قوعام • 06 جەلتوقسان، 2019

عىلىم مەن بيزنەستىڭ ۇنقاتىسۋى

16 رەتكورسەتىلدى

نۇر-سۇلتان قالاسىندا «تەحنولوگيالاردى كوممەرتسيالاندىرۋ – عىلىم مەن بيزنەستى بىرىكتىرۋدىڭ قۇرالى» اتتى فورۋم ءوتتى. فورۋمعا 300-دەن استام ادام قاتىسىپ، عىلىمدى دامىتۋدىڭ جانە ەكونوميكانىڭ ناقتى سەكتورىنا وتاندىق ازىرلەمەلەردى ەنگىزۋدىڭ وزەكتى ماسەلەلەرىن، سونداي-اق عىلىم مەن بيزنەستىڭ ءوزارا ءىس-قيمىلىن ءىس جۇزىندە جۇزەگە اسىرۋ ماسەلەلەرىن تالقىلادى.

ءۇشىنشى حالىقارالىق فو­رۋمعا پارلامەنت سەناتى مەن ءماجىلىسىنىڭ دەپۋتاتتارى جانە «اتامەكەن» ۇكپ باس­شىلىعىنىڭ وكىلدەرى قاتىستى.

«حالىقارالىق فورۋمدى وتكىزۋدىڭ نەگىزگى ماقساتى – وتان­دىق جاڭا تەحنولوگيالار­دى كوممەرتسيالاندىرۋدى دا­­­مىتۋ جانە عىلىمي ازىر­لە­مەلەردى دارىپتەۋ. فورۋمنىڭ باع­دارلاماسىنا جوبالاردىڭ كە­ڭەيتىلگەن سەسسيالارى مەن تەحنولوگيالىق كاسىپكەرلىك بو­­يىنشا سەمينارلار وتكىزۋ، يننوۆاتسيالىق جوبالاردى دامىتۋ، عىلىمي زەرتتەۋلەردى كوممەرتسيالاندىرۋ جانە باس­تاۋشى كومپانيالاردى دا­مى­تۋدى قولداۋ قۇرالدارى كىرەدى. عىلىمي جوبالاردى كوم­مەرتسيالاندىرۋعا ارنالعان جوبالار كورمەسى، پىكىرتالاس الاڭدارى، سونداي-اق كەزدەسۋلەر مەن بەيرەسمي قارىم-قا­تىناس ەنەدى. مۇنداي فورمات قازاقستاندىق عىلىم مەن مۇد­دەلى بيزنەس قۇرىلىمدار اراسىنداعى ىنتىماقتاستىققا جول اشادى»، دەيدى ۇيىمداس­تىرۋشىلار.

سونداي-اق جيىن بارىسىندا «QazTechVentures» اق، «دامۋ» كاسىپكەرلىكتى دامى­تۋ قورى، «QazIndustriya» قازاق­ستاندىق يندۋستريا جا­نە ەكس­پورت ورتالىعى، حالىق­ارا­لىق جاسىل تەحنولوگيالار مەن ينۆەستيتسيالىق جوبالار ور­تالىعى ارقىلى وتەتىن ين­نو­ۆاتسيالىق جوبالاردى قول­داۋ­دىڭ شارالارى ءسوز بولدى.

ايتا كەتەتىن تاعى ءبىر جايت، فورۋم شەڭبەرىندە جاس عالىم­داردىڭ «Bolashaq Start up» اتتى ستارتاپ-جوبالارىنىڭ باي­قاۋى ءوتتى. وعان 17 كوماندا قاتىسىپ، بايقاۋ اياسىندا ترەك-سەسسيالار، سونداي-اق ينۆەستورلار مەن ستارتاپتاردىڭ ءوزارا «جىلدام تانىسۋ» سەسسياسى وتكىزىلدى. ەڭ تارتىمدى جو­بالارعا يە قا­تى­سۋشىلار ينۆەس­تورلاردان قار­جىلىق قولداۋ الادى.

«بۇگىنگى فورۋم – عى­لىم مەن بيزنەس وكىلدەرى ءۇشىن ديالوگ قۇرۋ الاڭى. وسى جەر­دە عا­لىمدار وزدەرىنىڭ عى­لىمي ازىر­لەمەلەرىن الەۋەتتى بيزنەس سەرىك­تەسكە كورسەتۋ مۇم­كىندىگىنە يە. بۇگىنگى تاڭدا «عىلىم قورى» اق-عا جالپى سوماسى 17،8 ملرد تەڭ­گەنى قۇ­رايتىن 158 جوبا كىرىپ وتىر. عىلىمي ونەرتابىستارى ار­قىلى 450-دەن استام عالىم بيز­نەستەرىن جۇزەگە اسىرۋدا. سونىمەن بىرگە يننوۆاتسيالىق ءونىمدى ساتۋدان تۇسكەن جالپى كىرىس 3،7 ملرد تەڭگەنى قۇرايدى. ەكسپورت كولەمى – 13،8 ملن تەڭ­گەگە جەتسە، جىل سايىنعى سا­لىق اۋدارىمدارىنىڭ كو­لەمى 2 ملرد تەڭگەدەن اسادى. بۇل ءبىزدىڭ ەلى­مىزدەگى عى­لى­مي ازىر­لەمەلەردى كوممەر­تسيا­لان­دىرۋداعى ۇلكەن جەتىس­تىك­­تەر»، دەدى «عىلىم قورى» اق باس­قارما توراعاسى ارىن ورساريەۆ.

سوڭعى جاڭالىقتار

ەلباسى تۇركيا حالقىنا كوڭىل ايتتى

قازاقستان • بۇگىن، 14:17

قىزىلوردا: قازالىداعى قونىس توي

ايماقتار • بۇگىن، 09:07

ۇقساس جاڭالىقتار