پارلامەنت • 06 جەلتوقسان، 2019

قازاقستان تۇركيامەن اسكەري ىنتىماقتاستىقتى كەڭەيتەدى

36 رەتكورسەتىلدى

سەنات وتىرىسىندا قازاقستان مەن تۇركيا ۇكىمەتتەرى اراسىنداعى اسكەري ىنتىماقتاستىق تۋرالى كەلىسىم راتيفيكاتسيالاندى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.

حالىقارالىق قاتىناستار، قورعانىس جانە قاۋىپسىزدىك كوميتەتىنىڭ توراعاسى مۇحتار قۇل-مۇحاممەد ناتو-نىڭ تۇركياداعى اسكەري ۋچيليششەلەرىندە قازاقستاندىق كۋرسانتتار اقىسىز نەگىزدە وقىپ جاتقانىن اتاپ ءوتتى. وسىعان دەيىن 200-گە جۋىق وفيتسەر وقىپ شىقتى، قازىرگى كەزدە 20 كۋرسانت ءبىلىم الۋدا، سونداي-اق ەلىمىز قورعانىس مينيسترلىگىنىڭ 14 وفيتسەرى تۇركيانىڭ وقۋ ورتالىقتارىندا دايارلىقتان وتۋدە. «جۇرگىزىلگەن تالداۋ جۇمىستارى بۇگىندە قورعانىس مينيسترلىگى قۇزىرىندا جۇمىس ىستەپ  جۇرگەن تۇركيانىڭ جوعارى اسكەري وقۋ ورىندارى تۇلەكتەرىنىڭ تەوريالىق جانە پراكتيكالىق ءبىلىم دەڭگەيى جوعارى ەكەندىگىن كورسەتىپ وتىر»، دەپ اتاپ ءوتتى م. قۇل-مۇحاممەد.

سەناتور مۇراتباي جولداسباەۆ تۇرىك كۋرسانتتارىنىڭ قازاقستاندا ءبىلىم الاتىندىعى تۋرالى قورعانىس ءمينيسترىنىڭ ورىنباسارى تيمۋر داندىباەۆتان سۇرادى. ت.داندىباەۆ قازىرگى كەزدە تۇركيانىڭ 16 اسكەري قىزمەتكەرى قازاقستاننىڭ تۇڭعىش پرەزيدەنتى – ەلباسى اتىنداعى ۇلتتىق قورعانىس ۋنيۆەرسيتەتىندە وقىپ جاتقانى تۋرالى ايتتى.

قۇجاتتى راتيفيكاتسيالاۋ قازاقستاننىڭ اسكەري سالاداعى مۇمكىندىكتەرىن كەڭەيتەدى، اسكەري ىنتىماقتاستىقتىڭ دامۋىنا وڭ ىقپال ەتەدى. كەلىسىم ماماندار دايارلاۋ مەن وقىتۋمەن قاتار بىرلەسكەن جاتتىعۋلار وتكىزۋگە، عىلىمي جانە تەحنيكالىق زەرتتەۋلەردى جۇزەگە اسىرۋعا، قورعانىس ونەركاسىبىنىڭ ىنتىماقتاستىعىنا، سونداي-اق كارتوگرافيا، گيدروگرافيا، توپوگەودەزيا سالالارى بويىنشا قامتاماسىز ەتۋگە قاتىستى بولادى.

سوڭعى جاڭالىقتار

ەلباسى تۇركيا حالقىنا كوڭىل ايتتى

قازاقستان • بۇگىن، 14:17

قىزىلوردا: قازالىداعى قونىس توي

ايماقتار • بۇگىن، 09:07

ۇقساس جاڭالىقتار