قولداۋ جۇمىستارى جالعاسادى

قۇرمەتتى بولات شامبەتوۆ مىرزا! ءسىزدىڭ «Egemen Qazaqstan» گازەتىندە جارىق كور­گەن «پرەزيدەنتىمىز قۋانتتى, ءمي­نيسترىمىز مۇڭايتتى» اتتى ماقالاداعى پىكىرىڭىزبەن ما­دەنيەت جانە سپورت مينيستر­لىگى تولىق تانىسىپ شىقتى. جال­پى العاندا, جالاقى توڭىرەگىندە ايتىلعان پىكىرىڭىز ورىندى.

مادەنيەت جانە سپورت ءمي­نيسترى اقتوتى رايىمقۇلوۆا كادر تاپشىلىعىن بولدىرماۋ ءۇشىن سالا قىزمەتكەرلەرىنىڭ ەڭ­بەك­اقىسىن كوتەرۋ ماسەلەسىن ۇدا­يى كوتەرىپ كەلەدى. سونداي-اق ەڭبەكاقى مولشەرىنىڭ تومەندىگى ماماندارىمىزدىڭ باسپانا الۋى­­نا دا كەدەرگى بولىپ كەلگەنى ج­اسىرىن ەمەس. وسى سەبەپتەر­مەن كىتاپحانا مەن مۋزەي, تەا­تر­ سالاسىنىڭ تاجىريبەلى قىز­مەت­­كەرلەرى ەڭبەكاقىسى جوعارى جۇ­مىسقا كەتۋگە ءماجبۇر بولىپ,­ كادر تاپشىلىعى تۋىندادى. مادەنيەت سالاسىندا ورىن ال­­عان وسى تۇيتكىلدى ماسەلەنى ءمي­نيستر­دىڭ ءوزى ۇدايى نازاردا ۇستاپ, ءتيىستى ورىنداردا ونىڭ وڭ شەشىلۋىنە ىقپال ەتۋى ارقاسىندا ءىس العا باستى.

پرەزيدەنت قاسىم-جومارت توقاەۆ 2019 جىلعى 2 قىركۇيەكتە «سىندارلى قو­عامدىق ديالوگ – قازاقستاننىڭ تۇراق­تىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىندا ۇكىمەتكە مادەنيەت قىزمەتكەرلەرىنىڭ ەڭبەكاقىسىن كوبەيتۋدى تاپسىرعانى بەلگىلى. بۇل قوعام تاراپىنان دا ەلىمىزدىڭ رۋحانياتىنا دەگەن ەرەكشە قول­داۋ رەتىندە زور قۋانىشپەن قابىلداندى. ەڭبەكاقىنى كو­تەرۋ بويىنشا ءتيىستى زاڭ­نا­­­مالىق جانە قۇجاتتىق دا­يىن­دىقتار مەن ۇسىنىمدار مي­نيستر ا.رايىمقۇلوۆانىڭ قاداعالاۋىمەن بىردەن قولعا الىندى.

ەڭ الدىمەن «ازاماتتىق قىزمەتشىلەرگە, مەملەكەتتىك بيۋدجەت قاراجاتى ەسەبىنەن ۇستالاتىن ۇيىمداردىڭ قىزمەتكەرلەرىنە, قازىنالىق كاسىپورىنداردىڭ قىزمەتكەرلەرىنە ەڭبەكاقى تولەۋ جۇيەسى تۋرالى» ۇكىمەتتىڭ 2015 جىلعى 31 جەلتوقسانداعى №1193 قاۋلىسىنا مادەنيەت سالاسى قىزمەتكەرلەرىنىڭ جالاقىسىنا قاتىستى وزگەرىستەر مەن تولىق­تىرۋلار ەنگىزۋ تۋرالى ۇسىنىستار جاسالدى.

وسى ۇسىنىسقا جەرگىلىكتى اتقارۋشى ورگان, ياعني ءار وبلىس اكىمدىكتەرىنەن جا­لاقىنى كوتەرۋ بويىنشا مي­نيستر­لىككە ارنايى جوسپار ۇسىنۋدى دا سۇراتقان بولاتىن. ناتيجەسىندە رەسپۋبليكالىق مادەني ۇيىم­داردىڭ قىزمەت­كەرلەرىنە لاۋا­زىمدىق جالاقى­نىڭ 50% مول­شەرىندە, ال كوم­مۋنالدىق (ايماقتىق) ۇيىم­داردىڭ قىز­مەت­كەرلەرىنە لا­ۋا­زىمدىق جالاقىنىڭ 35% مولشەرىندە قوسىمشا تو­لەم­دەر بەلگىلەۋ ارقىلى ەڭ­بەك­اقىنى كوتەرەتىن بولدى. نە­گىزى مينيسترلىك مادە­نيەت جانە ونەر ۇيىمدارى قىز­مەت­كەر­­­لەرىنىڭ جالاقىسىن بۇدان دا جوعارى كوتەرۋ ماسەلەسىن قوز­عاعان ەدى. الايدا بۇل ۇسى­نى­سىمىز باسقا مەملەكەتتىك ور­گانداردان قولداۋ تاپپا­دى. مادەنيەت جانە سپورت مي­نيستر­لىگى نەمەسە مينيستر جالاقىنى كوتەرۋ مولشەرىن جەكە-دارا شە­شە المايدى. وسى تۇس­تا رەس­­پۋبليكانىڭ بيۋدجەتىن رەت­تەيتىن ورگانداردىڭ كەلىسىمى جالاقى ماسەلەسىندە ماڭىزدى ەكەنىن ەستەرىڭىزگە سالامىن. وسى­­مەن توقتاپ قالماي, مينيستر الداعى ۋاقىتتا دا مادەنيەت سالاسى قىزمەتكەرلەرىنىڭ ەڭبەك­اقىسىن كوتەرۋدە تاباندىلىق تانىتاتىنىن جەتكىزگىم كەلەدى.

ايماقتاعى ونەر ۇجىم­دارى­نىڭ شىعارماشىلىق تابىسى, ەل رۋحانياتىنىڭ ءوسىپ-وركەندەۋىنە قوسىپ جاتقان ۇلەسى مەن ەڭبەگى ءاردايىم مادەنيەت جانە سپورت مينيسترلىگىنىڭ نازارىنان تىس قالمايدى. مينيسترلىك ونەر ۇجىمدارى مەن ناعىز تالانت يەلەرىن قولداۋ باعىتىنداعى جۇمىستاردى ءالى دە جالعاستىرا بەرەدى.