ايماقتار • 06 جەلتوقسان، 2019

تاۋلىگىنە 15-16 توننا ءسۇت الىنادى

52 رەتكورسەتىلدى

جۋىردا اۋدانداعى «لۋگانسك» وندىرىستىك كووپەراتيۆى 600 باس مالعا ارنالعان  تاۋارلى ءسۇت فەرماسىنىڭ العاشقى كەزەگىن ىسكە قوستى.

وتكەن جىلى  دا 600 باسقا ارنالعان فەرما اشىلعان. كووپەراتيۆ جىل سايىن مال باسىن كوبەيتىپ، ءسۇتتىڭ ساپاسىن ارتتىرىپ، جۇمىس كۇشىن وڭتايلاندىرۋعا ءمان بەرۋدە.

كەلەسى جىلى ەكىنشى كەزەڭدە قالعان  300 باسقا شاقتالعان فەرما پايدالانۋعا بەرىلەدى.

كووپەراتيۆ باسشىسى پەتر كۋزمەنكونىڭ ايتۋىنشا، جاڭا نىسانداردىڭ جۇمىسى ءسۇت ساپاسىن جاقسارتىپ، ءونىم كولەمىن ارتتىرادى.

ءسۇت فەرماسىنىڭ اشىلۋى - اۋىلعا قوسىمشا جۇمىس.

وبلىستىق اۋىل شارۋاشىلىعى باسقارماسى مال شارۋاشىلىعى ءبولىمىنىڭ مالىمەتىنشە، ءسۇت فەرمالارىندا 10 مىڭعا جۋىق ءىرى قارا بار.

ال، وتكەن جىلدىڭ قورىتىندىسى بويىنشا اۋىل شارۋاشىلىعىنا 19 ملرد تەڭگە كولەمىندە ينۆەستيتسيا تارتىلعان.

ءوڭىر شارۋاشىلىقتارى ەت جانە ءسۇت باعىتتاعى ءىرى قارانىڭ باسىن كوبەيتۋ ءۇشىن 2017-2019 جىلدار ارالىعىندا 5 ملرد تەڭگەگە جۋىق سۋبسيدياعا قول جەتكىزگەن.

بيىلعى جىلى 1،3 ملرد تەڭگە كولەمىندە قولداۋ قارجىسى بەرىلىپ، اسىل تۇقىمدى مال باسى 3،3 پايىزعا كوبەيگەن.

ال،  «لۋگانسك» وندىرىستىك كووپەراتيۆىندە  6700 ءىرى قارا بار. تاۋلىگىنە 15-16 توننا ءسۇت الىنىپ، جەرگىلىكتى ءسۇت وڭدەۋ ورىندارىنا تاپسىرىلادى. 

سوڭعى جاڭالىقتار

ەلباسى تۇركيا حالقىنا كوڭىل ايتتى

قازاقستان • بۇگىن، 14:17

قىزىلوردا: قازالىداعى قونىس توي

ايماقتار • بۇگىن، 09:07

ۇقساس جاڭالىقتار