بالالى انالار جانە تاعى دا ارنايى الەۋمەتتىك جەڭىلدىگى بار ادامدار ءۇشىن مەديتسينالىق قىزمەت كورسەتۋدى قارجىلاندىرۋدى مەملەكەت ءوز موينىنا الادى.

سوڭعى جاڭالىقتار

ەلباسى تۇركيا حالقىنا كوڭىل ايتتى

قازاقستان • بۇگىن، 14:17

قىزىلوردا: قازالىداعى قونىس توي

ايماقتار • بۇگىن، 09:07

ۇقساس جاڭالىقتار