كينو • 06 جەلتوقسان، 2019

«باستاۋ»: جاڭا بۋىن كينوسى

31 رەتكورسەتىلدى

الماتىدا ءVIىI حالىقارالىق «باستاۋ» ستۋدەنتتىك جانە دەبيۋتتىك فيلمدەر فەستيۆالى وتۋدە. جىل سايىن وتەتىن بۇل ءىس-شارا حالىقارالىق ءارى كاسىبي بايلانىستاردى نىعايتۋ مەن كەڭەيتۋگە، كينو سالاسىنداعى ونەرلى، تالانتتى جاستار مەن مايتالمان شەبەرلەر اراسىندا پىكىر الماسۋعا مۇمكىندىك بەرەتىن الاڭعا اينالىپ وتىر.

بيىل فەستيۆال فورماتىنا وزگەرىستەر ەنگىزىلدى. بۇل جولى بايقاۋعا دەبيۋتتىك تولىقمەتراجدى فيلمدەر دە قاتىسادى.  فەستيۆالدىڭ رەسمي باعدارلاماسى Bastau Shorts – ەۋروپا ەلدەرى، الىس-جاقىن شەتەل ستۋدەنتتەرىنىڭ كەيىنگى 2 جىلدا تۇسىرىلگەن قىس­قامەتراجدى كوركەم، اني­­­­­­ماتسيالىق جانە دەرەكتى فيلم­دەرىنىڭ حالىقارالىق بايقاۋى جانە Bastau Debuts  – تولىقمەتراجدى دەبيۋتتىك كور­كەم فيلمدەرىنىڭ  حالىق­ارالىق بايقاۋىنان تۇرادى.

– ءبىزدىڭ فەستيۆالىمىز شى­عار­ماشىلىقپەن اينالىساتىن جاستارعا باستاۋ بولاتىن، تاجىريبيە الماسۋعا جانە جاس كينوگەرلەرگە ءوز جوبالا­رىن كەڭىنەن ناسيحاتتاۋعا، ونەردەگى ىنتىماقتاستىققا جول اشاتىن كاسىبي الاڭ، – دەدى فەستيۆالدىڭ اشىلۋىنا بايلانىستى ۇيىمداستىرىلعان ءباسپاسوز ءماسليحاتىندا ءسوز العان «باستاۋ» كينوفەستي­ۆالىنىڭ پرەزيدەنتى سەرگەي ءازىموۆ. –  سوندىقتان دا بۇل الاڭ دارىندى جاستارىمىزعا فەستيۆالدىڭ قوناقتارىنان – كينو ءوندىرىسىنىڭ ءتۇرلى سا­لاسىنداعى كاسىبي ماماندار مەن ساراپشىلاردان ۇيرەنۋگە تاپتىرماس مۇمكىندىك سىيلايدى. سونىمەن قاتار فەستي­ۆال­دىڭ الدىعا قويعان ماق­ساتىنىڭ ءبىرى – جاس ما­مان­دارعا قولداۋ كورسەتىپ، ولاردىڭ جۇ­­­مىسىن ناسيحاتتاۋ، ءتۇرلى جانر­دا فيلم تۇسىرۋگە قى­زىعۋ­شىلىعىن ارتتىرۋ. جال­پى فەستيۆالدىڭ باستى ەرەك­شەلىگى – شىعارماشىلىق ەر­كىن­دىك. ونىڭ تىنىس-ىر­عا­عىن قاتىسۋشى جاس بۋىن ءوزى ايقىندايدى. سون­دىق­­تان دا فەستيۆال ۇرانىنىڭ «جا­ڭا بۋىن كينوسى» دەپ اتالۋى دا تەگىن ەمەس. مىسا­لى،­ بايقاۋداعى جۇمىستارعا حا­لىق­ارالىق قازىلار ال­قا­سىمەن قوسا، ستۋدەنت جاس­­تار­­دان قۇرالعان تورە­شى­لەر دە باعا بەرەدى. فەس­تي­­ۆال­دىڭ ناتيجەسىندە ۇلت­تىق كينو­رەجيسسۋراداعى جا­ڭا تولقىننىڭ قارىمى باي­قالماق. 

Bastau  Debuts اتتى دە­بيۋت­تىك تولىقمەتراجدى فيلم­­دەردىڭ حالىقارالىق باي­­قاۋىنا 10 كارتينا تاڭ­دالىپ الىندى. ونىڭ قاتا­رىندا ءتۇرلى حالىقارالىق بايقاۋلاردا توپتى جارىپ، وق بويى وزىپ جۇرگەن «اۆرورا» (قىرعىزستان)، بەرلين كينو­فەستيۆالىنە قاتىسقان  «ولار­­­دى كورگەن سوڭعى ادام» (گەر­مانيا)، ءۇندىستان مەن قىتايدىڭ بىرلەسىپ تۇسىرگەن «اۋىرسىنۋ» ءفيلمى، «بەيىت­تەردى جىلجىتۋ» كينولەنتاسى (كورەي)، الەمدىك جەتەكشى كينوفەستيۆالدەردىڭ لاۋرەا­تى  ء«ماريام» (قازاقستان) جانە باسقا  كارتينالار بار. 

بۇل بايقاۋعا  بەلگىلى رەسەي­لىك رەجيسسەر، ستسەناريست ءارى پروديۋسەر ميحايل سەگال جەتەكشىلىك ەتەتىن حالىق­ارا­لىق قازىلار القاسى باعا بەرەدى. قازىلار القاسىنىڭ قۇرامىندا يسپاندىق كينوسىنشى، كينوفەستيۆالدىڭ سان-سەباستيانداعى ىرىكتەۋ كوميتەتىنىڭ مۇشەسى روبەرتو كۋەتو، فرانتسۋز پروديۋسەرى ءارى ديستريبيۋتەر دەنيس ۆاسلين، رەسەيلىك تەاتر جانە كينو اك­تريساسى نەللي ۋۆاروۆا، قازاقستاندىق تانىمال اكتەر ءارى پروديۋسەر فارحات ءاب­دىرايىموۆ بار.  سونداي-اق فەس­­تيۆال بارىسىندا ستۋ­دەنتتىك قازىلار القاسى دا جۇمىس ىستەيدى. بيىل ونىڭ قۇرامىنا قازاقستان، ارمەنيا، بەلا­رۋس، رەسەي، قىرعىزستان وكىل­دەرى كىرىپ وتىر. 

Bastau Shorts قىسقامە­تراجدى فيلمدەر بايقاۋىنا قاتىسۋ ءۇشىن بيىل الەمنىڭ 44 ەلىنەن 360 ءوتىنىم كەلىپ تۇسكەن. مۇنداي  رەكوردتىق كورسەتكىش فەستيۆالعا دەگەن قىزىعۋشىلىق پەن ونىڭ حا­لىق­ارالىق بەدەلىنىڭ ار­تا تۇسكەنىن ايعاقتايدى. تىزىم­دەگى كوشتى 60 فيلمىمەن قاتى­سا­تىن رەسەي باستاپ تۇر. ءبىر ەسكەرەتىن جايت، بيىل فەستي­ۆالعا العاش رەت نەپالدىڭ جاس كينوگەرلەرى قاتىسپاق.

بۇل باعدارلامادا قازاق­ستان 6 كارتينا ۇسىنادى، ولار: كاميللا بەردىمۇراتوۆانىڭ «تاقسىر» دەرەكتى ءفيلمى، ايداربەك ابدىلقادىردىڭ «تەرەڭ سۋ» اتتى انيماتسيالىق تۋىندىسى، سامعار راقىمنىڭ «ديپلوممەن – اۋىلعا» ءفيلمى، ەلامان شاۋبانوۆتىڭ «باۋىر» كارتيناسى، دارينا ما­نا­پوۆانىڭ «ماۋلەن» دراما­سى جانە باعلان قۇداي­بەرليەۆ­تىڭ «تىنىشتىق بايانى» ءفيلمى.

قىسقامەتراجدى فيلمدەرگە قازىلىق ەتەتىن ال­قانىڭ توراعالىعىنا فران­­تسيا­لىق رەجيسسەر، ستسەنا­ريست، «سان­دەرس» سەكىلدى بەدەلدى كي­نو­فەس­تي­ۆالدىڭ ەكى مارتە جەڭىم­پازى، ۆەنەتسيا كينوفەستيۆا­لىنىڭ جۇلدەگەرى گەلا بابلۋا­ني تاڭدالدى. سونداي-اق قا­­زى­­لار القاسىنىڭ قۇرا­مىن­­دا وزبەكستاننىڭ ەڭ­بەك سىڭىرگەن ءارتىسى رانو شو­ديەۆا، «ليستوپاد» حكف باع­دارلامالىق ديرەك­تو­رى يگور سۋكمانوۆ، رەسەي­لىك تەاتر جانە كينو اكتە­رى الەكساندر پاشكوۆ، قازاق­ستاندىق رەجيسسەر ءشاريپا ورازباەۆالار بار.

فەستيۆال اياسىندا كون­كۋرستان تىس قىزىقتى باعدار­لاما دايىندالعان. وندا الەمدىك دەرەكتى (BASTAU DOCS)، سونىمەن قاتار جا­ڭا قازاقستاندىق كينو (BASTAU KZ) كورسەتىلىمدەرى ۇيىم­داستىرىلماق. جالپى «باس­تاۋ» شەڭبەرىندە كورەر­مەن بەس كۇن بويى ءتۇرلى جانر مەن باعىتتاعى 80-گە جۋىق كي­نو شەبەرلەرى مەن دەبيۋ­تانت­تاردىڭ كينوسىن كورىپ، تاماشالاي الادى.

كورسەتىلىمدەر Bekmam­betov Cinema (اباي داڭع.109 ۆ، Globus حكف، 2-قابات) كينوتەاترىندا وتەدى. كىرۋ تەگىن.

فەستيۆالدىڭ قازىلار ال­قاسى مەن قوناقتارى وتكى­زەتىن  شەبەرلىك دارىستەرى مەن شىعارماشىلىق كەزدەسۋلەر كەزىندە ستۋدەنتتەر كينو سالاسىنا قاتىستى تولعاندىرار سۇراقتارىنا جاۋاپ تابا الادى. مىسالى، ت.جۇرگەنوۆ اتىنداعى قازاق ۇلتتىق ونەر اكادەمياسىندا «پيتچينگ» ونەرى» تاقىرىبىندا شەبەرلىك ءدارىس ۇيىمداستىرىلادى. ونى ارمەنيالىق اكتريسا ار­مينە اندا وتكىزەدى. سون­داي-اق فەستيۆال اياسىندا ورتالىق ازيامەن بىرلەسىپ تۇسىرەتىن كينو تۋىندىلاردىڭ ەرەكشەلىكتەرىنە ارنالعان (دەنيس ۆاسلين، نيدەرلاند)، قازىرگى زامانعى كينو ءوندىرىسى ماسەلەلەرىنە قاتىستى (ارسەن ارا­كەليان، ارمەنيا)، سونىمەن قاتار تسيفرلى توڭكەرىس زامانىنداعى دەرەكتى كي­نو­عا قاتىستى (الەكسەي حانيۋ­­تين، رەسەي)  ماسەلەلەر توڭىرە­گىندە شەبەرلىك دارىستەرى ۇيىمداس­تىرىلادى.

فەستيۆال اياسىندا حا­لىق­ارالىق كينومەكتەپتەر قاۋىم­داستىعىنىڭ قۇرامىنا جاڭا مۇشەلەردى قابىلداۋ تۋرالى مەموراندۋمعا قول قويىلادى.

جاس كينوگەرلەردىڭ فەس­تي­ۆالى رەجيسسەر ءشاريپا ورازباەۆانىڭ ء«ماريام» ات­تى كارتيناسىمەن اشىلادى. فەستيۆال جەڭىمپازدارىنىڭ ەسىمدەرى 2019 جىلدىڭ 7 جەلتوقسانىندا وتەتىن ماراپاتتاۋ سالتاناتىندا جاريالانادى.

«باستاۋ» ستۋدەنتتىك جانە دەبيۋتتىك فيلمدەردىڭ حالىق­ارالىق فەستيۆالى ال­ما­تى قالاسى اكىمدىگىنىڭ، ت.ق.جۇر­گەنوۆ اتىنداعى قازاق ۇلت­تىق ونەر اكادەمياسى، Tanaris Production كومپانيا­سى، «تۇران» ۋنيۆەرسيتەتى جانە ش.ايمانوۆ اتىن­داعى «قازاقفيلم» كينوستۋ­ديا­سى­نىڭ قولداۋىمەن ۇيىمداس­تىرىلىپ وتىر.

 

الماتى

 

سوڭعى جاڭالىقتار

ەلباسى تۇركيا حالقىنا كوڭىل ايتتى

قازاقستان • بۇگىن، 14:17

قىزىلوردا: قازالىداعى قونىس توي

ايماقتار • بۇگىن، 09:07

ۇقساس جاڭالىقتار