ال جولداعى اپاتتان جاراقات العانداردىڭ سانى بىلتىر 2185 ادام بولسا, جىل باسىنان بەرگى كورسەتكىش 2422 ادامعا جەتكەن. قاۋىپتى وقيعا نەگىزىنەن الماتى ماڭىنداعى اۋدانداردا بولۋدا. ەسەپتى مەرزىمدە ەڭبەكشىقازاق اۋدانىندا 280, قاراساي اۋدانىندا 258, ىلە اۋدانىندا 241, تالعار اۋدانىندا 221 جاعداي تىركەلىپتى.
وقيعا سەبەپتەرىن ساراپتاعان قۇزىرلى ورگاندار كولىك جۇرگىزۋشىلەر مەن جاياۋ جۇرگىنشىلەردىڭ جاۋاپسىزدىعى سالدارىنان بولعان اپاتتاردىڭ كوبەيگەنىن ايتادى. اسىرەسە, كولىك اعىنى جوعارى قالا ماڭىنداعى جولداردا جىلدامدىقتى ارتىرۋ, جول قوزعالىسى ەرەجەسىن ساقتاماۋدىڭ كەسىرىنەن كۇن سايىن ونداعان كولىك اپاتى بولادى ەكەن. سونداي-اق جولاۋشىلاردىڭ كۇرە جولدى بەلگىلەنبەگەن جەردەن قيىپ ءوتۋى مەن باعدارشام بەلگىلەرىنە سەلقوس قاراۋىنىڭ سالدارى دا قايعىلى وقيعاعا اپارىپ سوعۋدا.
