تاعايىنداۋ • 06 جەلتوقسان، 2019

جامبىل وبلىسى اكىمىنىڭ جاڭا كەڭەسشىسى تاعايىندالدى

182 رەتكورسەتىلدى

ءابدىماناپ جاسۇلان لەسبەك ۇلى جامبىل وبلىسى اكىمىنىڭ كەڭەسشىسى بولىپ تاعايىندالدى. بۇل تۋرالى جامبىل وبلىسى اكىمدىگىنىڭ ءباسپاسوز قىزمەتى حابارلادى.

ج.ءابدىماناپ (ابدىحالىق) 1980 جىلى جامبىل وبلىسى ت.رىسقۇلوۆ اۋدانى، ءا.جىلقىشيەۆ اۋىلىندا ومىرگە كەلگەن. ول جوعارى وقۋ ورنىن «قازاق ءتىلى ادەبيەتى» جانە «زاڭگەر» ماماندىقتارى بويىنشا تامامداعان. 

جاسۇلان لەسبەك ۇلى ءوز ەڭبەك جولىن 2003 جىلى «قازاقستان» تەلەراديوكورپوراتسياسى اق جامبىل وبلىستىق فيليالى «قازاقستان-تاراز» تەلەارناسىندا قاراپايىم ءتىلشى بولىپ باستاعان. ودان كەيىن ءار جىلدارى ديكتور، اعا رەداكتور، باس رەداكتور، ديرەكتوردىڭ ورىنباسارى قىزمەتتەرىن اتقارعان. «قازاقستان» تەلەراديوكورپوراتسياسى اق اقپاراتتىق ساراپتامالىق باعدارلامالار ديرەكتسياسىنىڭ  جامبىل وبلىسى بويىنشا مەنشىكتى ءتىلشىسى، «حابار» اگەنتتىگى اق اقپاراتتىق ساراپتامالىق جاڭالىقتار ديرەكتسياسىنىڭ  الماتى فيليالى بويىنشا مەنشىكتى ءتىلشىسى، «حابار» اگەنتتىگى، «24 كز» تەلەارنالارىنىڭ اقپاراتتىق-ساراپتامالىق جاڭالىقتار ديرەكتسياسىنىڭ  اقمولا وبلىسى بويىنشا  تىلشىلەر قوسىنىنىڭ جەتەكشىسى، «حابار اگەنتتىگى اق اقپاراتتىق ساراپتامالىق جاڭالىقتار ديرەكتسياسىنىڭ  پروديۋسەرى قىزمەتتەرىن اتقارعان.

سونداي-اق وڭتۇستىك قازاقستان وبلىسى اكىمىنىڭ، «نۇر وتان» پارتياسى ورتالىق اپپاراتىنىڭ ءباسپاسوز حاتشىسى - ءباسپاسوز قىزمەتىنىڭ جەتەكشىسى جانە اۋىل شارۋاشىلىعى مينيسترلىگىنىڭ قوعاممەن بايلانىس باسقارماسىنىڭ باسشىسى - ءباسپاسوز حاتشىسى قىزمەتتەرىندە جەمىستى ەڭبەك ەتكەن.

كەيىنگى جىلدارى جاسۇلان ءابدىماناپ «قازاقتان تەلەراديوكورپوراتسياسى اق جامبىل وبلىستىق فيليالى  «JAMBYL» تەلەراديوارناسىنىڭ ديرەكتورى بولدى.

ايتا كەتەيىك، وبلىس اكىمىنىڭ جاڭا كەڭەسشىسى ءوڭىردىڭ يدەولوگيا جانە اقپارات سالاسىنا جاۋاپ بەرەتىن بولادى.

سوڭعى جاڭالىقتار

ەلباسى تۇركيا حالقىنا كوڭىل ايتتى

قازاقستان • بۇگىن، 14:17

قىزىلوردا: قازالىداعى قونىس توي

ايماقتار • بۇگىن، 09:07

ۇقساس جاڭالىقتار