ايماقتار • 06 جەلتوقسان، 2019

ءحالىڭ قالاي، قوستاناي؟

39 رەتكورسەتىلدى

ورتالىق كوممۋنيكاتسيالار قىزمەتىندە قوستاناي وبلىسىنىڭ اكىمى ارحيمەد مۇحامبەتوۆتىڭ قاتىسۋىمەن 2019 جىلدىڭ 10 ايىنداعى قوستاناي وبلىسىنىڭ الەۋمەتتىك-ەكونوميكالىق دامۋ قورىتىندىلارىنا ارنالعان ءباسپاسوز كونفەرەنتسياسى ءوتتى.

ءوڭىر باسشىسى بيىلعى 10 ايدىڭ قورىتىندىسى بويىنشا ءىس جۇزىندە ءوڭىردىڭ بارلىق نەگىزگى ماكروەكونوميكالىق كور­سەتكىشتەرى وڭ سەرپىن كورسەتكەنىن اتاپ ءوتتى. ونەركاسىپ ءوسىمى – 15،3، قۇرىلىس جۇمىستارى – 3،5، تۇرعىن ۇيلەردى پايدالانۋعا بەرۋ – 15،9، بولشەك ساۋدا – 3،6 %-عا ءوستى. ءوڭىر ەكونوميكاسىنا 226،4 ملرد تەڭگە ينۆەستيتسيا تارتىلىپ، ءوسىمى 3،9 %-دى قۇرادى. سىرتقى ين­ۆەس­تيتسيا 10،7%-عا ۇلعايدى. اۋىل شارۋاشىلىعىندا مال شارۋاشىلىعى ءونىمىنىڭ ءوندىرىسى 2،1%-عا ۇلعايدى.

10 ايدا وبلىستىڭ ونەركا­سىپ­تىك كاسىپورىندارى 978،4 ملرد تەڭگەنىڭ ءونىمىن ءوندىردى، ال تۇ­تاس 2018 جىلدىڭ ىشىندە بۇل كور­سەتكىش 883،4 ملرد تەڭگە بولعان ەدى. جىل قورىتىندىسى بويىنشا وبلىستا ونەركاسىپ ءوندىرىسىنىڭ كولەمى العاشقى رەت 1 ترلن تەڭ­گەدەن استى.

ا.مۇحامبەتوۆتىڭ ايتۋىنشا، اۆتو­موبيل قۇراستىرۋ جاقسى قار­قىن­مەن دامىپ، ءوندىرىس كولەمى 2 ەسەگە ءوستى. ەسەپتى كەزەڭدە 19،6 مىڭ اۆتو­موبيل قۇراستىرىلدى، بۇل وتكەن جىلعى وسى مەرزىم كورسەت­كى­شىنەن 2 ەسە ارتىق. جىل سوڭى­نا دەيىن 25 مىڭ اۆتوموبيل قۇ­راستىرۋ كوزدەلۋدە. وبلىستا بيىل «Lovol»، «كيروۆەتس» تراكتورلارى قۇراستىرىلا باستادى. «اگروماشحولدينگ kz» اق، «كاماز» كومپانياسى­مەن بىرلەسىپ ىسكە اسىراتىن اۆتو­بول­شەك وندىرىسىنە قاتىستى جوبالار جۇزەگە اسىرىلۋدا.

ايماق باسشىسى وبلىستىڭ اۋىلشارۋاشىلىق سالاسى تۋرالى دا باياندادى. بۇل سەكتوردىڭ جالپى وڭىرلىك ونىمدەگى ۇلەسى 11،2 %-عا تەڭ. سالادا 125 مىڭنان استام ادام جۇمىس ىستەيدى. بۇل – جۇمىسپەن قامتىلعان حالىقتىڭ جالپى سانىنىڭ 26%-ى.

بيىل وبلىستا 3 ملن توننا استىق باستىرىلدى، ورتاشا ءونىم گەكتارىنا 7،6 تسەنتنەردەن اينالدى. جينالعان استىق كولەمى شارۋاشىلىقتارعا ءبىرىنشى كەزەك­تەگى قاجەتتىلىكتەردى جابۋعا، مال قىستاتۋعا، ەگىس جۇمىستارىنا دايىن­دالۋعا مۇمكىندىك بەرەدى. بيداي قۇنىنىڭ وسۋى­نە بايلانىستى جەرگىلىكتى بيۋد­جەتتەن الەۋمەتتىك ناننىڭ باعا­سىن تۇ­راق­تاندىرۋ ءۇشىن 300 ملن تەڭگە ءبولىندى. اۋىل شارۋا­شىلى­عى جان­ۋارلارىنىڭ بارلىق تۇرلەرى­نىڭ سانى جانە ءونىمنىڭ بارلىق تۇرلەرىنىڭ ءوندىرىسى ارتتى.

– بيىل كولىك ينفرا­قۇ­رىلى­مىن دامىتۋعا 37،3 ملرد تەڭگە ءبو­لىندى. بۇل 550 كم-دەن استام اۆتوجولدى قايتا جاڭارتۋعا جانە جون­دەۋ­گە مۇمكىندىك بەردى. جاقسى جانە قاناعاتتانارلىق جاعداي­داعى وبلىستىق جانە اۋدان­دىق ماڭىزى بار اۆتوموبيل جول­دا­رىنىڭ ۇلەسى 2018 جىلعى 66%-دان 68%-عا دەيىن ءوستى، – دەدى اكىم.

جىل باسىنان بەرى ايماقتا 281،6 مىڭ شارشى مەتر تۇرعىن ءۇي پايدالانۋعا بەرىلدى. تۇرعىن ءۇي قۇرىلىسىنا 24،8 ملرد تەڭگە ينۆەستيتسيا سالىندى. جىل سوڭىنا دەيىن قۇرىلىس قارقىنىن 330 مىڭ شارشى مەترگە جەتكىزۋ جوسپارلانىپ وتىر، بۇل بىلتىرعى مەجەدەن 10%-عا جوعارى. حالىقتىڭ الەۋمەتتىك وسال توپتارى ءۇشىن جال­عا بەرىلەتىن تۇرعىن ءۇي قورىن قۇرۋ ماقساتىندا 2019 جىلى 8 نى­ساندى ىسكە اسىرۋعا 3،1 ملرد تەڭگە ءبولىندى.

ءبىلىم بەرۋ سالاسىن قارجى­لان­دىرۋ دا ار­تىپ كەلەدى. سوڭعى 3 جىلدا وبلىستىڭ ءبىلىم بەرۋ بيۋدجەتى 1،5 ەسەگە دەرلىك ءوستى. قوستانايدا ارقايسىسى 900 ورىن­دىق بىرنە­شە مەكتەپ پەن گيمنازيا پايدالا­نىلۋعا بەرىلىپ، ءۇش اۋىسىمدا وقىتۋ پروبلەماسى ەڭسەرىلدى. قوستانايدىڭ «يۋبيلەينىي» شاعىن اۋدانىندا جانە اۋليەكول اۋدانىنىڭ امانقاراعاي كەنتىن­دە مەكتەپ سالىنىپ جاتىر. مۇ­نىڭ سىر­تىندا 21 وقىتۋ نىسانىن كۇر­دەلى جوندەۋگە 2،7 ملرد تەڭگە بە­رىلدى. ءبىلىم بەرۋ مەكەمەلەرى كەڭ جولاقتى ينتەرنەتپەن 100% قام­تاماسىز ەتىلدى.

10 ايدىڭ ىشىن­دە 15 مىڭنان استام جۇمىس ور­نى، ونىڭ ىشىندە مەملەكەتتىك جانە سالالىق باع­دار­لامالار شەڭ­بەرىندە ىسكە اسى­رىلاتىن جوبالاردا 8 مىڭ­نان استام جۇ­مىس ورنى اشىل­دى. ءىس-شارا­لار­عا 25 مىڭنان اس­تام ادام تار­تىلدى. ونىڭ ىشىندە 18 مىڭ ادام تۇراقتى جانە ۋا­قىتشا جۇمىسقا ورنالاستى، 4،5 مىڭنان استام ادام سۇرانىسقا يە ماماندىقتار بويىنشا جانە بيز­نەستى جۇرگىزۋ نەگىزدەرىن وقۋعا جىبەرىلدى. باعدارلاما قاتىسۋ­شى­لارىنا بيزنەستى جۇرگىزۋگە 3 ملرد تەڭگەدەن استام شاعىن كرەديتتەر بەرىلدى.

اكىم جۋرناليستەر ساۋالىنا دا كەڭىنەن جاۋاپ بەردى. ماسەلەن، ارقالىق پەن شۇباركول اراسىن­دا تەمىر ­جول بولعانىمەن، ارقالىق قالا­سىنىڭ تۇرعىندارى ءالى كۇنگە كومىردىڭ قىزىعىن كورە ال­ماي وتىر. سەبەبى قالاداعى جى­لۋ ورتالىعى مازۋت جاعادى. ما­زۋت كومىردەن بىرنەشە ەسە قىم­بات. ارقالىقتى كومىرمەن جىلى­تۋ ماسەلەسى قاشان شەشىمىن تاپپاق؟

ءبىزدىڭ وسى سۇراعىمىزعا جاۋاپ بەرگەن وبلىس اكىمى سوڭعى جىل­­دارى مازۋتتىڭ 1 تونناسى 50 مىڭ تەڭگەدەن 116 مىڭ تەڭ­­­گەگە قىمباتتاپ كەتكەندىگىن ايت­­تى. وسىعان وراي ارقالىق تۇر­عىن­­دارى مەملەكەت باسشىسى ق.تو­قاەۆ بارعاندا وسى ماسەلەنى كوتەر­­گەن. قازىر بۇل پروبلەما شە­شى­مىن تابۋ­دا. ارقالىق جىلۋ ەنەر­گەتي­كا­لىق ورتالىعىن مازۋت­تان كومىرگە كو­شى­رۋ ءۇشىن ۇكى­مەت 3 ملرد تەڭ­گە قار­جى ءبولدى. بۇل قارجىعا كو­مىر­مەن جاناتىن قا­زاندىقتار سالى­نۋدا. بۇل ماسەلە پرەزيدەنت باقى­لاۋىندا تۇر.

سوڭعى جاڭالىقتار

ەلباسى تۇركيا حالقىنا كوڭىل ايتتى

قازاقستان • بۇگىن، 14:17

قىزىلوردا: قازالىداعى قونىس توي

ايماقتار • بۇگىن، 09:07

ۇقساس جاڭالىقتار